7tiish🇰🇼

[7tiish🇰🇼 @7tiish]

﴿توفني مُسلمًا وألحقني بالصالحين﴾
- يارب حُسن الحياة وحُسن الرحيل وحُسن الأثر .

[7tiish🇰🇼 @7tiish]

يا ليت اللي يروح يروح ويسكر وراه الباب
ما يترك باب ذكرى تخطف العاشق وتدوي به

جعل يسقى علي ليلٍ جمع في ضفتك الاحباب
هذاك الليل من بدة ليالي العمر يا طيبه

عسى ربٍ جمعني به وحنا من بعضنا اغراب
يسججني غلاه الذرب ولا زيد ياتي به .

[7tiish🇰🇼 @7tiish]

صحيح إن الموادع حط في قلب الشقي مخلاب
لكن يفداك قلبي يا اول وآخر معازيبه

اعرف إن الجروح جروح ما فيها جروح أعذاب
لكن شيٍ بيبقى منك لو هو جرح ودي به

هذا آخر ما سمع مني وعينه دمعها صباب
ووقف والحزن في خافقي يلحق مشاهيبه

[7tiish🇰🇼 @7tiish]

وإذا قلت إن هواه في خفوقي فص ملح وذاب
وطيت ديارهه وافتر قلبي في محاديبه

وإلى مس الحنين اقصى عروق القلب مس اطناب
عرفت إنه يمثل سجته وإن الوفا عيبه

أنا مثل الكسير اللي يشوف إن كسر رجله طاب
ولا يدري إن عاد الكسر باقي لين تمشي به

[7tiish🇰🇼 @7tiish]

ما بعد عاش الحياه وراح منها سالم
غير ناسٍ عاشت وماتت ما ندري عنها

من يظن ان محسن النيّه يعيش مسالم
والله ان يكّفن جروحه قبل .. يدفنها

قبل لا تزرع ثقه في انسان خلك والم
الليالي والبشر ما فيه احد يضمنها

دايم الشخص اللي واثق في جميع العالم
ينصدم له صدمةٍ ما عاد يصحى .. منها :)

[7tiish🇰🇼 @7tiish]

تعاهدت انا وياه ما نطري النسيان
وخذانـا العناد , وكل ما بيننا هده

واذا كان كل اللي بنينا بلا عنوان
فلا خيـر في ودي ولاخير في وده

وانا ماني اللي لا حلم قالوا العربان
لا تحلـم بشيٍ .. منت حوله ولا قده

اباقف وادين الوقت واحاربه لا شان
ولا بـده يدور الوقت ويزين , لا بده !

[7tiish🇰🇼 @7tiish]

بعد ليلٍ الساعات في ظلمته عن عام
احس اني غير اليوم مرتاح نفسيًا

لو اني اجاذب ذكرياتي مع الانسام
ابا اعيش عمري مثل ماعشت حاليًا

"معي وجه واحد لا يبدل ولا ينسام
ماني معرضٍ وجهي للأحراج يوميًا "

[7tiish🇰🇼 @7tiish]

رفيقي لا تاكلك الحسايف من الاوهام
معاك اكثر محارب للأوهام شخصيًا

دعيت الله يخلي نصيبي مع الايام
بعد قول سبحانه ( عسى أَن تَكْرَهُوا شَيْئًا )

في حجا من دعاه بساعة الشد ما ينظام
بـ فضله تخطيت بـ سلامه نهائيًا

ماعادت تراودني على الغايبين احلام
انا لو تلاحظني تغيّرت كليًا

[قروب شعر @Group_she3er]

لا انتهى عمر الغلا وأقفت عن ديارك رحالي
"لك يمينٍ بـ الله"اني ما اتنازل بـ "التفاته"

[7tiish🇰🇼 @7tiish]

أحبِّك وأشوف أن المخاسير والأعوام
مجرد «كماليات» تنثر ولا تنلم

عن اللي تسويه أتغاضى قدر وإكرام
أبرّيك وأظلم حظّي الزين وأنت أظلم

وعن اللي تسوّيه المقادير والأيام
أنا أوّل من يعلمك وأخير من يعلم

أكابر .. ولا كنّ المحبة «طريق ألغام»
كثر ما تكون أبعد مسافة تكون أسلم

[7tiish🇰🇼 @7tiish]

أنا ما عاد أطرب مع الطير وغْناه
ودي لو إن الطير .. ينفذ بـ ريشه

تدخل من الباب الكبيير المعاناه
والابتسامة !.. تطلع مْع الدريشة

لكن .. لا زلت بخير ، والحمد لله
حتى لو إن الدار بعدك ! وحيشة

" يحزنّي !.. إن الماضي اللي بنيناه
ما هو بـ مثل الواقع اللي نعيشه "

[َ @9__1i]

«مو شرط تصبح كل الأوقات لّماح
ترى التغابي — من فنون الذهانه»
— ياسر التويجري

[هيّـا @hlik6_]

« يكفيني إني حافظك عن هل التخمين
و لا أسولف بـ عرضك مع كل متكلّم

عيت شيمتي لا أواكب العالم التالين !
و عيت غيرتي لا أشرح و لا أنشر ولا أعلّم »

— محسن بن مترك

[7tiish🇰🇼 @7tiish]

أشوف الأحلام ماهي .. تشبه أحلامي
كل ماتخيلت حلمي ضاق بي صدري

مدري إلى الحين ما جات أجمل أيامي
أو أجمل أيامي مرّتني .. وأنا مدري

[7tiish🇰🇼 @7tiish]

" على كثر الوعي .. ضاع الكلام وعجزت اقول
وعلى كثر الفهم .. مدري وش هي معاناتي

سألت الليل عن همي .. ومن اللي بالوجع مسؤول
أنا الجاني؟ والا الوقت ؟ والا كذب هقواتي ؟ "

[قروب شعر @Group_she3er]

فتحت باب الكلام لعمري الثاني
والغيت صمت السنين الي تجرعته

مليت وانا اكثر احلامي تعداني
ياكثر ماشلت بالخفاق واوجعته

مرات اقول انت حبك وين وداني
ومرات اخاف اني من الطيش ضيعته

يامنتهى رغبتي والحس الانساني
لو مامضى في يديني كان رجعته

[7tiish🇰🇼 @7tiish]

من الاخر ، ما عاد تغريني دروبك :)

[7tiish🇰🇼 @7tiish]

لا يُهزم الا الشجاع لان الجبناء لا يخوضوا المعارك
لـ ذلك قيل :

"ترا حتى المشاعر فيها شجاعه"

[7tiish🇰🇼 @7tiish]

- منهج ومبدأ وقاعدة حياتية لا تقبل التأويل .

[7tiish🇰🇼 @7tiish]

ساجن ٍمن عزة النفس في صدري كلام
ما يفكه جاه اكابر ولا مال اثريا

[7tiish🇰🇼 @7tiish]

" لازلتُ خائفًا أن تغيرني الأيام، أن
أُصبح شيئًا لا يشبهني دون أن أشعر ".