من خمسة ايام والساعه على ماهي
نامت على حزة . . الفرقا عقاربها
ياهي على حق ياهي مخلصه ياهي
توقفت مع توقف قلب صاحبها
لا خاب ظن اليتيم بـ حلمه الزاهي
مافيه حاجه بـ يبكي من سبايبها
فدوة مواطيـك روح مابقى الا هي
في سوق ويلي على لاماك جالبها
اسافر على متن السحَابة و ادفّ الريح
ورى غربتك وآخر منازلك وبلادك
و امر الليالي بـ الطواريق والتجرّيح
لا جاد الزمان بكل طعنة ولا جادك
اعرفك واعرف انك عمر ما يبي توضيح
يطول المدى ما خانت البيد ميعادك
عسى ليلةٍ فيها من الشك والتبريح
فدى ليلةٍ فيها مجيّك ومعوادك
تصد القلوب من الغلا والنفوس تمل
يا هون الجفا لا شافت النفس ما تكره
على رمح صوتك ماتوا المشكله و الحل
سراب الدروب أصدق من الحرف والنظره
أحبك طواري .. بس ما عاد أحبك خلّ
ولا زلت أحب العذر بشفاك .. وأنتظره
تزل ايدي بـ رقمك مثل ما اللسان يزل
مع اللي تحدّه كلمتينٍ .. على صدره
لك العذر في غيبتك ولطيفك التقدير
متى ما سهيت وبان لي وجهك البدري
سرحت بخيالي فيك وأسهبت فالتفكير
وطلّعت كل اللي مخبى ورى صدري
ما تمنعني حد��د المسافة عن التعبير
انا توّي مسولف معك وانت ما تدري
صباح الخير أما بعد /
أحياناً يكون أكبر أنجازات الإنسان إنه صبور مهما كانت صعوبة الأمر
__ومن زا��ية اخرى:
كني على أيدين الصبر مولود
مهما حصّل لي ما علي خلاف