A

( وَقُل رَّبِّ ارْحَمْهُمَا كَمَا رَبَّيَانِي صَغِيراً )

[A @7ulyr]

دعيت ناسٍ خالفوني وناديت
واقفوا وانا في موقفي مستخيري
بغيت اعدل مايل الناس وازريت
ازريت اعدل مايلٍ في ضميري
ما جتني الدنيا على ما تمنيت
يوم انقطع حبل الرجا من عشيري
و ايّست من طرد المقفين واقفيت
ونزلت ملواحي وبرقعت طيري
وإن وجب واجب علي استعديت
ماني بـ هيّن ولا ذراعي قصيري

[A @7ulyr]

عـلـى نـهـج الـعزم اخطي دروبي
ولا لـي فـي دروب الـمـذلـه
صلت حد الغمام و قلت دروبي
ما ابـيـني آصـلـه ابـي احـتـلّـه
وان ضـاقـت سـنيني وضـاق ثوبي
والله اني في قـسـاها مسـفـهله
ولـيـا احـتـد الـزمـن واقـبل غـروبي
لا اصـنـع شـروق يكفيني العمر كـله

[A @7ulyr]

وجهٍ رغم سود الصواديف نيّر
كنه يقول لطاري الجرح لا باس
وين انت ياللي حالفٍ ما تغير
الجرح عاري لو تغطيه بلباس
حبل الوصل لا ماهقيته قصير
غصني فقد ليلة الوجد نسناس
إن هبت الذكرى مع الوقت سيّر
وانس الوجع والفقد والحزن والياس
اقلط على عوج الضلوع وتخيّر
منزال ما داجه مسافر وعساس

[A @7ulyr]

ياقلب انا كم لي اعاتبك وانصحك
واقول لك ياقلب وانت تعصاني
اتعب على اللي كل ماجيت يفرّحك
لاتضيّع ايامك ترا العمر فاني
اللي يبي يخسرك ماراح يربحك
واللي يبي يربحك لاجلك يعاني
والي يبي قربك لو أبعدت يسبَحك
حتى لو انك بحر مابك مواني
والي يبي بعدك لو يدل مطرحك
ماجاك لو كنتم قراب المباني

[A @7ulyr]

مانوينا الغياب اللي صار دون طاري
ولا نوينا الرحيل اللي منه تعذبنا
لا قامت تفيد اعذاره ولا اعذاري
اظن الخطا يوم في بعض تعلقنا
هذا حال المحبه بين بايع وشاري
راحت امالنا اللي عقبها ما تأملنا
علموه ان ديار الكرامه هي دياري
وعلموه بعد الصدود يا كم تعلمنا

[A @7ulyr]

أحس اني بديت أتثاقل الخطوة
كأن الأرض ماتتحمّل اقدامي
تسيّرني مقاديري على القسوة
مع إني ما قسيت الا على أحلامي
عسى هذا الحزن ياخاطري نزوة
عسى هذا الشعر مايكسر أقلامي
عسى مابيني ومابين الفرح فجوة
عسى ماينتهي صبري وأنا ضامي

[A @7ulyr]

كل لحظة كانت بقربك عظيمة
عيّا يكررها الزمن بعد ممشاك
ما عاد للتاريخ معنى و قيمة
عدّا على قلبٍ عجز ما تعدّاك
مشاعري بين إنتصار و هزيمة
من ليلةٍ فيها عرفتك لـ فرقاك
ممنون .. لكل الليالي القديمة
إللي بها صوتك و وجهك و ملقاك

[A @7ulyr]

راس مالي عزتي على شورها اخطي
ليا طغى جرحي تحارب احزاني
ابطت آمالي وهي عادها ماتبطي
الين جفت عروقي وماتت اشجاني
عطيت وانا عادتي .. ما اعطي
لقيت به شعور ثم شعوره ابكاني
قلت الوداع يا شعوري المخطي
علّ انساه مثل ماهو .. نساني

[A @7ulyr]

من يقول الهوى ينهيه قل الوصال ؟
يكذب بكلمته مالا عليها دليل
ما تغير غلا خلي لو الهجر طال
عقب فرقاه ليلي صار ليلٍ طويل
الغرام الحقيقي لو تطول الليال
ما يغير مكانه وصل ولا رحيل
شوف حبي لخلي ثابت لا يزال
صد ولا وصل بالقلب ماله بديل

