كارتير عنبر

ما للجفا أعذار يا حَضرة الجافيَ.

[كارتير عنبر @7s77k]

وين انت يااللي كل ماقلت وينك
لج الخفوق وجاوبته المعاليق

وجدي على شوفك وماضي سنينك
وجدٍ يفتق ثومة القلب تفتيق

رحت وتركت بداخلي لك حنينك
وذكرٍ تهد صروح عزمي من الضيق

بنيت حلمٍ كنت اشوفه بعينك
وانهد من قل السعد والتوافيق

[كارتير عنبر @7s77k]

شفني فقدتك .. قبل ما اجرّب الفقد
وهذا الشعور اقسى من الفقد نفسه !

[كارتير عنبر @7s77k]

ياوقت تكفى تراني من شقاك اكتفيت
صبرت حتى نفذ صبري وكل اجهدي

[كارتير عنبر @7s77k]

يابسمة الشوق يارمز الغلا السامي
يااروع احساس صادفني وحسيته

جاني خيالگ يسوق الحب قدامي
واقبل بطيفگ وعانقني ،،، وضميته

[كارتير عنبر @7s77k]

وإن جار وقتي وإنت عيّت ظروفك
يكفــي رســايلنا بالأشـواق توفـي

[كارتير عنبر @7s77k]

ما ادري وش اكتب لك علشان تقرأ
ما دامني ما عدت ،،،، قادر أكلمك

[كارتير عنبر @7s77k]

أنا أدري أنّ المواقف والظروف إمتحان
لكن سود الليالي ويش أسوّي بها ؟

ماتعرف أصحابك إلا لا ضهدك الزمان
ولا تعْرف البنادق لين ترمي بها !

ولا ينطح الكايدات إلا وسيع البطان
ولا يعّشي الصقور إلا .. مخاليبها !

[كارتير عنبر @7s77k]

أي والله أحبك ومن قلبي أغليك
وحبك ياروحي وسط قلبي محله

مدري أفهمك إني بالحب شاريك
ولا أعلمك أن الحب بدونك ما أبيه..

[كارتير عنبر @7s77k]

قل للوجيه اللي زعلها على ماش
ما الله خلقنا لجل نطلب رضاها

يعيـش راسـي بالمعـزّة ولا عاش
يطلب رضا العالم ويطرد وراها

[كارتير عنبر @7s77k]

سافرت ودروب الأماني .. مسافات
يا الله عسى ( ما ، قدر الرب ) خيره .

[كارتير عنبر @7s77k]

هذي محاصيلك وهذي سواتك
ياما نصحتك لا تقفي وقفيّت

وهذي هي الفرقى تبيها وجاتك
وأظنَّها جاتك على ما تمنيت

[كارتير عنبر @7s77k]

أشوف طيفك ، بين الأحلام ظاهر
واشوفك أقرب من ظلالي لـ جنبي

[كارتير عنبر @7s77k]

الخطوه اللي ماتعزك بممشاك
لا تهتويها واقصر المشي عنها

لا صار ماترفع مقامك بدنياك
احذر تجاملها وترخص ثمنها .

[كارتير عنبر @7s77k]

لاتاخذ اوصافي من الي وصفني
لاتصير كا الدربيل كلن يوزنكك

برق شوي وشوف روحك وشفني
لاحدً يزيني ، ، ، ، ، ولاحدً يزينك

انا اليا جيت ، ، ، ، ، ، كلن عرفني
وانتا تجي وتروح محد درى عنك

[كارتير عنبر @7s77k]

طبع الظروف سيوف ما منها ضمان
متعاونه في ، ( صيف ولا في شتا )

حاولت اقلب فيك يا وجه الزمان
تخطي واسامح كل يوم .. الى متى ؟

[كارتير عنبر @7s77k]

بيني وبيـنك يا هـوى البـال ميثــاق
لو جـــار وقتي فـ الهــوى ما قطعـته

تدري وش اللي من ورى سور الاعماق
اســمك كـتبته في حشـــاااي وطبعته

[كارتير عنبر @7s77k]

ترانا على سود الليالي وساع صدور
لو إنها ما خلّت كل شيءٍ على حله .

[كارتير عنبر @7s77k]

اشرب قبل تقفي عليك المشارب
ما للحسايف فالمقابيل واحه

السمّ دايم في ذيول العقارب
والحر دايم رِفعته من جناحه

لا تعطي الدنيا ( استراحة مُحارب )
حارب ترى الدنيا ما فيها استراحه

[كارتير عنبر @7s77k]

يا هلا بالعيد جعل اللّٰه يعيده
عاده اللّٰه في لياليه الهنيه

عم بالافراح وايام سعيد
« بالهنا هليت يا عيد الضحيه

[كارتير عنبر @7s77k]

-
لو درو بك صفوة العلم والطب الحديث 
أصرفوا من صوتك علاج ضد الاكتئاب ):