ᴬᴸᴼᵀᴬᴵᴮᴵ

غنوجٍ تبختر بـ الساحه الشعريه.

[ᴬᴸᴼᵀᴬᴵᴮᴵ @8_511Dk]

ومن الدلع له طبع وأسلوب 💗

[‏سَد @9wi_0]

مساء الخير، أما بعد

من بنات البيوت .. لفاتنات السناب
تفشل اللي تشبّه فيك .. لو تجتهد

كنّ ربٍّ خلقهم كلّهم من تراب
خالقك من عبير وزعفران وشهد

تستغيثك قلوب وتلتفت لك رقاب
كلّ من باغته حسنك .. بغيرك زهَد

فارع ومنطقك عذب وعيونك عَذاب
يا بعد مريم الناصر .. وفوز الفهد

[َ @notfouund9]

الدرة اللي دونها البحر العميق
ما هي مع البياعه المتجوّله

أنتِ سوات اللي معنّقها دقيق
فنجالها الأول لـ راعي الأوله
• جابر النشيرا

[شطر/صورة @2lji7]

يا عندلٍ ما قنصتس اللاش وصحيبه
عنتس السرابيت هيابٍ وذلّالي

_حشر بن متروك

[ِ @rh_em98]

فستانك الاسود في جسمك يهول
ضامر بطنّ والخصر لحقه جوع

وشعرً حريرً. . . . . يلعبه الهبوب
ومبسمً عذب كن العسل منه مصنوع

[عبدالرحمن @_elkhaldii]

والعَنق عنق غزيل شاف بادي
ومبيسمٍ ماهو يشابه سوّى التين

اقفتَ وشلت يـ محمد فؤادي
كنها الجواد الي يدك الميّادين .

[عنفوان رجل @Kln333]

قام يتبسم و العسل في شفاياه
لبى .. شفايفها و لبى ..عسلها

العود ناعم و الردايف من اعباه
أقول كيف الجسم هذا .حملها

[عشق بدوي @Fars511q]

الهنوف الي خذت تاج الحلا راسه وساسه
زينها الغض الطبيعي والنعومه تكتسيها

ناعمه ..لو كان في يدينها .حطيت ..كاسه
من نعومتها تطيح الكاسه اللي في يديها

من صفاوة خدها اللي فيه لمعه وانعكاسه
تقدر تعدل شماغك لا لمحت العين فيها

[ٌ @ajm7i]

تذّهبت يا نحرٍ سناه أشعل الظلماء
ليالي جديلك من ليال الشفوق أطْوَل

تمر القلادة فوق صدرك مرور الماء
ليا مرّ بين الصخرْ في جاري الجدْوَل .

[دمــث @v80r_1]

لا سلهمت وأرخت الرمشين غي ودلال
هي والله المسكرات ومذهبات العقل

مبارك بن رادعه

[قصصيد :) @QASED67]

الله عطاها زين يفرق عن الزين
أطلق مزايين البنات أقهرتها

النحف ماخذ من رواها عناوين
يقدر ينام الطير في ترقوتها

واللي يميزها عن الزين والشين
تقدر تحط في خصرها بنجرتها

والطول ميزة في زمان القصيرين
مسير ليلٍ في نهار رقبتها

[الريّس @83jmi]

" أنتي قمر " فوق غصن وله معنّق غزال
والقاع من تحتك ، أزيّن منك ما داسها :)

_ سعود مهدي

[عشق بدوي @Fars511q]

يا ملاقيف السوالف لا تجونه
انشدوني وإخذو العلم الوكادي

الحبيّب يستحي لا تحرجونه
ارفقو بصويحبي غاية مرادي

يدري انه مالك القلب وركونه
ويدري اني هايمٍ ف كل وادي

بالخوافي يا عرب لا تبحثونه
من بحث زين الوصايف قال عادي

العذارى كلهم فدوة عيونه
من بلادي او من خارج بلادي

[ِ @rh_em98]

على هونك تمشّين مثل هبّات النسيم الديم
وإذا لديتي بالعين ،، الفكر ضاعت حساباته

دلعها غير ،، فيها رقةٍ تشبه سحاب الغيم
مثل طفلٍ حضن لعبه ونام بكل راحاته

[سعود @sud1iii]

يمكن تموت الأرض لو ما ضحكتي
وتضمي البساتين النّديه و الأشجار

[لافي الغيداني @lafihmud]

تمشي وترفع روسها كبر وجلال
ماكنها الا تشكر اللي خلقها

واقول ويقولون وتضيع الاقوال
مير الوكاد اللي خلقها فرقها

[عشق بدوي @Fars511q]

الجادل اللي عنقها حول شبرين
وفي خدها شامه وفالعنق شامه

فنجالها ماهوب باوسع من العين
والجيد كنه طخاف الغمامه

من بد ترفات البنات المزايين
ما فيه مثل الفارقه بالعلامه

طرقا تهزع فالجراهيد وتزين
حتى لو ان القاع ثاير عسامه

قامت علاها الغيد مثل الشياطين
وهي قامت تطوح لهن باللثامه

[عبدالرحمن القوس @algoos_a]

من يوم مرّت فتنة الجيل المعاصر ما غفيت
كن السـهـر ماسك جفن عيني بروس اصابعه

مزيونةٍ مـن حطها الله مـن نصيبه ما هقيت
تـطـري عليه .. الـثـانية والـثـالـثـة والـرابعة

فـ عيونها النعّس تضيع الناس .. لكني لقيت
"اجمل شعور" يمر في قلبي .. ويترك طابعه

انا اشـهد انّي مـن لقاها لا شبعت ولا رويت
مـع انـها اكـثـر بنت رويـانة جـمـال وشابعة

ان سلـمـتني قلبها والله لـ اصـونه ما احييت
لو الـزمـان .. يـزود فـي صـكـاته الـمتتابعة

اللي علي ، ما اخونها لو كان مع بنت السبيت
واللي عليها ، الكـلـمة اللي مـن غـلاها نابعة