تبسّم (:

هذا مكاني .. مرّني كل ما أشتقت .

[تبسّم (: @7bsm_]

"ربي كثر الموت من حولي و مات من في سني و من اصغر مني، ربي إن أدركني الموت، فأجعل سيرتي من بعدي تبقى ولا تموت، وارزقني بصحبة لا ينسوني بعد الموت ولا يتوه اسمي في دعاء كل من عرفني، اللهم اهل و صحبة ان مت لا اموت بداخلهم و ان اكلني التراب لا يأكلني الزمان في خواطرهم 🧡.

[تبسّم (: @7bsm_]

أسافر على متن السحَابة وأدفّ الريح
ورى غربتك وآخر منازلك وبلادك

وأمر الليالي بـ الطواريق والتجرّيح
لا جاد الزمان بكل طعنة ولا جادك

أعرفك وأعرف انّك عمر مايبي توضيح
يطول المدى ماخانت البيد ميعادك

عسى ليلةٍ فيها من الشكّ والتبريح
فدى ليلةٍ فيها مجيّك ومعوادك .

[تبسّم (: @7bsm_]

مارحت غير انك مع الغير سالي
ولا جيت غير انك من الغير مليت .

[تبسّم (: @7bsm_]

من حقك تعاتب ومن حقك تغار
قبل تهددني بقطع العلاقه

وان وصلت التهديد ما عندي اعذار
الرجل شرهاته على عظم ساقه

تبي تروح ؟ الله معك وأنس ما صار
انا ما عندي للمشاريه طاقه .

[تبسّم (: @7bsm_]

من إللي يقول أن الفضا والبلاد وسيع
أنا لي سنة والأرض .. ماهيب تاسعني .

[تبسّم (: @7bsm_]

ياللي لا زال اعتبارك فوق كل اعتبار
وافي وعذرك سمين وعشرتك وافيه

قدام تنزل ورى حدب الضلوع القصار
وابوابها ، مغلقه وانوارها . . طافيه

ذي مملكة حبك اللي سلمتك القرار
ماطالو المغرضين اسرارها الخافيه

ما جيتك اعلمك كيف المشاعر تدار
جيتك بـ قلب سليم ونيةٍ صافيه .

[تبسّم (: @7bsm_]

علّقت ثوب العيد الاول وعلّقت
بقية احلامي على ثاني العيد .

[تبسّم (: @7bsm_]

عادني راجيه في عيد الضحية
يوم فات العيد الأول ما صفالي .

[تبسّم (: @7bsm_]

والعيد تدرين ويش العيد لاهنتي
ماهو بيوم الثلوث ولا بالأثنيييني
ِ
العيد والله ليييييلً فيه انا وانتي
فـ نقرتن مايجيهاا الا الشياطيني .

[تبسّم (: @7bsm_]

وش العيد و ليال الهوى و الشعر لولاك
يا فرحة ملذات العمر و أجمل أعياده .

[تبسّم (: @7bsm_]

توني دريت إن البشر عندها عيد
والا قبل كنت أحسب العيد شوفك .

[تبسّم (: @7bsm_]

يمكن صباح العيد يطري طاري
مخلوق صبح العيد . . لـ الحنيّه .

[تبسّم (: @7bsm_]

جرحتك عشان يصير صدك وراه أسباب
ماودي تغيب و ما معك عذر يشفع لك .

[تبسّم (: @7bsm_]

على ' حلوه ومره ' لقيتك ذرا وسناد
معني مقصر فيك في ' حلوه ومره

تحريت مشروهك يجيني ولا الله راد
و رميت الجهاز بـ ذكرياته و بصوره

لا زاد المعاتب قل جرحك وقدرك زاد
سكوتك اشد من العتاب بمية مره .

[تبسّم (: @7bsm_]

ما تقدر تهمّشك المقادير مهما كان
تمر السنين و عادك .. الغالي الغالي .

[تبسّم (: @7bsm_]

حصنّوها بـ الدعا ، وأحتموها بالسلاح
كل ما جات الصواريخ ، جاب الله مطر .

[تبسّم (: @7bsm_]

لاعيدك مبارك ولاعيدك سعيد
سعيد ذا منهو؟ ومنهو مبارك ؟

عيدك انا وايامي الي معك عيد
ولا شفتك العيد السعيد يتبارك .

[تبسّم (: @7bsm_]

العيد ذا جزء من العيد مفقود
معيد وطيّب ولانيب .. طيّب

على وليفٍ دونه حداد وحدود
فرقاه خلتهم يقولون شيّب

متى تشوف عيوني عيونه السود
وأواجهة وأعايده من قريّب .

[تبسّم (: @7bsm_]

ماغير أردد لا شفت الجو كله سحاب
الله يجيب المطر , و الله يجيبك معه .

[تبسّم (: @7bsm_]

هذاك قبله وملح وذوق وعذوبه
فتنه وكل المزايا فيه تغريني

هذاك حتى كلامه غير واسلوبه
مدري على وين لاسولف يوديني .