7

[7 @7tt6y]

مهمممااااا كثرررررت ذنوووبببك لا تترررك الصلااااه

[7 @7tt6y]

شفتك البارح على مركب خيال
بحر طيفٍ قربك لي يابعيييد

وقلت حاسب بالهوى يابن الحلال
لا تضيع ذكرياتك بالجديد

قلتها لي وانت لي شوفك محال
مايجي ظرفي على ما ابغى و اريد

منيتي ياعزوتي قرب و وصال
لكن اقداري ضدي من تليد

مير انا حزني ملازمني ظلال
ينبض بصدري ويذبل بالوريد

[7 @7tt6y]

هانت عليك ايام وسنين وشهور
ذكرى السنين انهيتها في دقيقه

من طيب قلبي ما اعرف الف و ادور
صدقت كذبك واحسب انه حقيقه

عاهدتني واثر العهد زور في زور
خنت العهد بعد العهود الوثيقه

[7 @7tt6y]

كل عام وأنتم بخير🤍

[7 @7tt6y]

على دربك لو ان العمر يوقف تمشي الاقدام
لين اموت ابيك و غيرك من الناس ما ابيها

يا روح الشعر و حروف الكلام و سطوة الالهام
احاسيسي معك ماني ب عارف كيف اخبيها

يا مرساي الاخير و ذكرياتي في مدى الاعوام
يا ضحكة وجهي اللي تذبح اشواقي و تحييها

[7 @7tt6y]

على سماء حايل إليا رفحاء ويأصل للقصيم
يرعد ويبرق فوق ديرتها ويمطر يمها

هاك الهنوف اللي عليها الزين في مدّه كريم
ينثر شقر مجدولها على الهوى ويلمـها

مالي وراء شوفة حلاها لا قريب ولا نديم
بنت نسبها محتميه الطيب ببن عمها 🤍

[7 @7tt6y]

كل عام وأنتم بخير🤍

[7 @7tt6y]

يالله يا رب البشر و السماوات
يا رازق المسكين شربٍ و زادي

دعواي فالعام الجديد المسرّات
يالله يا رب البشر و العبادي

يالله عوضني على كل ما فات
وأجبر شقيٍ ماتحلوى الرقادي

لاجيت ابسلى لو دقايق ولحظات
جتني همومٍ فوق همّي جدادي

وأن دارت الدنيا علينا سهالات
حنا خلقنا للامور الشدادي

[7 @7tt6y]

قالت غيابك و إنتظارك جمر
و أبطت تعاتبني و تتشرّه

قلت أبشري و الرمش يامر أمر
يا لولو وجداني و يا درّه

واللي جمعنا يا انتظار العمر
ماعود هالفرقا ولا مره

[7 @7tt6y]

اللهم كما غسلت الأرض بالمطر اغسل ذنوبنا بعفوك وغفرانك
واغسل قلوبنا من كل هم وضيق ❤️

[7 @7tt6y]

حسبت الي بيننا ضحك ومزوح
وغديت يمك في جميع الليالي

تعلقت بك ولا ودي بيوم تروح
لقيت فيك الزين وجميع امالي

اثرك العوض بالدنيا ودوا الروح
احب قربك واهوجس بك ببالي

[7 @7tt6y]

أحبك بقلبٍ غير مدرك ولا له شوف
و أحبك بعقلٍ واعي جروحك الكبرى

و أحب أتمادى لين ما أخرج عن المألوف
و أحب الجروح اللي من يديك ما تبرى

معاك الدروب الموحشه ماعليها خوف
و معاك السنين المجدبه روضةٍ خضرا

[7 @7tt6y]

مابيك تجرحني وأنا منك مجروح
وأطلب دواي ومطلبي ما يتمّي

يرضيك أجاوب نايح الورق وأنوح
وأسهر ودمعي فوق خدي وكمي

[7 @7tt6y]

أستريحي ياعيوني وأستكني
مابه الا ماكتبه الله علينا

لو حصل مانحبه بالتمني
كان كل اللي نحبه في يدينا

[7 @7tt6y]

وش فيك يا صدر الشمالي تضايقت
والناس تضرب في سعتك المثايل

أفا يا صدري ضقت من جاير الوقت
خابرك يا صدري تشيل الثقايل

وش فيك علمني لك أيام مارقت
ضايق وفيك الهم صايل و جايل

خابرك ما عمرك للأحزان رافقت
واليوم كنك شايل جبال حايل

[7 @7tt6y]

ماعاد أدري لكن سواة الله أبرك

[7 @7tt6y]

طبع حبك بقلبي والايام ما تمحيه
هذا هجرك يحاول يموجه ولا ماجه

يموت الأمل لكن ضنون الغلا تحييه
وعروق الوفا فالروح والقلب وجّاجه

[7 @7tt6y]

حيل الله أقوى و الخطأ وش خطايه؟
خطاي ما جا لي زماني على الكيف

من أول بداية رحلتي للنهاية و انا
على جمر الشتاء في حطب صيف

في كل يوم أعيد نفس الحكاية
والله ما أدري وش حصلي ولا كيف

أرضي وهي أرضي تحارب سمايه
و أيامي أسوء و الليالي ملاقيف

- عبدالله السميري

[7 @7tt6y]

الخاطر اللي على سود الليالي صبور
يسري به الفكر ويحسب الأوادم سرت

أحيان نمشي مع العالم بليا شعور
والناس عن ما تكن صدورنا ما درت

كم حاجةٍ في معاليق الضماير تدور
أقوم واخلي المجلس لا منها طرت

[7 @7tt6y]

تهت في صحراء محبته وأمواج بحره
إن سلمت من الضما ماسلمت من الغرق