﮼نوضه🦌

[﮼نوضه🦌 @7nqtr]

اقفيت والروح بيد المعطي المانع
وهو واقف ينقّص الشرهات ويزوّد
َ
اقفاية المحزن المسـتوجع القانع
اللـي لو الموت توّ اخطاه ما عوّد (:

[﮼نوضه🦌 @7nqtr]

أعتذر لنفسي .. كنت كفيفاً بعين القلب .

[﮼نوضه🦌 @7nqtr]

والله لا أورّدها على كيف مَشهاي
وسفينتي تجري بكيفي ومَشهاها

ماني من اللي دون الأهداف شكّاي
بوصل لها ثم أتبجح — واتعداها

[﮼نوضه🦌 @7nqtr]

تجيبك طواري اللّيل لا راح ثلث الليل
ويدعيك قلبٍ لا تناسى ولا هووووون

[عمّاش @amash_55]

كنت اظنّ انّ الجروح النّديه ما تدوم
لين شفت طعون هجرك جروحٍ دايمه

[﮼نوضه🦌 @7nqtr]

أجامل وأنا قلبي من الشوق فيه اخلاج
على اللي غرامه سم حالي وعناني

وجودي عليه ويا حسوفي على المنهاج
" ابي جـيّته غيـر المقادير تحداني "

وأنا بايد ٍ حالي وشوف الحبيب اعلاج
يداوي الجروح اللي لها شهور وازماني

[عمّاش @amash_55]

خالصٍ من طيب ظنٍ موهقني سنين
وظاهرٍ لي عقب عرف العرب عقلٍ جديد

[﮼نوضه🦌 @7nqtr]

يامجمول ماحنا من الوقت مرتاحين
ظروف الليالي كل يومٍ لها طاري
ㅤ
ليا جيت يمك عطني من القصيد الزين
وسولف علي ولا تنشد عن اخباري
ㅤ
سوالفك خمرٍ منقطع من نبيذ التين
ونظرة عيونك طلقةٍ من يد مثاري
ㅤ
انا اجحد غرامك وانكره والعرب دارين
ياكثر جهلي يوم احسبٍ ماحدٍ داري .

[﮼نوضه🦌 @7nqtr]

إن هويت لاتهوى إلا الصعب الثمين
ولا يروي ضماك بير كل عابر ارتوى منه.

[﮼نوضه🦌 @7nqtr]

ماعليك من الملامح عليك من الكلام
الملامح نستر الشوق عنك و تفضحه

من فقد حلو المقابل ولفتة الاهتمام
ماغدا له في بقية حياته مصلحه

انا مثل اللي يحارب على شان السلام
لين خسر اكثر من اللي هقا انه يربحه :(

[﮼نوضه🦌 @7nqtr]

انت مقفي وانا ماوادع الراحلين
رح ويمناك يغشاها صبيب السمن

يامعلمني ان الشوق في الحب دين
وانه مثل العدو الشرس ماينومن

ساومتني على دمعي طواري الحنين
حول الدمع من عيني بليا ثمن :(

[﮼نوضه🦌 @7nqtr]

مايوجعك قلبك من اللي تسويه
في واحد لولا الغلا مانملك لك

حبه نزيه وحشمته لك تباريه
يخفي الحزن ومبين حاجته لك :(

[﮼نوضه🦌 @7nqtr]

ليت حزن القلب تخفي مواريه العيون
وليت عيني لابكت ماتشاف دموعها

ليت كل الناس بعد المفارق يدلهون
وليت من خاف المقادير يأمن روعها :(

[, @sal985r1]

شافني قلّطت له قلبي و شمّر عن يمينه
و يوم سمّى قمت اقطّع له بواحد من ضلوعي

قال جاد الله عليك ! و راح بيغسّل يدينه
و قلت والله ما تغْسل يدينك إلا من دموعي :(

[سـعـد @h_jrri]

انا ليا مني بغيت الحكي فيك
هرجت بالّي فيك وأذنك توحى
'
-وصل العطياني
'
الكلام إن زاد في صدري وجيت أقوله
قلته وعينك تشوف وطبلة أذنك تسمع
'
-عبدالله السراهيد

[𝙅𝙖. @__7li]

سرتني الشحنه ومريت بيته
يسوقني شوقي وانا أقول قدام

ياليتنـي في روحتي ما نصيته
ولفيت من دونه على الشارع العام

🚶🏻‍♀️💔

[عمّاش @amash_55]

"وهو الذي تَصفُو القُلوبُ بحُبِّه
صلّوا عليهِ وسلّموا تسليما" ﷺ

[﮼نوضه🦌 @7nqtr]

الوداع أصعب من التبرير يا محبوبي
والكلام اللي بقلبي أصدق من كلامك كُله

رد روحي لاتضيعها وطالع صوبي
ليه ترخص خاطري وتضايقه وتمّله؟

أنت وجهاني وصادق فرحتي ودروبي
الطريق اللي بيأخذني عجزت ادّله

لايغرك كُبر صداتي معك واسلوبي
والله إنها من وراء قلبي يا قلبي والله :(

[عمّاش @amash_55]

صباح الخير ؟ واصلني وحث السير
تراك اغلى مكاسيبي من ايامي
صباحي غير وايامي بقربك غير
وش احلى من صباحي وانت قدامي

عمّاش

[﮼نوضه🦌 @7nqtr]

تنكرت بي واجفيتني يا عديل الروح
وانا ما هقيت ان الجفا منك ياتيني :(

[﮼نوضه🦌 @7nqtr]

لو انك تكتشف حزنٍ تكامل فـ الضمير وساح
دريت ان لك مكانٍ في ضميري تنزف اشواقه :(