ͣ

بحرٍ تضيع بغبّته كل جمّه

[ͣ @7gul_]

انا حالف اني معك ما اخذ ولا اعطي راي
لو امشي ووجهي عكس وجهة خطاوييّ

لا جات السعه يا كثرهم مثلي وشرواي
ولا جا الضيق والله ما تعيّن احد زييّ

لا عيّنت احد يغليك مثلي فـ عود جاي
واخذ كل شي تعيّنه في مخابـييّ

مع ان المبادي مالها شي في مخباي
انا كل يوم ادفع ضريبة مبادييّ

[ͣ @7gul_]

المعاتب بين الاحباب ماهو مستحب
من بغى يكسب حبيبه لاعاد يعاتبه

الله اكبر ياحبيبٍ عطيته كل حب
لين راحت به مقاديره اللي جاتبه

كن في صدري من مفارقه نار تشب
واقع لابد منه وربي —— كاتبه.

- علي الدعيّه.

[ͣ @7gul_]

عذلت قلبي عن غرامه ولا تاب
له القلب منساق وله الروح منقاده

لو إن ما ادري هرج عاذل ومغتاب
" تقلدت مسباحه على عنقي قلاده "

[ͣ @7gul_]

عفى الله عنك يا حلم ٍ رسمته بالطريق وتـاه
وأنا في داخلي فوضى حزن وأوجاع مختلطه

[ͣ @7gul_]

أنا غريبٍ نثر عمره لخاطر غريب
وقف على باب غاياته و لا زارها.

[ͣ @7gul_]

والله ان يبطي وحبه ورى حدب الضلوع
العرب غيره طراااقي وهو راعي محل

[ͣ @7gul_]

لو ودّع الدمع جفن اللي كواه الفراق
ما ودّع الشوق صدرٍ عاش فيه وربا .

[ͣ @7gul_]

فقده والفقد للقلب درس وامتحان
وادري ان غيري من الناس مثلي فاقدين

- مطحس بن حمد

ترا الحب بلوى يقتل الناس مايدرون
وحكمه ينفذ مثل ما ينفذ الساميي

- محمد بن حمد

[ͣ @7gul_]

ثلاث سنين مرتني مابين الظلم و الاجحاف
اعيش بـ معظم ايامي على نار و على جمره

انا بي روعةٍ ما تفيد فيها الطبّ ..والاسعاف
ولي قلبٍ على كـثـر المتاعب ما فقد صبره

وبي شيٍ صعب يُوصف ولو ماينحكى ينشاف
تلاحظه العيون اللي تعرْف الضيق و الكسره

[ͣ @7gul_]

وإن بغيت الصبر والسلوان دونه ما قويته
صورته في عيوني الثنتين وإسمه في لساني

[ͣ @7gul_]

هو منيّة القلب و شفوفةّ
ليته عقب ذا الهجر جاني
ㅤ
ويلي على أويّق فـ جوفه
وأدري هو خافقه ينساني؟

[ͣ @7gul_]

وإن كان قد صدتك يا أغلى
الخلاااااايق وكاد
عادي لو نصير عقب الغرام
أصدقاء ؟

[ͣ @7gul_]

وإن ضاقت . . فعند الله المُتَّسع .

[ͣ @7gul_]

والله لوّنك تغيب غياب راكان ابن حثلين
ما والله اسوي مثل ما سوّت الشقحا

[ͣ @7gul_]

احس اشتقت لبيتنا😣

[ͣ @7gul_]

شعف قلبي اللي جاب ذكره وأنا ناسيه
وأنا ماني بناسي لو أني تجاهلته

يلج الضلوع اللي تضمه صدى طاريه
ولا هز بعده عرش حبه و مملكته

يبين الغلا في ناظري لا بغيت أخفيه
وأصدّ النظر من عاذلي و أحقر أسألته

وأكرّم من الفنجال و البن عاده فيه
إلا جابوا اسمه حمل ذكراه ما احتلته

[ͣ @7gul_]

يا كود انا ثم شايبك وعجيّزك .

[ͣ @7gul_]

اليا جفوك الناس خذني لك قريب
وبين الضلوع الناحله خذ حيّزك

ما يفقدك ويخاف بالدنيا تغيب
يا كود انا ثم شايبك وعجيّزك

انا معك حتى يجي وقت المشيب
واعذرني إن كاني ما عدت أميّزك

[ͣ @7gul_]

اتعزم على الحفلات والفكر ماصفّا
اتحرا اتصاله واتحرى رسايله

مانسيت العهد لو العهد تم في خفا
قال لي علمٍ ابا اموت ماني ب قايله

له علي اني اعطيه الوجه ماعطي القفا
ولي عليه انه يحاول بشتى وسايّله .

[ͣ @7gul_]

تبطي و قدرك ماتغيره الأيام
باقي بصدري منزلك لا تحاتي

يمر طيفك كل ليله بالأحلام
و افز من ذكرى تزعزع ثباتي

رحلت و أنا ابكيك عام ورا عام
طاوعك قلبك تبتعد يا حياتي ؟

شفني رثيتك للقصايد و الإعلام
و حلفت ما ابيعك لساعة وفاتي