عسر

@7thrtk_

مرحبًا ، هُنا أبياتي

Joined May 2024

80 Following

83 Followers

35 Posts

عسر

@7thrtk_

about 17 hours ago

لاقفت الشمس كنها طلقتٍ من قذيفه غنّ يا الشاعر ودوّر لـ جرحك مداوي ولّا أنا من ثلاث أعوام نفسي معيفه ومن عيون القصيد الجزل شابع وراوي شاعرٍ كنّي أغنّي بـ روح أبن ريفه مع سطر راس بندر بن سرور العطاوي الولد لا غدا منعور اخذ له عفيفه خلّك من الهوا يلعب براس الهواوي حالة الخلق تال الوقت حاله كسيفه باقي من الضعافه يدفعون الأتاوي مستعد فيهم أبدّل بـ دلّه وليفه لو ماني مستعد آبدّل المسك جاوي ما على اللي عسفها الراكب الّا رديفه ولا على كفّ يمناي الّا حرٍ نداوي مستحيل أرهم مع اللاش ولّا الهديفه لو تعشى الذياب السّحم مْع الشواوي ميزة الطيب غير أجرٍ كتب فـ الصحيفه كنّ راعيه بين الناس نجمً سماوي من غرايبه تبصره العيون الكفيفه ولا يعانيه لاش ولا يعاينه غاوي يعرفونه جميع آهل النوايا النظيفه ويحسبونه لا شح الوقت عدٍّ رهاوي

179

عسر

@7thrtk_

2 days ago

لا لوّح الليل يا شمس الضحى بالكفوف ودعتك الله وداع الروح لـ آحلامها يالين آقابلك من بكره بـ وجه مخطوف ولّا بـ قصيدة يعض القاف فـ آبهامها جاني من آحداث دورات الليالي عزوف من روّحت بـ القروم وجتك بـ خمامها ماعاد يلحقني من القبر والارض خوف آمشي مع حقولها ، وآطى على آلغامها وآكنّ قطف الزقارة كنه شفّة هنوف من مرّ طعم الحياة وقسوة آيامها ليت الحياة آدمي ما دامها ما تروف وآرد في نحرها لا طاشت أسهامها مدري لا قفّت ولا الحقنا وراها الحسوف نحسب من زحولها ولا من أيتامها ماعاد لي صدر شرح وقلب باقي شغوف ودفن المشاعر لا منها ماتت آكرامها نذبح لا جا الصبي شاتينٍ ولـ أخته خروف وتنسى أمهم كلّ ما عانت وما ضامها ولو همّ يدرون وش قدامهم من ظروف ماتو فـ بطن أمهم ما وصلو أرحامها تلويحة الكفّ ، مثل مدامحات الكتوف ذي تكسر الآنفس ، وذي تكسر عظامها ومابين دبك الخيول وبين خبط الدفوف الحرب ما تقفي الّا بـ راس مقدامها ما باقي الّا الغياب اللي ما بعده نكوف مليت أواسي قلوب الناس وألامها

243

عسر

@7thrtk_

23 days ago

اللي يبى له " بيت بيتين " تلميع يطلب قبل لا نعقد الصفقه أمضاء واللي يبى ينقدني يذبّ له ريع عقلي وعيني عنّه بـ حالة أغضاء على العباد الصوم شبعان وجويع وعلى المريض اليا شفاه الله اقضاء أهون علي لو أعرض الشعر لـ البيع ولا آعرض كبدي لـ تجار الأعضاء !

112

عسر

@7thrtk_

about 1 month ago

لا أنتصف ليلي وعديت من ضيقة عصير وأبتديت أضرم على القاف وأطرب لـ اللحن هاتو اللي ينشر السم في وسط الضمير مانيب مرتاح لين آحرقه وأكحن كحن لو يشب ضلوع صدري بـ نيرانه سعير من غلاه ضلوع صدري ما والله يسمحن كن دخّانه ،،، ليا ثار ،،، سلكٍ من حرير لـ الحزين آلذ من شطّ مفرود فـ صحن العمر محدود ،،، وأرحيّ بقعا تستدير ومن يجي في حلقها حبّ راسه ينطحن خاطرى عاد الرجاء حيّ والدنيا بخير الأمور معوكسه مير عاد بيصلحن لا تعقد حجاجك وتترك الفرحه تطير الليالي نوب تاوي ونوبٍ تمتحن عيشها مع ضحكة مهستر ونظرة ضرير وقل ليا جتك الوساويس فـ الجاي أفلحن قدم لا يحلقك ربي محدد لك مصير والقدر يجري بليّا وقود ولا شحن والعقل والنفس من بينهن سيفً شطير كلّ ما أختلفن على أرياء بعضهن يجرحن حب لكن حبُّ ، ماهوب منقطع النظير تفرح اليا أقبل حبيبك ولا أقفى ما تحن وعاد لكن قبل تسرف تركّد وأستخير العيون أليا أمتلن بغض ما عاد أمرحن وأن غدا عقلك فطين وغدا قلبك كبير أبشر فـ بالٍ مهوجس وصدرٍ مشتحن

585

عسر

@7thrtk_

about 1 month ago

لا غدى عقلك فطين وغدى قلبك كبير أبشر فـ بالٍ مهوجس وصدرٍ مشتحن

126

عسر

@7thrtk_

about 2 months ago

مسايس الخبل لا أخطى بـ الكلام السمين مثل الحيا من الوجيه اللي مهيب تخجل أحيان خلّ العتاب تقوم فيه اليدين وأختم عتابك قبل تقفي بـ وطيت رجل ما كلّ واحد تشوفه معه عقلٍ فطين حتى لو يجيك راسه كبر راس العجل

