مانع بن زاهر

كل تغريدة حبستها في المسودات أيقنت مؤخراً أنها تستحق ذلك .

[مانع بن زاهر @7o_yn]

اللهم اغفر لناوأعفو عنا إن كنا من الظالمين ،

[مانع بن زاهر @7o_yn]

في سماء حضنك عن الدنيا وما فيها سليت
يا عوض ربّي على قلبي وجنّة مشتهاه

عوّدت روحي ومن لجّة بحر حزني نجيت
جيت لك غارق وجيتيني مثل طوق النجاة

لو بذلت الروح لجل أفدى عيونك ما وفيت
"ما عطيتيني حنان أنت ِ عطيتيني حياة "

[مانع بن زاهر @7o_yn]

ماني لكل مضيّع دياره ديار
ولا هو ضروري كلٍ يذوق خيري

انا فدى اللي ينتظرني على نار
ان غبت عنه مايعوضه غيري

[مانع بن زاهر @7o_yn]

اعلن مراسيم الوداع ان كنت للفرقى شغوف
شد الرّحال و مالك الا الي يلقيك القفى

الي يجي حسب الظروف اودّعه حسب ظروف
قلبي مع الي بايع العشره مثل صم الصفى

حتى «احبك » بعتبرها كلمة من اربع حروف
وانت اعتبرها مثل ماودّك وصل ولا جفى

[مانع بن زاهر @7o_yn]

والله لأوردها على كيف مشهـاي
وسفينتي تجري بكيفي ومشهاهـا

ماني من اللي دون الأهداف شكـاي
بوصـل لها ثم أبتجح و أتعداهـا

[مانع بن زاهر @7o_yn]

عساني الى حركني الهاجس وغنيت
اجيب الكلام اللي هل العرف تطرب له

انا والقريحه واذرب القول لا من جيت
مثل داجي يغسل غبار الثرى وبله

على كثر ما اشوف التفاهات مالديت
لاكن والله ان كبدي من الشعر مندبله

اشوف القصيد اسمى بواجد من الرتويت
ومن مجادل الخبلان والكلمه الخبله ):

[مانع بن زاهر @7o_yn]

بنت بدوٍ ما تلدّ عيونها إلا في صورها
والمطر والغيم والنسناس والنار الشبوبه

كل صبحٍ ما بدت شمسه، تعلّق في نحرها
وكل ليلٍ، ما تلحّف عطرها تبرد هبوبه

إن بكت، وش يمنع الدنيا تلقّينا ظهرها
وإن رضت، وش يقنع السبع البحور من العذوبه

[مانع بن زاهر @7o_yn]

كل دربٍ ما خطت رجلك على مفرق طريقه
ما يعدّ من الدروب ولا يجيب ولا يودّي

[مانع بن زاهر @7o_yn]

شلون اشوفه بعد ذيك الليالي غريب
وهو ذعاذيع نوده دايم تهبني

ماني مخليه للدنيا وقبح النصيب
لو كان يقطع حبال الوصل ويكبني

والله لحبه لو انه مايبيني حبيب
ماهو بلازم عشان احبه يحبني .

—2:06 .

[مانع بن زاهر @7o_yn]

غيبة الشمس والإطلالة الشاعريّة
هيّضتني وأنا مانيب ناقص تهيّض

قام قلبي يجيب عْلومنا الأوليّة
قلت له: ما دَلَهْت؟ وقال: والله وْريّض

- مبارك بن رادعه

[مانع بن زاهر @7o_yn]

من لهفة الشوق وعذاب المعاناه
ما عــاد امـيز في خطاي وصوابي

صــحيح انا اللي مال ميزاتي اشباه
بــس الــزمن شــوه ملامح شبابي

وانا الــعظيم اللي طـٰروقه مـخلاه
وشــلون تـستهزي بحضرت جنابي

ما يــنطحون الـوقت الاقشر وبلواه
"الا مــحزمة الــغتر ، والــجنابــي"

لو كل حاجه من ورا الوجه والجاه
يــمدي مـن المقفين مالي زهابي

لا تــنتظر مــني اســلوب المداراه
انـا ما داري واحــدٍ, مــا درابــي

ابــعد واعيش الواقع المر وارضاه
ولا اعـٌيش في جو الخيال الضبابي

يـٰـكفيني انــي تبت ، والحمد اللّٰه
واعـٰـلنت عــن دار الـمحبه غيابي

[مانع بن زاهر @7o_yn]

تسلّى بـ عمرٍ مايعوِّد على راعيه
إلين الصبا ترجع لياليه للكاهل

أنا الظامي اللي شاف وجهك سراب التيه
وتبعك السنين الممحلة .. وأنت تستاهل

[مانع بن زاهر @7o_yn]

يا مرحبا بك واخذي من الدلة و تمـر القدوع
التمر من نخل الحــسا و البن مـا زدناه مــــا

انا على زلة عديل الروح كـن مالي سمــــوع
وان قيل شفها في عيونك قلت صايبني عمــا

حتى لو انك قد بغيتي كسر ظلع من الظلوع
ابعتبر رمي السهم ما غير رميً فـ السما

سهوم عينك تبغي الفارس وطاحت ف الدروع
يصير خدشً فالدروع افضل من اتسيل الدما

[مانع بن زاهر @7o_yn]

حبيبتي رغم ابتعاد المسافات !
بين الخليج اليعربي والآوربي

لازلت اذكر دعوتك بابتسامات
ياربي احفظ لي حبيبي ياربي

[مانع بن زاهر @7o_yn]

ابحرت في وجهك .. و غمازتينك
و رستْ على السود الوساع المراكب

من صابته رميه من .. سهام عينك
ما يشغله حتى " السعي في المناكب "

حتى الجروح اللي تجي من يدينك
والله ما عرف الجرح وشلون راكب !

ما تفصل الايام .. " بيني وبينك "
لو تنفصل عن النجوم .. الكواكب

[مانع بن زاهر @7o_yn]

فزّزك نفح النسيم، وسيّلك من عمري
لين سمّتك الظنون، وغرّبتك أسماها

وأنت من كلّ الدروب السانحات، وصدري!
جعل روحي فدوة أيامٍ معاك أبغاها

ما درى قلبك عن التغريب؟ ليته يدري:
عن مساري غيمةٍ جرد القصيد أغراها

يوم أغنّي فالسنين الماضية من عذري!
كانت أيّامك -يا أبو وجهٍ جميل- أحلاها.

[نَجْلاء @njlaa37]

يوم جيتك ، كنت في عز اشتياقي
الكلام اللي يضايق .. ليه قلته ؟

– محمد مناحي

[مانع بن زاهر @7o_yn]

غندورة الحي مايرضيك غير القصيد
مادام حتى اعتذاري في الخطأ ما كفا

القلب قطعة لحم ماهو بقطعة حديد
عليه تثر مشارية الزعل والجفا

وشلون ترضى علي أنام واصحى وحيد
معقولة الشوق ماحرك ضميرك أفا

مخطي وأعرف الخطأ ماهوب مني جديد
ياجعلني للذهاب وجعلني للحفا

فلي حجاج الرضا دام الزعل صار قيد
الطيب الطيب اللي لاتضايق عفا

مانيب مرتاح لين أشوف وجهك سعيد
أنا من أهل العذر وأنتِ من أهل الوفا

[مانع بن زاهر @7o_yn]

"تبعدين و تاقف الافراح و الامال ضدّي
و تقربين و ينتفض قلبي و يفرش لك ربيعه "

— مبارك بن ناصر