᷂عبدالعزيز

انا عزيزٍ ومن هل المجد المخلد و التليّد .

[᷂عبدالعزيز @7v__i]

لو دروب مواصلك عكس الدروب المستقيمه
ما تصاعبت الوصول .. ولا تكـاثرت المسافـه .

[᷂عبدالعزيز @7v__i]

ماعليك من الزمان اللي ظروفه صلفه
وصلك أنت يعدّل الأيام .. ويميّلها

السنين اللي معك عن مامضت مختلفه
والحياة أحلى من اللي كنت .. متخيّلها

[᷂عبدالعزيز @7v__i]

راوديني وابشري بي ليا حان القتال
القتال اهون .. من النيّه المتردده

شاعرك ماهمّه الموت يابنت الحلال
تاركٍ روحه خلافه .. وقلبه في يده

مندفع لعيونك اللي مثل سود الليال
والليالي لو تبي تجحده .. ماتجحده

من يشوف الوجه هذا لو انه فالخيال؟
كل يومٍ يشكر الله عليه ويحمده .

[᷂عبدالعزيز @7v__i]

تعوشب كل دربٍ تسلكه وترد روحه لين
تشوف دروبها خضرا على حطّة خطاويها .

[᷂عبدالعزيز @7v__i]

كل البشر من مخاوف وانتِ بس الآمان
مافيه احد يشبهك لو طاب ولا ندر

بين الشهور الطويلة انتِ شهر رمضان
وبين الليال الفضيلة انتِ ليلة قدر .

[᷂عبدالعزيز @7v__i]

خطاك اجمل خطا واعظم خطا للمتعب المهموم
صواب الناس عندي ما يساوي .. ربع زلاتك

انا من قبل اعرفك كنت من حلو الهوى محروم
وانا اللي من عرفتك ما تعبت الا لـ مرضاتك .

[᷂عبدالعزيز @7v__i]

ليا مرّني طاريه فالمجلس المليان
أخاويه وأترك هيكل الجسم متراكي .

[᷂عبدالعزيز @7v__i]

أطهر من الورد وأعذب من مياه المزون
هي اللي لو زرعنا عشبةٍ أثمرت في كفوفها .

[᷂عبدالعزيز @7v__i]

على كثر الشتات اللي يمر ويربك أفكاري
لقيتك ظلي الثابت معي دايم على الهقوه

يا وجـهٍ .. كل ما ضاقت علي وشانت أقداري
ذكرته و انجلى ضيقي و صارت عبرتي غنوه

تخيرتك و لو غيرك وجوده عندي إجباري
اعرف ان الحياة بدون وصلك ماهي بحلوه .

[᷂عبدالعزيز @7v__i]

مَاني مشبهك في بَكّره وظبيٍ لعوب
والله ما يشبهك غير المطر لا أنهمر

لك وجهٍ يشابه الثلج فـ بياضه ونوب
اليا خجلتي يذكرني بـ لون الجمر

وجديلك الأفحم اللي يستفز الهبوب
له مفرقٍ أجمل من البحر وشعاع القمر

لـ حبّك أحتاج لي "عمرين وأربع قلوب"
أنا ما يرضيني أحبك بـ "قلب وعمر" .

[᷂عبدالعزيز @7v__i]

مثل ما الأرض من صبّ المطر ترتوي و تزين
أنا لي قلب تورق غصونه كل ما أنتي تمرّينه .

#بريده

[᷂عبدالعزيز @7v__i]

يوم شفت الورد ينبت على أطراف الطريق
قلت أكيد إنّك تمرّين دايم .. من هنا .

[᷂عبدالعزيز @7v__i]

لو دروا بك صفوة العلم والطب الحديث
اصرفوا من صوتك علاج ضد الإكتئاب .

[᷂عبدالعزيز @7v__i]

عرفت إن لو جفافك يسكن بوجهك ثلاث فصول
بقى وجهك ربيع .. ورمش عينك سيفٍ تسلّه

كفر قلبي بـ غيرك يوم زولك ما يعوضه زول
لأنك لو سقيته كوثرك .. بيقول يا قلّه

عطيتك من سنيني ما ينوّر وجهك المجمول
وحفظتك في ذرى قلب بدوي ما يعرف الذلّه .

[᷂عبدالعزيز @7v__i]

أنتي بـ كيفك سوي .. اللي تسوين
و أنا معك فـ اللي تسوين ؟.. راضي

إلا الزعل لا من كسى وجهك الزين
أزعل !.. و من حقي أحط إعتراضي

أنتي السليطه في " بلاط السلاطين "
و أنتي الرضيه .. فوق سبع الأراضي

من يوم جيتي طاح : كرت المزايين
تحولوّ .. من جيّتك " فعل ماضي "

[᷂عبدالعزيز @7v__i]

من بين كل المناظر مُتعتي منظرين
الماء على الورد .. والشامة على خدّها .

[᷂عبدالعزيز @7v__i]

من همسك الممتلي حُب ورسايل وودّ
لـ وجهك اللي يضيعني بحنيّته

ماشفت للحسن هذا فالمخاليق ندّ
فالعالم العايشه والعالم الميّته .

[᷂عبدالعزيز @7v__i]

خطوة القلب ما تاهت لو الدرب واعر
أنتي أنتي معاذيري .. وصوتي .. وظلّي

يوم كنتي تحبين الشعر صرت شاعر
ويوم صرتي تحبين الوصل جيت كلّي ..

[᷂عبدالعزيز @7v__i]

درةٍ فيها من الغطرسه شيٍ عجيب
الردي ما تّقرب أرضه ولا تقرب سماه

ما تجي في ذمة اللاش لو أنه قريب
لو تبيع الكون و الناس وتبيع الحياه

تفرق الطير المضرا من الطير الربيب
السنافي تشعفه و الردي تكشف رداه

حرةً ما تعشق إلا أبلجٍ وصله صعيب
التعفف عن محبة سواه أكبر غناه .

[᷂عبدالعزيز @7v__i]

تمنيتك وأنا كل الأماني جبتها .. بعناد
وتصاغرت الظروف اللي تهدّ وجيت لك كلي

قطعت دروب وأحلامي قراح وذكرياتي زاد
عطيتك صافي شعور المحبة وش تبي قل لي !

لو إنه بيني وبينك عذول ومعجزة وبـلاد
أحسك نسمةٍ مرت عجولة تحتضن ظلي .