زايد الشيباني

قارئ ومحب للشعر

[زايد الشيباني @78zayed]

ياليت لي شيء افرح به واغنيبه
قدم لايفنى العمر واموت وحداني

عيشة قوي الصبر بالمره مريبه
يضحك له الحظ مره ومره يعاني

ياليت وقتي يزين ويزيد تهذيبه
ويجود باللي رجيته طول الازماني

ياطول ليل العنا والهم والريبه
اجاهد الوقت في سري وعلماني

مير البلا الادمي مايعلم الغيبه
والرزق عند الكريم منشي الاماني

ياقلب خلك قوي الباس والهيبه
والملك للي بيده الانس والجاني

[زايد الشيباني @78zayed]

لقيت في حبك سعة الصدر وانشراح البال
ولقيت في قربك الود والعطى وثنتين منهيّه

ماني بذاكرها لو يحدوني على قولها العذال
يا اجمل من تكلم ونطق الاسم بحنيّه

حفظتك في حشا روحي عن القيل والقال
وعاهدت قلبي بالوفا وصدق النيّه

[زايد الشيباني @78zayed]

القوي . . هزيمته شينه ، وشكواه عيب
مايبي في عيون الاصحاب نظرات شفقه

ودّه انه ما سمع خل قلبك ، قلب ذيب
يدري انه في حياته .. هذا اللي ، وهقه

كل ما قهوى الرياجيل . . والدله لهيب
ما توقاها .. ولا وضّح انها .. تحرقه

[فهد قطنان @Fahad_Qatnan]

يا صاحبي ترا الطناخة جبّله
ماهيب سلعه لا بغوها خذوها

من لامني في عزة النفس قلّه
كرامتي ما خلقوا اللي شروها

مال الدراهم فايدة بالمذلّه
مفشّله حتى ولو جمّلوها

يا حلوها حلواه لا جت من الله
غصبٍ على خشوم البشر كلبوها

[زايد الشيباني @78zayed]

احس باحساس مْتقلّب لا سعيد ولا حزين
و اعيش .. وظروف الحياة معلّيه و مدلّيه

تمرني لحظات آردد " تالي الدنيا تزين "
و تمرّني لحظات اقول " ان الامور مولّيه "

[زايد الشيباني @78zayed]

جاني بلاي اللي ليا جاني مغير
أرتب الأفكار وأشقرها شقر

تجي ماهي في قاف "أقرّ" وقاف "قير"
وأحطها ما بين "قير" وبين "أقرّ"

بعض الرجال طبوعه طبوع الحمير
ما يحترمك إلا ليا ذاق الحقر!

إن رحت يفتح لي لسانه للأخير
وإن جيت يسكت كن في لسانه عقر

ياللي تعبدون الأميرة والأمير
مثل الهنود اللي يعبدون البقر!

ترا اللي يخلي مع ربي خشير
مصيره سيفنى وسيلقى (سقر)

حنا نعبد الواحد الفرد البصير
وجميع شيءٍ غير ربي محتقر

حنا ما قلنا للرسول المستنير
في قلوبنا غلف وفي أذانينا وقر

رهبان في سجادة الثلث الأخير
وفرسان في سرج العاديات الشقر

رزقي في الدنيا مثل رزق الطوير
اللي بمنقاره على الشجرة نقر

لي خفة المترحل ولي صبر البعير
ولي مخلب الضرغام وعيون الصقر

أحب أدامح وقتي الشين المرير
وإليّا استقر أحس ماني مستقر

لو انذكر بالشر ترا الشر خير
يعرف فيه المندقر ما يندقر

أنا غني أخلاق لو إني فقير
ولا الدراهم مالها عندي مقر

مخباي مليان من الفقر الكثير
تبي فقر؟ تراني أوزع فقر!

