سعود

[سعود @7assc]

ابعد عن الانذال لو هم قرايب
ترا الزلايب قربهم له ضريبة

عليك بالشجعان حصن الطلايب
فرحة ضميرك بالسنين العصيبه

اليا حداك الضيم صاروا جلايب
فيهم طنا شمر ونخوة عتييه

عبد اللّٰه بن عبار العنزي

[سعود @7assc]

أغيب أفضل من حضوري بلا داعي
كثر الحضور الممل يخطّي الصايب

أغيب والناس تتكلم عن ابداعي
افضل من الحاضرين وقدرهم غايب

[سعود @7assc]

ياوسع عذرك عند ناسٍ فهيمين
واما الشياه اجلّك الله شياهي

حكم الهوى نوّخ اطغات السلاطين
ومكره تعدّى مكر الاربع دواهي

[سعود @7assc]

ماني بـ ماخذ كل شور ولا بسامع كل راي
المجد للي ما يحسب حساب عاقبة الأمور

انا على ماتشتهي نفسي و وين القى هواي
محدٍ يوجه وجهة شراعي على السبع البحور

اليا رضيت اطير الحاجه واوصلها سماي
واليا زعلت اخلي الحاجه دبورٍ في دبور

[سعود @7assc]

ليت القدر لا جمّع الناس بالناس
يجمع قلوب الناس كلٍ وطبعه

مايستوي الألماس في جنبه نحاس
ولا يروي الصافي سوى عذب نبعه

[سعود @7assc]

لا منها ضاقت عليك الوسيعات
غامر وربك يقسم بقسمه
قد قالو في ماض الليال الاولات
من لا يغبّر شاربه مادسّمه

[سعود @7assc]

بكره تشع إن قالها الله أمانيك
مهما غفت في ليل الأقدار شمسك
لايشغلك عن فرحة الجاي ماضيك
ولا يسرقك من واقعك صوت هجسك !
ولا تيأس إن يبسَت منابت مساعيك
بكره يسِيل الغيم ويطول غرسك

[سعود @7assc]

تختفي الشمس وضياها
ترحل القمرة وسناها
وينتهي العالم وراها
أنت تغني عنهم

[سعود @7assc]

خل عنك الغرور وخل عنك الشماته
يخطي اللي معه عرف ويضيع الدليله

والزمن ماتعرف وين حذفة عصاته
يبعد الممكنه ويقرب المستحيله

[سعود @7assc]

مهما تقنعني بكلامك؟ مهما شرحك لي يطول
رغم ذوقك واهتمامك؟
اختصرها لك واقول
موقفي واضح امامك
مااقبل انصاف الحلوول..

[سعود @7assc]

البلابل و القصايد و الاغاني
زاحمتني بالصباح اللي ابيه

لين راح الصبح بدري ما احتراني
ومن هذاك اليوم ماعدت احتريه

نفسي ان عافت تطيب من الاماني
لو ثمنها كان غالي وش عليه ؟

والله اني ما انتظر يفضى مكاني
المكان ان ما طلبني ما اجيه

[سعود @7assc]

قنعت ياماضي وأقفيت مرتاح
وانشهد ان قناعة النفس راحه

من طاح من عيني نسيته اليا طاح
وان راح جعله ما يجي من مراحه

ماهوب أنا اللي ينطح الصياح بصياح
قلة حياء وضعاف نفس وبجاحة

وإن ما توضّح علمي أعطيكم ايضاح
عقلي معي وأفهم وعندي فصاحة

[سعود @7assc]

الإنسان إذا وضعه لم يستقم لأسباب يجهلها فلابد من الوقوف الوقفة المشرفة وعدم الخضوع للأخرين والمجاملة على سبيل مستقبله

وقيل على سياق ذلك

"لا صار حظك ردي والوقت ما ياوي مناطح
الروس خير من مصافحها"

[سعود @7assc]

حيّا حياته فارقٍ ماله أشباه
لو قلدوه الناس ما ينتشبّه
سهله تمرّه لكن صعبه تعداه
تبقى بذاكرتك وساويس حبّه

[سعود @7assc]

ارعى خيالك في خيالي واناجيك
واضم طيفك وأحسب انه قوامك

واشتاق لك واحلم بزولك واراعيك
واخاف من غيري يفوز بغرامك

علمتني فن السهر في لياليك
وسحرتني بمداعبك وابتسامك

ايماني بحبك سبب رغبتي فيك
تأمر واطيعك ما سألتك علامك

حتى حياتي غيرتها مباديك
واصبحت اقدّر يا حبيبي مقامك

[سعود @7assc]

لو تجي جاهيّة ب ربوعي و ربوعك
ولو تحط الكون كامل في يدي ما ارضاني

انت خاسرني و خاسر بالخفى مشروعك
العب اللّعبة و تكتكها على احدٍ ثاني

القضيه كلها منّك و من مصنوعك
عايشٍ دور الضحية و انت فيها الجاني

والله ان أبطي وانا مركاي بين ضلوعك
ووالله ان تبطي تناساني ولا تنساني

[سعود @7assc]

ترى غناة النفس هي أصدق غناه
وترى جمال الشي ما قل وندر

وترى التغافل أكثر أوصاف الدهاه
وترى الذكي هو أغلب العالم حذر

وترى البعاد أحيان نوع من النجاة
وترى السكوت أحيان من باب العذر

لا تكبرون إلا على ظروف الحياة
ولا تحزنون إلا على غالي قدر

[سعود @7assc]

المحبه والكرامه والشهامه
تفحص المخلوق وتحدد مصيره

ودك ان الغالي ان قل اهتمامه
مايجي له في عروق القلب سيره

ودي اتبع خطوتك بس الكرامه
عند اهلها تعتبر حاجه كبيره

والله اني هامةً من راس هامه
احسب حسابي ترى الدنيا قصيره

[سعود @7assc]

بكره تشع إن قالها الله أمانيك
مهما غفت في ليل الأقدار شمسك
لايشغلك عن فرحة الجاي ماضيك
ولا يسرقك من واقعك صوت هجسك !
ولا تيأس إن يبسَت منابت مساعيك
بكره يسِيل الغيم ويطول غرسك

[سعود @7assc]

الا يالييييت الحظ من قوم عنّاز..