حـبر /7br

📵

[حـبر /7br @7br_96]

على الواجبة مانعرف مكاسر الاسواق
ليا شافنا السمحين راحوا شريطيّة

يجينا على الطالة مثل مايجي العشاق
لا ذاقوا ملذات الغرام الحقيقية

يجينا تواضع لا لقينا كسير الساق..
مثــل مانكابــر لا لقينا الكباريّـة .

[حـبر /7br @7br_96]

أذكر اني كانت دروبي صحاصيح ومديّه
قبل يفني غيهب الترحال كل محاولاته

واذكر اني قلت للي عاقدٍ للهجر نيّه
يوم في وجهه لمحت من الفراق ومجرياته

لاااااا توقّفني على باب الظنون السرمديّة!
كان عندك قرب هات وكان عندك بعد هاته .

[حـبر /7br @7br_96]

صباح الرضا وان كان ودك صباح الخير / اشوف الصباح بدون وجهك حكي فاضي

[حـبر /7br @7br_96]

بين تيار الظروف وبين خطوات المساعي
صرح المسؤول عن حلمي بمفلاس الذخيره

ياضميري والليال دروس والدنيا متاعي
والبنادم لو تهرب ماتهرب عن مصيره

خابر اني قبل خمس سنين كنت اجتماعي
غير مدري وش بلاني فالسنوات الاخيره

[حـبر /7br @7br_96]

كل عام واانتم بخير ومن العايدين الفايزين 🤍 "

[حـبر /7br @7br_96]

أخذوا بعضكم من سنيني وخلوني
سنيني الماضيه والله ما اسامحها

و خلّوا لي اللي يعدّل ميلة ظنوني
والحاجه اللي يخربها .. يصلحها

اللي تجرّا : ينزل دمعه عيوني
اثره تجرا عليها .. لجل يمسحها

يالله بـ صبح ٍ يقويني على طعوني
لين افرح الفرحه اللي ودي افرحها

[حـبر /7br @7br_96]

على طاري غرامك ياحبيبي هاك ماينقال
على البح�� الطويل يسوقها موجي ومجدافي

حبيبي لا تضايق من عتبنا لك على الجوال
هذا حبك و هذا منزلك في قلبي الوافي

يعيش الحب بين اللي محبتهم وفا ووصال
ويموت الحب من فرقا القلوب ومن جفا الجافي

أمانه ياحبيبي كل ماتشعر بـ ضيقة بال
تعال أضم حزنك في زوايا صدري الدافي

وانا مافي نظامي حب يومين وجفى واهمال
وجاك من الـ محبة والـ معزة والغلا الكافي
ٰ
صحيح ان الغياب اللي حصل بيني وبينك طال
لكن مهوب انا اللي فوق حبه يسفي السافي

لحقني من غلاك ومن جفاك اللي يرٌق الحال
مثل ماكني اشوف الحزن في طررفك الغافي

يروح اللي يروح من العمر واللي بقى لا زال
ويبين اللي يبين من الغلا و الخافي الخافي

هذا نبض الشعور اللي كتبته لك على استعجال
فديت اسمك ولبى معدنك يالمعدن الصافي

[حـبر /7br @7br_96]

"على أوتار الحزن لا عاد تلعب يا حمام الورق
أنا الليله من أيام الصبا والطيش يا قربي

تراني ما نشدتك وش تبي بـ الريشتين البِرق
عشان أقول لك عقب الموده حلّ عن دربي

تخيّر لي من عْذاب الطروق، أ��قّ وأعذب طَرق
وأجي جلمود صخرٍ من علوّ الضلع متدربي

على أطراف الديار اللي بأهلها ما جمعني عِرق
عليها الشوق يثني خاطري والريح تامر بي

عسى دارٍ تضمك يا حبيبي، للمطر والبرق
ثلاث ، أربع ليالي لين يثّر بك و يثّر بي

ترا دموع المحبه زِرق وبحور المحبّه زِرق
تشيّم عن دموعي ، كان ما لك شفّ تبحر بي

أقوله وإن بغيت الصدق، مابيني وبينك فرق
ولايف؛ والولايف للبحر والموج والغربي " .

[حـبر /7br @7br_96]

" على أطراف الديار اللي بأهلها ما جمعني عِرق
عليها الشوق يثني خاطري والريح تامر بي "

[حـبر /7br @7br_96]

خاسر الود وإن عاد نادماً لا ��دَّ له .

