حسـين

[حسـين @7illen]

قلب تعلق في هواك، ومساريك
حاوَلت فيه يحبّ غيرك وعيّا

[حسـين @7illen]

أثر الليالي مطولها غياب البشر
ماهيب متعلقه بالصيف ولا الشتاء

[حسـين @7illen]

على ضيم هجرك مرهف الحس مايمديه
اربّك ليا هالحين مشتاق لـ وصالي

إذا الشوق صدق الله يحييك ويحييه
واذا رحمه اتركني ويرحمني الوالي

ابشرك صرت اصون حزنك وصرت اخفيه
لولا الشعر كان الكل مايعرف احوالي

ماعاد اضحك لطيفك مع الناس ولا ابكيه
أروح اضحك لحالي واروح ابكي لحالي

[حسـين @7illen]

الخطا ماهوب من صوبك أنا اللي خطيت
ولا فيه انسان صاحي يشوف النقص زود؟

يوم أحب بكل ما أملك شعور وما أوتيت
كان قلبي فيك شارد وعقلي في شرود

أنت .. ياذنبٍ مسلّط علي وما دريت
ولا أنا وياي سحرٍ من العام معقود

[حسـين @7illen]

المطر دونك ظمّا لو تِرتوي من صَبة بلادي

[حسـين @7illen]

وهو خنجره راعي مكان ويديه تمون
يقوم يتخير بين ضلعي وشرياني

عذابي من الدنيا خذيت اوله عربون
وعذاب القبر والاخره مابعد جاني

لكن رحمة الله واسعة والحياة ديون
ماتعطي البنادم ضحكة السن مجاني

لا شحت علي بشوف غالي وش المليون
لو يدبلونه عشر مرات ما أغناني

[حسـين @7illen]

دام العمر موقوت والاموات تدفنها العباد
هل العباد تموت فالدنيا قبل توقيتها؟

[حسـين @7illen]

والعمر لو هو مرتين اتوب
لكن العمر مرة والغلا جابر

صابر على فرقاك صبر ايوب
وايوب نال وعادني صابر

[حسـين @7illen]

واحدً فيك ماهو منشغل باله
اشهد انه بهالدنيا هو السالي

من تمناك لاتنشد عن احواله
كيف عقب العسل يستطعم الحالي

عقبك النفس مذعوره ومهتاله
سود الايام هزت برجي العالي

لكن القلب من يمك على حاله
في تناسيك ليه اكذب على حالي

[حسـين @7illen]

ياضحكة العمر ياني حيل مشتاقلك
لاشان وجه الزمن لاتقطع الجيّه

إذا طّروك أحترق وأشتاق لعناقك
وأقول تكفون لاتجيبون طاريه

ياما تمنيت وصلك والزمن عاقك
اللي مثل حالتي ياصعب أمانيه

مادامها بالتمني بأطلب فراقك
لن الأماني مع شرواي عكسيه

[حسـين @7illen]

ما يالمك يا خشير الروح يالمنا
الله يديم الرضى ويفرّج الكربه

انت الي خذتها في رجلك اليمنا
و أنا الي اونستها ضربه ورا ضربه

[حسـين @7illen]

وهو خنجره راعي مكان ويديه تمون
يقوم يتخير بين ضلعي وشرياني

عذابي من الدنيا خذيت اوله عربون
وعذاب القبر والاخره مابعد جاني

لكن رحمة الله واسعة والحياة ديون
ماتعطي البنادم ضحكة السن مجاني

لا شحت علي بشوف غالي وش المليون
لو يدبلونه عشر مرات ما أغناني

[حسـين @7illen]

مازلت اقول الحي بيصادف الحي
رغم اني اواجه معك الف عده

قيدين في رجلي وقيدين ف ايدي
وبيني وبين الوصل عشرين شده

وش الي مجلس طيوفك حوالي
وانا مسافر روحه بدون رده

[حسـين @7illen]

ليا صار ماميزت بايعك من شاريك
خطير يتساوى عندك الفعل والمنطوق

[حسـين @7illen]

عفى اللّٰه عن صدرٍ من الوقت لو ينهار
مايشكي مُعاناته على بعيد وقريّب

ليا حس في حزنه توارى عن الانظار
ولا يوقع من همومه وضيقه قريّب

معه قلب ذيب ونفس طير وعزم واصرار
ومعه حسن خلقٍ لا يعذرب ولا يعيّب

لو تحطه الاقدار ما بين نار وغار
ماهوب متردي ، كان ماهوب متطيّب

[حسـين @7illen]

خطاويك قصرت كنها ليالي الصيف
ولا ألوم الشتاء لا مرّك وطافك

دفاك يزعله ياسيد التسويف
وعودك عادها في ذمة أحلافك

أنا احبك ولا ادري كيف
أحب اسلافك واسلاف اسلافك

مليت القلب غصات وحنين وحيف
ولين الحين عاد القلب ماعافك

[حسـين @7illen]

مازلت اقول الحي بيصادف الحي
رغم اني اواجه معك الف عده

قيدين في رجلي وقيدين ف ايدي
وبيني وبين الوصل عشرين شده

وش الي مجلس طيوفك حوالي
وانا مسافر روحه بدون رده

[حسـين @7illen]

إي والله إني تايبٍ عنك وخلاص
وإني خرجت من الضلالة للهدى

وإني جريحٍ منك وجروحي قصاص
وغفرت ما أبي منك طيب ولا ردى

[حسـين @7illen]

أهوجس وأفكر فيك وأبعد عن الجلّاس
لو دروب وصلك شوك جيتك وأنا حااااافي

[حسـين @7illen]

ماودي ان الحزن يظهر على العين
استر جروحي كني استر على بنت

كبرت عشر سنين في ظرف عامين
ياوجد روحي يوم راحت وعاينت

كنت احلم بحاجات واجد وهالحين
م عاد ابي غير اني ارجع كما كنت