مافي النفّس

لله همّي وللناس ابتساماتي

[مافي النفّس @7bao_]

أبي ليلة فيها المسّره تساوي عام
تقربني أكثر من.. بداية نهاياتي

مغانم حياة ومغريات وكثير أحلام
تنازلت عنها.. وما تنازلت عن ذاتي

[مافي النفّس @7bao_]

بعيدًا عن الواقع قريبًا من الأوهام
بديت أبتسم للجرح وأكتم معاناتي

أحث القدم وأصبر وأقول الفرج قدام
لو الواقع اللي عشت عكس اتجاهاتي

لا جفّت دموع العين ما جفّت الأقلام
ولا طالت سيوف المقادير هقواتي

أنا الثابت اللي ما تغيّر مع الأيام
ولا غيرت سود الليالي قناعاتي

[مافي النفّس @7bao_]

الوقت جارحني وأنا ما شكيت
أخفي عذابي والضماير تدرّي

كم مرّني همٍّ كسر ما بنيت
وكم مرّني وقتٍ هدّ حيلي وضرّي

[مافي النفّس @7bao_]

أحيانًا تعيش حلمٍ أجمل من الصدق
كم حلم ليّا من تحقق صار عادي

وكم قلب ربّع شعور بـ لايح البرق
وكم ماطرٍ مانبت منه الحمادي

أهم شي القناعه واعرف الفرق
رزقك لك ورزق غيرك للنفادي

كم باذرٍ ماذخر حرث وسقا عرق
صبره حزامه وعينه للحصادي

- حمد السعيد -

[مافي النفّس @7bao_]

العيد مرّ وابتسام الناس لهـا صـوت
وأنا بقلبي وجع ما غاب عن عيني

ألبس جديد الفرح والهمّ بي منحوت
كنّ المواجع على صدري مخلّديني

يا عيد لا شفت دمع الصبر مكبوت
عسـى الفـرج مـن كـريمٍ ما يخلّيني

[مافي النفّس @7bao_]

انا البارحه ماجود ما عدني ماجود
أسيرٍ توديه الهواجيس وترده

عسى اللّٰه يخونك ياظروف اليالي السود
تحد الرجل للصد لو مايبى الصده

مادام العمر ينقص وجرح اليال يزود
لامانع يسيل الرجال دمعه على خده

لكن رحمتك يالله ياحي يامعبود
ياسامع دبيب النمل يافارج الشده

[مافي النفّس @7bao_]

مروعني الوقت لو ياخِذ طموحاتي
وتروعني الناس في صدمة مباديها

بارد ولا شئ . . يلفت أنتباهاتي
تمرني أشياء ماتمشي وأمشيها

مسكر أذني .. ومقلل علاقاتي
تتساقط الناس من عيني وأخليها .

[مافي النفّس @7bao_]

ياكم طيّب يشتهي الناموس
حاول ولكن البخت شحاح

ترا الكريم اللي بدون فلوس
مثل الشجاع اللي بدون سلاح

[مافي النفّس @7bao_]

عفى اللّٰه عن صدرٍ من الوقت لو ينهار
مايشكي مُعاناته على بعيد وقريّب
-
ليا حس في حزنه توارى عن الانظار
ولا يوقع من همومه وضيقه قريّب
-
معه قلب ذيب ونفس طير وعزم واصرار
ومعه حسن خلقٍ لا يعذرب ولا يعيّب
-
لو تحطه الاقدار ما بين نار وغار
ماهوب متردي، كان ماهوب متطيب

[مافي النفّس @7bao_]

عقلي اللي كان يبغى من الواقع هروب
تالي الأيام يبغى الهروب من الخيال

ما تنحت ضيقتي يوم لاحيت الهبوب
زال شيٍ من همومي وشيٍ لايزال

ضيقوك وجابوا أقصاك يالصدر الرحوب
كل ما راحوا وعادوا على نفس السؤال

المعزّة يوم شافوا مزايها عيوب
قلت أشوف عيوبها أية من أيات الجمال

جابر النشيرا

[مافي النفّس @7bao_]

ما اخاف من الفرقا عشان الخطا والصواب
اخاف .... لا نفترق لان الوصل " ممل "

- سعد علوش -

[مافي النفّس @7bao_]

ياربّي وانت ربّ المستحيل و قاضي الحاجات
تشوف الحاجة اللي في خواطرنا . . و تقضيها

[مافي النفّس @7bao_]

قال ﷺ (عُمرَةٌ في رمَضَانَ تَعدِلُ حجة، أَو حجة مَعي)

الحمدلله على التمام والكمال، اللهم تقبّل منا ولا تترك لنا دعاءً إلا وقد اجبته، اللهم اجعلها عمرة مقبولة وسعيًا مشكورًا وذنبًا مغفورًا

[مافي النفّس @7bao_]

لـ الناس حاول ماترسم خارطه لـ الطريق
من قال وين انت رايح ؟ قل قريّب بدو

ترى الحسود الخفي يلبس ثياب الرفيق
وعند الزعل كل حاجه تنكشف في هدو

يحارب اللي يشوف انك تعده صديق
ويصاحب اللي يشوف انك تعده عدو

- عايض العاطفي -

[مافي النفّس @7bao_]

يازين السكوت لا صار مال السوالف راس
ويا حلو الكلام الصايب اللي على حله
-
وياشين الجميل اللي دروبه جميع الناس
ويازين الجميل اللي مايدري به الا الله .

[مافي النفّس @7bao_]

والله ما يذبحك ياكوّد حاجه
لاصار في وجهك حيا وانت محتاج

- مجعد العميلي

[مافي النفّس @7bao_]

لي مدتن ماطب في عيني النوم
ولا غشى الطرف المشقى نعاسه

اضحك واناكني على الكبد ماسوم
والضغط من فوق معدل قياسه

ماهي من كثرة هواجيس وهموم
ولا هو من قل الطرب والوناسه

من واحدٍ عرق الصله فيه معدوم
والفرق شاسع بين ناسي وناسه .

[مافي النفّس @7bao_]

حاول تتوب وقو قلبك بالايمان
يامعلق الامال في شخص غايب
-
درب الندم كله مواجع وخذلان
ولا وراه الا الشقى والمصايب
-
يالله تجعلني مثل حال مشعان
باع الحياه وجاك مخلص وتايب

[مافي النفّس @7bao_]

- كم مرةٍ سريتها بالغصيبه
والنفس في روس المشارف هواها

ما اسمع من الي كلمته في قريبه
- بندق غشيمٍ ثورت في خباها

الطيب من دونه دروبٍ صعيبه
- ما كل رجلٍ لو بغاها لقاها

تخالف الانظار ما هي مصيبه
- الكارثه حقد النفوس ورداها

- خالد الروقي -

[مافي النفّس @7bao_]

عفت النفس في الدنيا تزهدّني
من تعفف خذا المقسوم ويسده
-
غير ما قومي إلا يوم يقصدني
واحدٍ من زمانه واصل حده
-
وحالتي الماديه ماتساعدني
واستحي لايجي المحتاج وارده
-
يا المال لاعشق صناديق الانذال
ليتك تعرف اللاش وتعف منه