انا أكثر السكات وأكثر من يسولف بالعيون
سعيد لأن أكثر خساراتي ما كانت من يدي
لولا الهقاوي .. ما عرفنا الصالحون السيئون
عيب الليالي ماتشين الا على صدر أجودي
صحيح من قال البشر ماهي على حسب الظنون
كنت أحسبك طيب و تحسبني على ظنِّك ردي؟
عطيتك من بشوت الهقاوي ثلاث بشوت
ولا فيه بشت جاء مقاسك ولا قدك
احسبك من اللي لا دعيته يرد الصوت
واثاريك تسمعني وودك ولا ودك
انا والله المخطي خطأ ما عليه ثبوت
عطيتك سلاح يرتعد في كنف يدك
وذخرتك لو انك ما تذخر في لعب بلوت
وتقدمت بك حد ما هو والله بحدك
ليتك عرفت القلب وش كثر يغليك
وليتك عرفت اني معك اصدق انسان
ضيّعت فرصه يا حبيبي من ايدك
خلاص تبقى فعل ماضي من الان
لا تحاول بس ماعاد يمديك
فات القطار وخاطري منك زعلان
روح عسى سوّد الليالي تربيك
وتنصف قلبٍ صان حُبك ولا خان