حَمد

ياحبيبي .. والله انك حبيبي لين اموت

[حَمد @79il0]

حبيبك ياحبيبي من سلالة أهل دروع وحرب
ولا يعشق من أصناف الجواهر كود فاخرها

— ضيدان بن قضعان

[حَمد @79il0]

كم عيونٍ حاولت لفت إنتباهي
و أتخطاها و أذوقها الهزيمة

ما يغيرني مكاني .. و إتجاهي
تنعمي عيني ولا اخون العظيمة

- عبدالله السرحاني

[حَمد @79il0]

كل ماجيتك .. تورينّي وجه العتاب
شايفه نفسك ؟والا وش انتي شايفه ؟

سعد بن جدلان

[حَمد @79il0]

أنت وجهك من لقاه أصلًا عشان يخلّا
يالقبال اللي به ظروف الدهر منّانه

ماينافسني على صادق محبتك ، إلا
العقيم اللي تعلّق في عيال أخوانه .

[حَمد @79il0]

ً . قالت العرب .
«العين باب القلب»

وقال فيها محمد الشمالي :
" خلَّ الكلام من اللسان اخذ الكلام من العيون
إليّ بغيت تترجم شعور العرب وإحساسها "

[حَمد @79il0]

مرحببا . . اما بعد :

« الإنسحاب وإغلاق الابواب وتغيير الأماكن ليس دليلاً على وجود البديل بل هي مرحلة الإلتفات للنفس بعد استنزاف الفرص »

اما عن وصف لسان الحال . . قال :

عطيتك من كرم قلبي وأنا ماني ب حاتم طي
أحاول فيك لكني عجّزت أعرف مفاهيمك ):

[﴿ وَذَكِّرْ ﴾ @_412A]

يُثاب المرءَ على استماع القـرآن وكلما ازداد استماعًا ازداد نـورًا يوم القيـامة.

[حَمد @79il0]

انا من اول خوي اللي على دربي
واليوم نفسي قد ادنى شي يجرحها

حتى شماغي ليا من ذعذع الغربي
اقول ماذعذع الا جاي يطرحها

ولا شعور الفرح ماعاد يثّر بي
تمرني لحظته ولا اقدر أفرحها

اخر الأمل فيك ياللي كنت تشعر بي
تعال رجع علاقتنا لمطرحها

انا بديت اتلاشى واخسَر حربي
فهمت ؟ ولّا تبيني باقي اشرحها

شفني تعذرت واقبل عذري وقربي
وجرحت نفسي وانا ماودي اجرحها !

- عويّد النجود
@owaid_123

[حَمد @79il0]

محمد ابن الذيب راح يبي قرض من البنك ورفض البنك لان راتبه مقطوع وانشد قائلاً :

——
اليا استجد من المواضيع موضوع
المن يهمه لأمر ينحو نـقـاشـي

يا البنك كان الشيك لاجاك مرجوع
دع عنك فاشيتك لا تصير فاشي

ترى معاشي قد له سنين مقطوع
ان كان وانك طامعٍ في معاشي

ماجيتك وثوبي من الذل مقطوع
لا تضحك اصحاب العزوم الهشاشي

وانا بعد مثلك اسلف لي جموع
لو كان كاشك مايقارن بكاشي

لكن بلا شاهد ولا شيك مطبوع
بالمرجله سلم واخذ وانت ماشي

ان جات قلت الخير بالخير متبوع
وان كانها ماجات ماني بخاشي

لأني على ماراح ماني بمفجوع
الناس واللي تملكه للتلاشي

جيناك نبغا شي واثرك مقلوع
على الوشايه يجذبك كل واشي

واليوم مشروع العتب عنك مرفوع
في ذمتي غير الستر مانبا شي

الناس تشبع ليله وليله تجوع
وانا فراش اهل الكرامه فراشي

اللي حداهم دنيته لاعته لوع
راسه على صكات الايام ناشي

اليا حفظ تقديرنا كل باتوع
اشباهكم يالابسات الغواشي

ماحن نسابقهم على لحسة الكوع
لو ضاقت ابنا واسعات المماشي

من المواشي ندهر ف آغلا نوع
مابين كبش مقورن وظهر حاشي

لو انها للشبك غديت ف اسبوع
اهم واغنى تاجرٍ في المواشي

لكنها للضيف ولـ جمعة ربوع
وشوفهم عندي يزيد انتعاشي

يهاجرون لمجلسي هجرة الطوع
لو كان ماني بالمليك النجاشي

[حَمد @79il0]

اذا تساوى الغرق عندك وطُوق النجاه
عرفت / كيف القلوب تهمل شفوفها

وادركت شلون مريته / وانا في رجاه
مثل الهوى اللي يمر القاع ويطوفها

ماعدت انا له مكانٍ كل ما اشتاق جاه
وترد نفسه شجاعتها / عقب خوفها

هويت / عقبه كتوف الارض لـ اي أتجاه
لين أصبحت الارض تنفضني من كتوفها

[حَمد @79il0]

" على العموم "

إذا أنت فرصه وفاتتني"ذهاب وإياب"
فـ أنا واحدٍ ما يلدّ العين لـ الفايته .

