بدر .

[بدر . @88h_5]

الانسحاب من الفوضى ، راحة لا مثيل له .

[بدر . @88h_5]

صباح الخير

[بدر . @88h_5]

ياخالق الصبح أرشدني دروب الفلاح
ماغيرك اللي عرف نفسي وغاياتها

من كثر مادجت رجلي في طريق الكفاح
صار الصبر بلسم جروحي ومرضاتها

عقب الصبر يالله بضحكه وفرحه نجاح
تنسي أهل العنى ماضي معاناتها .

[بدر . @88h_5]

مافيه شي إلا لحقه قصور
حتى السنين التاليات قصار

وتقول الأرض من الأوادم بور
ماهو على شان القبور كثار

الي دفناهم بدون قبور
اكثر من الموتى بـ تسع أعشار

[بدر . @88h_5]

بخيل بـ معاناته على الناس ومضرّىَ
يعَذْر الكلام ان صار فايض ومتداخل

آعَرف الشحيح اللي على جوده مورّىَ
وآعَرف الكريم اللي على كلمته باخل

وآعَرف العزيز اللي لو يموت ما طرّىَ
مثل ما تعَرف الاندلس قيمة الداخل

يوزّع على الناس - ابتسامات من برىَ
على شان يدفن جرة الحزن من داخل

[بدر . @88h_5]

الله هو اللي الاقويا عنده ضعوف
يعطي ولا يبخل ويحييّ ويفني

اللي بـ حب خشوم ومصايد شفوف
لو لاح لي برّاقها .. ما شعفني

وانا إلى ماشافني / قاصر الشوف
والله ماقول لـ قاصر الشوف شفني

عند الدني واللّاش مانيب معروف
بس النزيه من الرجال .. يعرفني

[بدر . @88h_5]

الخاطر المستضيق اللي سهر ليله
مسامَر الهم عنده شبه روتيني

يستر عيوبه بـ تكبيرة و تهليله
ويواجه المجتمع بـ الوازع الديني

يالله برزقٍ ترازم لي مخاييله
أول مناشيه عن باقيه تكفيني

ما بين زيف الشعور و قلة الحيله
يا كثر ما ماتت الاحلام في عيني

[بدر . @88h_5]

شان وضعك عدّني دون كلّ الناس
واذا زان وضعك عدّهم كلّهم دوني

[بدر . @88h_5]

يغنيني الله .. عن اللي مغتني عني
وعن منّة الناس والتهميش والحاجة .

[بدر . @88h_5]

الطيّب اللي يقدر يقول لك : لا
ويردّه التقدير ويقول : طيّب .