[زايد الشيباني @78zayed]

عمر المطر ماقلت له مشكور
لين اقتعنت ان الرجال شجار

وان القلوب اللي بدون شعور
مثل الغصون اللي بدون ثمار

حتى لو الها فالتراب جذور
ماراح تعطيها ولا مقدار

من غبّةٍ وحده هل البابور
يستخرجون اللّول والمحّار

هذا مزيّن من غلاه نحور
وهذاك مايسوى ولا دينار

مافيه شي الا لحقه قصور
حتى السنين التاليات قصار

وتقول الارض من الاوادم بور
ماهو على شان القبور كثار

اللي دفنّاهم بدون قبور
اكثر من الموتى بتسع اعشار !!

ماعاد في بعض الرجال صدور
من يوم اكلها الحسد يا ستّار

خلّ البنات اللي سوات الحور
اثر الرجال من الرجال تغار

النور من يقدر يحجب النور
ياللي تحسب ان النجوم صغار

لاصار ما ميّزتها معذور
مانيب قايل لك وش اللي صار

وش ذنبي ان كان العيون العور
ماتقدر تشوف الكبار كبار

حتى ايش لو تشهد شهادة زور
وتحطّ راعي البيت مثل الجار

ماجيت ابي ذكرك وانا مذكور
لو ماني بشاعر مع الشعّار

ابوي قدّامي خذا له دور
ما شغّل فلوسه مع التجّار

يلمّها ويحطّها فـ " قدور "
ويشبّ من تحت القدور النار

[زايد الشيباني @78zayed]

تكفيني المدحه من الوافين وقروم العيال
ولي الشرف كان المهبل والرخوم تذمني

[فهد قطنان @Fahad_Qatnan]

متى تنفرج وافرّ من حزني القتّال
واراهن على مستقبلي وانطل احزاني

ماعاد ارغب الماضي ولا اداني الاطلال
احسّ إنّ عمري راح وابغا عمر ثاني

مغيّب عن الواقع مع الشعر والامثال
عطيت السنين هوايتي والله اعطاني

ماقد صرت في حاجه مغنّي ولا شيّال
أنا القي بيوتي كني الحّن آغاني

أنا شاعرٍ ربي عطاني مسار لحال
ولانيب قضعاني ولانيب جدلاني

تولعت فالساحة وحطيت لي مدهال
بتركيب متفرد وباسلوب قطناني

وعاقل مع العاقل وجاهل مع الجهال
ويومين متصالح ويومين عدواني

وعندي ضميرٍ كلّ ليله وهو شغال
ليامن تولّيت المعاصي تولاني

هوا نفسي يقول اتبع القلب مهما قال
وعقلي يقول اتبع ضميرك يا شيباني

الإيمان بالله لا ضعف يضعف الرجال
دخيلك يا رب البيت لا يضعف ايماني

يا غياث أغثني والله اني وصلت لحال
ما يفهمني إلا واحدٍ جاه ما جاني

أنا اشكي من الحرمان واشكي من الاهمال
ومن ضيقة تبلاني الله لا يبلاني

تشيمت عن حب المناكب من اجل المال
وصار الضعيف يمرني ويتعداني

أشوف الزمان يمّر ويمرر الاهوال
واشوف أصدقاي منول اليوم عدواني

واشوف الحبيب اللي قطع دابر الآمال
اخذ قلبي من ضلوع صدري وخلاني

حبيبي فداك الحال والحل والترحال
ما اقدم عليك إلا خواني وشيباني

تعلقت في ضلك وانا داري اني ضال
وشيبت وانا فاول العمر ما امداني

وتصالحت مع غلطاتك اللي رست فالبال
وتمنيتك انك يا حبيبي تمناني

تماكن غلانا لا تقفي عنه مختال
مكابرك لا يلعب بعقلك وتجفاني

مثل يوم ابيك ولا لقيتك تراني ذال
يجي يوم تبغاني ولا عاد تلقاني

[زايد الشيباني @78zayed]

