إسقيت يا رسمٍ تخال الشَرَد فيه
مَن هام بظباها رماهن بالأسلاب
من قِدِّر له المهدوف ماهو بمخطيه
وآخر غريرٍ يمسي الليل ما أصاب
فيها أبلج العتمه دوا من يصافيه
صوّاب للهايم مضرّا بتنهاب
أريش عينٍ كل صبٍ تمنيّه
سودا بها كل ما شيف خلاّب
مبطيٍ قافي بالرجا معقود
من قول عارف حري بالصوابي
لا شك ذا لاماه والدرب ممدود
والايام معدودة وفرصها نِهابي
من لا كرب نفسه لاجل يكسب الزود
يصبح من سيور الوقت معض��ض نابي
مهنّد
صيور ما يشيّب القاف يا سعود
عقب اللجاجة مترف الحس شابي
يقلون دونك ياخو مها ليّن العود
واحمد المولى فكّاك النشابي
فرقى حول ونصف يبرى لها الطود
طبت وطاب معلوق قلبي وذابي
لو اني سجينٍ يتلي الهم مضهود
عفت الفرج لو هي تبدىّ ركابي
@7ramyal7arym@albazei انت في بلد عربي له ثقافته وفنونه ولغته ما استوردته من الخارج يُعرّب ليناسب انتاجك ما تكون نسخة منهم !!! محد قال لا تتعلم انجليزي لكن اللي يصير إنسلاخ ما يسويه مستعمر
يا كيف يا حرٍ تداني للأنذال
مبد�� صافي كيفها بالحثالي
على رهيف قلوبنا مير عقال
نشوم عن خطو الكذوب السفالي
اول يمارينا بهرج التدلال
واليوم بانت خيبة الإحتيالي
لا غرني زولٍ لو ما له امثال
دام له قلبٍ عثاه انحلالي
الزين ماهو زولٍ له القلب ميال
الزين منطوقٍ وقلبٍ زلالي
مهند
@az_vx2 فيه ناس يقولون تخيل ان الحضور اطفال او رضع عشان تقلل من شعور التقدير والتهويل المبالغ فيه للجمهور
استشعر كل حواسك وش تشوف في اللحظة هذي وش تسمع وغيره ذا يقلل التوتر ويزيد تركيزك