[حَمد @79il0]

الظاهر إنّه قد تم تحديد المصير،
والنفس عن طردت سرابه"تايبة"!

سويت لأجله شيء ما يمكن يصير،
وذبحت دونه.. شيخ قوم ونايبه!

عطيته الحبّ الحقيقي والكثير،
حبٍّ مَـا ذاقه من محبّة شايبه!

خلقت له تسعين عذرٍ في الضمير،
وعزّ الله إنّها.. كلّ أبيها خايبة!

حيث انتهت قصه من "أنفاح العبير"،
حل الفراق .. ولا انكشف سبايبة!

[حَمد @79il0]

مصبوبة الحسن توعدني وتنساني
وانا من العيد للعيد اتحراها

غيـداً ملكني غلاها مــا تعداني
لو تكثر ظروف وقتي مـا اتعداها

تقول ودي بشوفك مير ماامداني
والفرصة اللي على الجوال ما القاها

مشغولةٍ فـ ضحايا ابوي واخواني
ماتدري اني بكبري من ضحاياها

[حَمد @79il0]

وانا عيديتي في صوت شخص معين
الحبيب اللبيب الي وساع عيونه

اطـرقٍ في نهـار العـيد يـوم يتـزيـن
ودك تعايده وتعايد الي يجونه

-علي الدعيه

[حَمد @79il0]

عاد عيدك مايسة عود ممشوقة قوام
" يابعد من نقّشت بـ الخضاب كفوفها "

كل صبح يبين من غرّتك شمسه زمام
عاد كيف الليل الأسود مغير يحوفها

فارقة طبع وتواصيف وجدود ومقام
مثل فرق الليلة اللي نخاف نطوفها

تشبهين اعذب قصيده تبعها ياسلاااام
كانت وشاعرك مغمور ( وسط رفوفها )

تلبسين الثوب الأحمر تواضع واحترام
وانتي اول بنت نور الشفق نفنوفها !

من نعومة خدّك يجرّحه ريش النعام
مايليق بخدّك الا السحاب وصوفها

كيف اعرف ( الاستقامه ) وعودك ما استقام
كثّر الله خيري اللي عرفت حروفها

كنتي ولا زلتي ألطف من يدين السلام
طفلةٍ تْطفي سنا البرق ، دمعة خوفها

من يشوف رماح عينك عليّه بالحرام
مايغبط الهند برماحها وسيوفها

يوم قالو : دام عيدك ، ولله الدوام
قلت : مايهنا لي العيد لين آشوفها

- محمد بن فضاء
@i8i3l

[حَمد @79il0]

«الو لبيه فاضي وش تبي امر
ياجارح القلب جرح لو رحلت ادما

تعبان كني عيون المغرم الساهر
لكن انا غير اشرف واغلى واسما

في راس ابوي العزيز وعزوة الدامر
ورجال يام وعزاويها فكل احما

مخزن اسمك بجوالي بسم عامر
يلين شيخت اسم عامر على لسما

وقصيدة محمد المكتوم والسامر
وابداع قيس الملوح وابن ابي سلما

لقيتها في محيا وجهك الغامر
مثل السراج المنير بعتمة الظلما

ونهودك الراهي المتناسق الثامر
مزموم والا غلاي اشتد به وازما

الشوته اللي خسرها حظي الدامر
جمهورها دمعتن في محجر المرمى

تتوقع الهجر طعمه حلو والا مر
الحل واضح لكن قلب الفراق اعما»

(الشاعر محمد ابن الذيب)

[حَمد @79il0]

- اسبرسو بعنوان
تجلى عماس الراس لا ضاق الخناق
وتطبخ خلايا المخ من مفعولها❣️.

[حَمد @79il0]

اذا تساوى الغرق عندك و طوق النجاه
عرفت كيف القلوب تهمل شفوفها

و ادركت وشلون مريته و انا في رجاه
مثل الهوى اللي يمر القاع و يطوفها

ماعدت انا له مكانٍ كل 'ما اشتاق جاه'
و ترد نفسه شجاعتها عقب خوفها

هويت عقبه كتوف الأرض لأي اتجاه
لين اصبحت الأرض تنفضني من كتوفها

- عبدالله لزيوح

[حَمد @79il0]

اثر الرسايل تحمل شعور واحساس
ما بين برد حروفها جمر صالي

بان فـ مواريها بدر فوق جلاس
وبان فـ زواياها سواد الليالي

فروقنا واجد لو الفرق ينقاس
حتى تشابهنا بدا الفرق عالي

انتي ثلاث حروف ومن حولك الناس
وانا ثلاث حروف لكن لحالي

[حَمد @79il0]

حبيبي الوضع ماعاده .. يطمنّي
ولاعاد .. يكفي .. هلا ، و بخير ، و شلونك

اما تجيني على ماكنت من ظنّي
ولا اعفني من التعب في سكتي دونك

الظاهر انك ماعاد .. تحبنّي .. لانّي
أسأل ؟ .. و لالقى الجواب بمحجر عيونك