حفظتك سر مايظهر على العالم ولا ينقال
زرعتك بين تنهيد الضلوع وبين غربالي
لك الله ما لغيرك في الحنايا والضمير ظلال
أقرب من قريب الناس أقرب لي من ظلالي
تمر بخاطري هاجس وأمرك والسنين ثقال
أغنّي بك على جروحي وأجرّك صوت موّالي
سلام الله على ظلم الفراق وقسوة الايام
عسى ربي يسهل لك طريقك وتحيا وتدوم
رح ووجهك بياضه من بياض الصبح ما ينلام
وانا من مدّة يدين البخت يرضيني المقسوم
وش بيدّي ؟ وقف حظ الفقير وماتت الاحلام
على حبٍ من اول يوم ، وفراقٍ من اول يوم "
هقيت إني ملكتك ما دريت إن الأماني غرور
و إنك في يدي لين انتحابي الوقت و أقفى بك
سقى الله يوم كان أكبر همومك خاطري المكسور
و كنت الضيّ في عينك و كنت السقم في ثيابك
يوم عادك تكره السبت وتحب الربوع
والمواصل كان مسموح والوصل جهرى
جعل تسقى ذيك الأيام سجدات وركوع
رحمة من رب طيبة ورب أم القرى
رحمة تخفر خطا الفجر ما قبل الطلوع
بالزمان اللي ذكرت وعلى بالي طرى