[A @7ulyr]

يازين زمانٍ معك فيه انا مسفهلّي
زمانٍ فيه عني تعوف الصدّه
والحين وينك و وين الزمان اللّي
ماظني ولا ظنيت له ردّه
ولّى هالزمن .. وليت اوراقك معه تولّي
اطوي هالاوراق وترفض اللّده
اوراقك عيّت من بالي تغيب يا خلّي
مرسوم(ن) بها محياك ولا ني ندّه

[A @7ulyr]

اهدابٍ تماطل فكري كل ليلة
تحييّ شعور منها انا قلبي يخاف
اتناسى الشقا وحيل الأيام الثقيله
وتفوق عزتي ذكرى للبسمه خلاف
كنت اجاري الصده وانا مالي حيله
مثل واثق يعرف ان الهوى مابه انصاف
عادي ينهار ضلعي من الجفا لأعوامٍ طويله
وانا متعود برد الشتاء اقضيه من غير لحاف

[A @7ulyr]

مرتكي على الدنيا واقول اني بخير
وان كان في مجرى عروقي سّم يسري
اسج مع عوجات الايام وانا لها خبير
اغمد الآلام واحصد منها بقايا عطري
اختلي واتوحد عزلتي واقضي مشاوير
اعيش بين اوجاع الزمن ويتوه فكري
البوح يارفيقي ما يفيد في دنيا تدابير
انسى الخلايق ولغيرك الضيقه لا تطري

[A @7ulyr]

اغدي بهالدنيا لحالي وتمر سنين
ليت تعوّد لي ذكرياتي بيوم ياليت
اسهر ليلي اواسي قلبي هالحزين
واتذكر الماضي يوم اني لك تعنيت
زارني طيفك و زوّد بقلبي الحنين
واشكي له يوم رحلت عني و اقفيت
احكي وتنهمر دموعي من هالعين
ليتني ما رديت على طيفك و لا حكيت

[A @7ulyr]

@hexv14 Happy birthday ya ro7iiii❤️

[A @7ulyr]

@jilnv Happy birthday ya ro7iiii❤️

[A @7ulyr]

لا تلوم الوقت و تعذرب زمانك
من رضى بـ أقدار ربه ما تعنّى
الصبر منجاك في ضيقك و أمانك
لا لحق قلبك من العثرات ظنّا
وإحذر العالم تدينك من لسانك
الركادة .. كنز وصروح ٍ تبنّا
و إحمد المولى ليا صانك و عانك
العرب كل ٍ على ليّلاه .. غنّـى

[A @7ulyr]

احب انا الصعب الثمين
اللي كثر الزين ابد ما يلفته
يموت بصفات العقل الرزين
يحب اللي بتفكيره يجذبه
يكتفي له بشخص واحدٍ فريد
يخلص حبه ويصير كله له
يعشق يصدق ويوفي للأخير
يشوف بك شي حتى نفسك تجهله

[A @7ulyr]

العمر مره فيك ولا بلياك
لا صار قلبك ماقدر يحتويني
حرام احبك واتبعك واتمناك
يكفيني من الصدق رعشه يديني
ويكفيني من الحب طيفك وذكراك
اوعدني تنساني بـ زيني وشيني
وانا اوعدك لو مانسيت اتناساك
حتى لو ودك تجيني .. لا تجيني
ضيعت مايكفي من العمر وياك

[A @7ulyr]

ما الوم العرب يوم ثارو حواليك
شافو بك كل زينٍ من الطبوع
محيّا لا ضحك ينور عتمة لياليك
ولا بكى سالت الدنيا دموع
متعبٍ فيني الشوق من تاليك
لاني قادر اماسكه ولا راضيِ يطوع
دنياي ما هي دنيا من عقب زواليك
تعال وارجع ازرع ارضك بين هالضلوع

[A @7ulyr]

صحيح ان الأماني كثار ومني بعيده
صعبه علي ماهي على الرّب سبحانه
ايماني بـ الله من شدته يذوب حديده
ما على امره مستحيل كبير شانه
يحقق الأحلام اللي لها رغباتي شديده
ويسهل الصعب اللي خذتني احزانه
العلم عند الله كلّي يقين بحكمه وتوحيده
ولا يخيب بي ظن وانا توي في اول زمانه