[حـبر /7br @7br_96]

فرعًا عليها السحابة تستلذ المطيح / وتباشر الأرض فيها لا مشت حافية "

[حـبر /7br @7br_96]

اللهم اجعل هذا البلد آمنا

[حـبر /7br @7br_96]

تل قلبي فارع الجيد مزموم النحر
أدعجٍ كنك تشوف الرضى في غرته

منتصر فاسفل قوامه وخصره مندحر
طاهرٍ حتى السحابه .. تمنى جرته

يوم ياطى تربة الارض كن حال البحر
يتشره كل ليله .. على أغلى درته

ليتني نودٍ من الصبح واوقات السحر
وأعتري جلباب ثوبه وأغيض أزرته ..!

[حـبر /7br @7br_96]

خلاص اعزم على الفرقى ولا لك في رقبتي دين
ترى حنّا تعدّينا الخطوط الاستوائية

تفاهمنا على حسم الأمور وكلّنا راضين
وتوادعنا ما كن قلوبنا خضر و هواوية

ومع هذا عجزت أسج وأنسى وأترك المقفين
أغصب القلب لكن الغلا قدرة إلهية

- ضيدان بن قضعان .

[حـبر /7br @7br_96]

@1nx انا سعودي رايتي رمز الاسلام - وانا العرب واصل العروبه بلادي 🇸🇦

[حـبر /7br @7br_96]

اللّهم لك الحمد حتى ترضى، ولك الحمدُ إذا رضيت، ولك الحمدُ بعد الرضى، ولك الحمد على كلّ حال.

- الحمد لله دائماً وابداً .

[حـبر /7br @7br_96]

@Eyaaaad حي عينه ولله

[حـبر /7br @7br_96]

شرايـد القـوم ماتدفـن ولايشـهـا / منها سباع الخـلا والطيـر يعتاشـي

[حـبر /7br @7br_96]

جهلتي مع خطاياي الكثيره فكرة التصحيح
صنعتي من غيابك شاعرٍ كثروا محبينه

ترك داره و خالف سربته قبل الصدور تبيح
و اخذ في غربته ضحكة حبيبه و اول سنينه

طوى لك سكته بين الجروح و لهفة التلميح
يضمك في ضلوعه طيف ، قبل تضمك يدينه

تمرينه لا شاغل سبحته بالذكر والتسبيح
ولا ربي كتب له .. يوم يكتب لك تمرينه

تذكر يوم غنى لك .. تثني مع هبوب الريح
وغناها .. ولا جيتي من الفرحه تضمينه

يملّ من الضما ، ما بلّ ريقه من عيون السيح ..
ضماه اللي قطع كبده من شفاهك تبلينه

من يشوف الممات اقرب من الاحسان والتجريح
يعرف انك خذيتي قلبه اللي تستحقينه

زهد فالناس و قلوبٍ تحبه تنكسر وتصيح
من يب��ع الحياة لعينك النجلاء تبيعينه ؟

و هو من يوم شاف دموع عينك تسبق التلويح
درى بـ انك تقولين الكلام و ما تسوينه

ع��ان رضاك قام و طاح ، مايبغى الدموع تطيح
يخاف ان طاحت دموعك عليه ، يْطيح من عينه .

[حـبر /7br @7br_96]

مرابيع صدري ما أنقفل بابها المفتوح
مداهيلها الخضرا لا زالت مداهيلك

تنامى على طاريك غصن وجبل وسفوح
طرقها هواك وظللتها مخاييلك

فضح ليلةٍ غطّت ثراها لبرقك ضوح
وجاذب مسامعها رعدك ودرج سيلك

هذا بيتك وهذا نخلك وظلال الدوح
وهذي شمسك وغرّة قمرك ونجم ليلك

وكرسيّك وطاولتك وشالك المطروح
وعطرك وشعلة شمعدانك وقنديلك

لو تغيب عن بال التفاصيل وين تروح ؟
زوايا مساحتها ملتها .. تفاصيلك

من أول خجلك وكلمتك في قيود البوح
وهداياك وأنغام الهوى مع مواويلك

والى آخر تنهادتك في صوتك المبحوح
ورسالة عتب من دمعك اللي بمنديلك

يا ق��عة حشاي ولهفة الخاطر المفضوح
لا يقتلك حلمك وتمادى .. بتأويلك

وش اللي يطيّب خاطرك يا حبيب الروح
تخيّر وقول اللي تبيه أنت ويجيلك

لك أني اقول بما حصل بيننا مسموح
عليّ ما يقوم بواجب أعذارك اللي لك

على جمر شرهاتك دلال الغرام تفوح
أبقدع عتب قدام لا أشرف فناجيلك

وباخذك من سكر حلا وجهك المملوح
لفتنة حورك وخصلةٍ من مجاديلك

وحطك بكف بروح والعالمين بروح
وإلى الساعه الكبرى ما توصل مواصيلك