308

عسر

@7thrtk_

about 2 months ago

البارحه والعيون تقول مطروفه من كثر ماهيب حابستٍ مدامعها جر اللحن صدري وغنيت معزوفه القلب دنّق بـ راسه قبل يسمعها كنّه فقيرٍ عن أمّه لد فـ كفوفه أمّه يا يشري دواها يا يوادعها الحزن ما له خصيم أن سلّت سيوفه ومشاعر الشوق عنّي ويش يردعها لي خاطرٍ ودّه أنه يلحق شفوفه ولي نفسٍ تشوم حتى عن مطامعها لا هيب منجبله ولا هيب مصروفه عنك أعصاها وأعوّد لك وأطاوعها يا ناعس الطرف دام الروح مشعوفه الفرصة أليا تهيّت لا تضيّعها ترا الغلا لي سنه ضارب به الطوفه من كثر ما أستقبل الصدمات وأجرعها حتى الرفيق اللي يمشي الطيب مع جوفه أحتاج زلّة تجيني منه وأقبعها وأحتاج حتى آلفه يوميّاً أشوفه وأحتاج حتى أكرهه يومين يقطعها

536

عسر

@7thrtk_

3 months ago

@6rbosh22 عليك 🌹

عسر

@7thrtk_

3 months ago

الليل والله لو محاضيبه قريب ما شبّ في صدري من الضيقه لهب كنّي ليا واجهته مواجه طليب يرسل علي نسناسه سهوم وشهب قلبٍ على الصكات كنّه قلب ذيب ما همه الوقت أن خذا ولّا وهب واللي يهاب اليا لمح فـ الراس شيب عادي لو أن قلبه يطير من المهب دام النصيب يصيب والدنيا تجيب يا خبل من لا لاوع الحاجة نهب ووجهٍ ما تدري هو عدو ولا صحيب أن جا هلا وأن روّح أبرك لا ذهب حتى الحبيب أن غاب بدّل به حبيب أهب لو تبكي على الأطلال أهب أبعد عن اللي يضيق الكون الرحيب وأقرب من اللي معدنه مثل الذهب لو كلّ من فـ الأرض ينفع فيه طيب ما وقّف بـ درب الرسول آبو لهب أحدٍ لو تحطه على جرحك يطيب وأحدٍ لو تحطه على الجرح ألتهب

عسر

@7thrtk_

3 months ago

عجز فيني الزّمان الصلف وأختارك بعد ما أحتار لقا له درب ويّاك وعرف يلوي بك ذراعي خذاك بعيد عن عيني وآنا عنّك بعيد الدّار أغنّي لك مغيّب وعي لكن خافقي واعي الآحساس أنْ خلا منه الشعر وش خانة الأفكار ، لو أنْ القاف محبوك ، القصيدة مالها داعي ، يا مبريّ القوام أبسط حقوقك تلفت الأنظار وتستقبل رسايلك البريديّة من الساعي لكنّي طالبك تقصر سواليفك عن الأصرار آنا أنسام الهواء هبّت عشان تطيّح شراعي زرعت الطيب في صحراء الجفاف ولا جنيت أثمار رغم ذالك لا زلت الطيّب اللّي ما قصر باعي أراعي خاطرك عن كلّ زلّه مثل الأبن البار لو أنك عاق فـ القلب وتزل ولا أنت بـ تراعي يزور أسمك مكانٍ فيه يجمع حضرة السمّار وآبيّن أبتساماتي لهم وآخفّي أوجاعي علي ما لاقت البسمه هذيك اللي وأنا منهار مثل بشتٍ تصدّق به أمير ولبّسه راعي

عسر

@7thrtk_

3 months ago

بندر الدويش يا معذبك وانت تهب حتى مع الانسام ويا مقساك وانت تغرب الشخص فبلاده فبعض الظروف السائل اعلم من المسؤل وش أخباري انتي علميني وش اخباري واجد اشباهك أليا عودن لـ الغطاوي ولا لك اشباه لا من نقضن الجديلة اليا تذكرتي ان الله شديد العقاب وش يمنك تذكرين انه غفورٍ رحيم والكثير غيرها

763

عسر

@7thrtk_

3 months ago

من بغى يسلم يجنّب عن طريقي المزاج فـ تالي الوقت متعكّر أزفر الأنسام وأشرق في شهيقي كنّ صدري سستم أنفاسه مهكّر تعتذر عن ماقفك منت بـ رفيقي من قبل لا تفتح الموضوع سكّر وأعزل الورد المشوّك عن رحيقي دامه أمّا جاب ضغط يجيب سكّر حافظٍ قدري مثل ما آحفظ شقيقي والله أن دونه لا أشاور ولٓا أفكّر لو بطني يجوع ولا يجف ريقي مستحيل أطقّ لي بابٍ مسكّر وكلّ خيبة ظنّ منّك ،، يا صديقي ،، مالها الّا مع السلامة ،،، ومتشكّر غلطتي أني عشت بـ الوجه الحقيقي والحياة ،، بـ كبرها ،، " حفلة تنكّر "

عسر

@7thrtk_

3 months ago

فيه شفٍ يستحق ،، وفيه شفّ يهمّل لا تطاوع قلبك بـ ما يكره وما يولف خل عنك اللاش لو أن جلسته ما تنمّل والزم الطيّب لو أنه ما يعرف يسولف (:

378

عسر

@7thrtk_

Last Seen Users on Sotwe

Trends for you

Most Popular Users