خيل السعاده بالهوى خـالفتني
وخـالفت معها عيد قلبي وريفه
هبت هبوبٍ بالنيـا عطشتني
وكم غــاليٍ قبلي ظــما من وليفه

[زايد الشيباني @78zayed]

يالله ياجال الامور المهمة
تجلا وهج قلب برا حال راعيه

البر دجته والبحر رحت يمه
يقطعك ياحظ على الله مساعيه

يوم ان ولد اللاش رزقه على امه
رزقي على اللي ميت القشع يحييه

يامل قلب كل ما مات همه
دارت دواليب الدهر لين تحييه

فراق شمل الناس عيا يلمه
وقت يشيب الراس من شاية فيه

احدٍ ينام وحط راسه بكمه
واحدٍ تخم النوم عينه وتخطيه

واحدٍ يحاول بالردى بنت عمه
واحدٍ يحاول ستر عذراء عوانيه

ماني وانا بندر ببياع دمه
يقطعك يابياع دمه ومهفيه

اللي يبيع لابسات الازمه
ثور يبا بيض الرعابيب تغنيه

يزعل ليا جت ليلة الدور يمه
يرضى بسوق المال فـ..خوه وفـ..ابيه

خطو البخيل الي كبيرٍ معمه
يقرا الكتاب وواجب الله يخليه

إما هرج لك في رفيقه بنمه
والا عطا وامه تضيع هقاويه

انشدك ياللي كل فرض تتمه
تقرا الكتاب وكل فرض تصليه

ويش القليب اللي غميق مجمه
مافاد غرسه ماه .. عطشى سوانيه

تخالف الانظار شرق ويمه
وكل هدف رآيه من الناس مرضيه

سم السبب ياعارف عنه سمه
سم السبب ياعارفه قبل اسميه

#بندر_بن_سرور

[زايد الشيباني @78zayed]

لاباس ياشاكي الوقت لاباس
عند المدبر دبرةٍ نحتريها

لاينكسر عزمك وتشمت بك الناس
عند الله الوالي هقوةٍ نرتجيها

خذ العلم بحكمه وبقياس
نفسٍ صبوره تاصل مناويها

والرزق ماياقف على حد الانفاس
ارزاقنا عند الذي منشي سحابيها

[زايد الشيباني @78zayed]

لايقودك سوء ظنك مثل قود الذلول
مايقاد الا البهايم وعميان القلوب
.
من عطا عقله لغيره مغفل ومهبول
وظالم ٍ نفسه بظنه وحملها الذنوب

[زايد الشيباني @78zayed]

دنيا غثاها ما لـقينا له عـلاج
إلا مـع السـجة وكـثر المـداجـي

يا ليتني ما بين سجات وأفراج
أرتاح من ضيق الصدور اللواجي

في فيضةٍ ما طبّها كل هلباج
فيها يحـصّل ضايق البال ساجي

يا زين شبّ النار والليل لا داج
في صحصحٍ خالي وفيه ابتهاجي

يرتاح بالي يوم تسرح بها ساج
نـورٍ كـما نـور الـقـمر بانـبـلاجي

ريح النفل والحرمل العذب لا فاج
يبري جروحٍ بالضماير عواجي

[زايد الشيباني @78zayed]

ضايق وحالي ماش وعلومي علوم
ودي اهج من ضيقتي ومن هدومي

مرهق واعاني هم .. واطيح واقوم
يا ضيقة الخاطر عن الصدر قومي

[زايد الشيباني @78zayed]

مالله كتب لي فيك حظ ولا نصيب
الواقع أصدق من يا ليت و ربما

حتى لو إن إحساس قلبي ما يخيب
سفك الشعور أشد من سفك الدما

والغيمة اللي تاخذ شوي و تغيب
" ما تغري ألا الميّتين من الضما "

أحيان حتى اللي تحس إنه قريب
يمكن يكون أبعد عليك من السما