𝟕

الصمت ستر الشعور إلا على المنتبه

[𝟕 @7xxiii_]

حفظت حبك غصب عن كل وشّاي
وغصبٍ عن اللي طامعٍ في حدانا

[𝟕 @7xxiii_]

@Lostr8ug خالد عبدالرحمن وكفى

[𝟕 @7xxiii_]

@i1lltl الله يعافيها ويقومها بسلامه

[𝟕 @7xxiii_]

يالذيذ العنق .. لد العين يمي
ودي اهديلك من حروفي قصيده

عاد قلبي يجتلد .. ويفور دمي
فيني من الشوق واللهفه وقيده

خل عيني ماتشوف الا تسمي
كل مابانت لي وصوفٍ جديده

الجسد من نابي الردف متنمي
والنهد ساعي وانا ساعي بريده

لو تمد من الكفوف البيض سمي
كيف اردك في طلبك اللي تريده

[𝟕 @7xxiii_]

والله أن أشدّ وأقسى محطات الحنين
حاجةٍ ماهيب في يدك بس تشوفها

[𝟕 @7xxiii_]

ماذبحنا إلا القريب اللي يعرف اقصانا
يتفنن بالطعون وعارفٍ .. مضرابه

[𝟕 @7xxiii_]

مصير الايام .. تكشف لك خفايا الصدور
كانك تشوف الوجيه وتجهل قلوبها

[𝟕 @7xxiii_]

من يزرع الودّ بـ ارضٍ مالها ساقي
يجني ثمار الجفى في سلة احزانه

[𝟕 @7xxiii_]

المراسيل عيت لا تجيب السلام
ياكثر ما أنخذلت وياكثر ما أحتريت

من بعد كل صبر أحس بالأنهزام
وكل ماجيت أبياس من وفاك استحيت

المحبه ، الاحلام ، الوعود ، الغرام
هي غدت من سنيني ولا أنا اللي غديت

[𝟕 @7xxiii_]

أنتي ومن عقبك يتوب الآدمي توبة نصوح
ما عاد يامل فالوجيه البيض وجهٍ يعجبه

[𝟕 @7xxiii_]

كيف افرّط فيك وأنتي رزقٍ من الله جاني
مفلسٍ طاحت على يدينه الثنتين ذهبه

[𝟕 @7xxiii_]

جعل الصبايا زاهيات الغوايش
تفدا هَدب عينك ليّا من رمشتي

[𝟕 @7xxiii_]

لا تفوّت فرصة العمر الثمينه لاتهيّت
العمر مره ولذات العمر ماهيب دايم

[𝟕 @7xxiii_]

وش لزومي في مفاهيم البشر مخطي وصايب
العقول مقسمه والعاقل .. بعقله تقدّا

أستميل لعزلتي وأبعد ولا عندي سبايب
غير حبي للهدوء إللي عن اللجه مبدّا

[𝟕 @7xxiii_]

استاذن العصر وانقادت خيوط الظلام
والليل تو ما استوى بشته على منكبه

الليل ستر الفضاء والطيب ستر النظام
" والصمت ستر الشعور إلا على المنتبه "

الناس تطربهم القمرا وصوت الحمام
وانا الوحيد اللي الثنتين ما تطربه

تركت درب الغزل ماهو بـ قلّ اهتمام
الا إني اشوف مابيني و بينه شبه

[𝟕 @7xxiii_]

لا تركض وراء قلب مايقدر الحنان
الوفا مايليق إلا مع اللي يصونه

[𝟕 @7xxiii_]

النفس طابت والترجي مذله
الله معاك يالي حسبناك غالي

حبل الوصل مفكوك تقدر تحله
نفسي عزيزه دام تقطع وصالي

[𝟕 @7xxiii_]

عطاني زماني من تجاريبه كفايه
عرفت الخطا والصح والنقض واللّوي

ولا كل من صادقت تبدي له الغايه
ولا كل من يضرب فجوج الخلا خوي

ولا كل حيد تنقله يصلح بنايه
ولا كل جدر لاتراكيتبه قوي

[𝟕 @7xxiii_]

من خان خله عقب عشره ومداد
تدور به الأيام لوقت ندامته

[𝟕 @7xxiii_]

واليوم لا عاد تستغرب ولا حاجه
لو بار فيك الخوي الصادق الخيّر

كم واحدٍ غيّرت الايام منهاجه
وانا احسب إن الكفو ماهو بمتغيّر

[𝟕 @7xxiii_]

من أول لك عندي معزه ومقدار
واليوم قلبي فيك خيبت ضنه

صارت مودتنا مسبه و معيار
وكلن على غاليه رمحه يسنه

لا تعتذر معاد تنفعك الاعذار
من باع قدري ما على القلب منه

زعلك ما هو ذنب ندخل به النار
ورضاك ما يفتح لنا باب جنه