عشق بدوي

صدر بْدويٍّ ما يعرْف إلَّا الشعر وأنتِ

[عشق بدوي @Fars511q]

وعندي ضميرٍ كلّ ليله وهو شغال
ليامن تولّيت المعاصي تولاني

هوا نفسي يقول اتبع القلب مهما قال
وعقلي يقول اتبع ضميرك يا شيباني

الإيمان بالله لا ضعف يضعف الرجال
دخيلك يا رب البيت لا يضعف ايماني

يا غياث أغثني والله اني وصلت لحال
ما يفهمني إلا واحدٍ جاه ما جاني

[عشق بدوي @Fars511q]

اقربي مني مهو وقت القصايد
الحياه اللي بليا وصل مره

ادفنيني في مداهيل القلايد
في مكانٍ ماحدٍ غيري يمره

في دماثٍ فيه من لين الوسايد
مايخلي عيشتي عيشة مسره

وان نزلت بواديٍ مسراه كايد
واديٍ مال الخطاوي فيه جره

مقدر اقف بينهن وقفة محايد
لو علي يزعل حداهن ويتشره

[عشق بدوي @Fars511q]

ما تشد سموعها الا قصيدة من ضمير
القصيد المصطنع ما يشد سموعها

نادرة فيها من الملح والزّين المثير
تستحق الفكره النادره / من نوعها

كل شي يغار من زينها حتى الحرير
ومن دفأ ملمس يديها تشبّ شموعها

اجبرت قلب عاشقها يضحي بـ الكثير
مامشى في طوع نفسه ولا في طوعها .

[عشق بدوي @Fars511q]

ضفهم راع العيون المكاحيل
اللي يذوب القلب من سلهمتها

الى اقبلت قام تكفكف دجى الليل
كل الديار المظلمه نوّرتها

والى ادربت غطت جسدها المجاديل
بين الخلايق لو تعرّى كستها

ان كفته مثل الغصون المحاميل
وان فلته قام يتثنى تحتها

كنه سبيب اللي ليا ماحت الذيل
راسه تعدّى راسها ورقبتها.

[عشق بدوي @Fars511q]

سودٍ هدب عين خلي بيض أوجانه
ريانة العود ناحلتن خواصرها

وجداه ياألي عليك الكبد ضميانه
وجد البخيلين لاكثرة خسايرها

أون ألك ياثمر قلبي وبستانه
ونت كسير عظام الساق جابرها

دنيا بلياك عندي مالها خانه
مرن طعمها وفرقاكم تمررها

يوم أنجلع نزلكم ونزاحة أضعانه
هلت عيوني لملحاقه عبايرها

[عشق بدوي @Fars511q]

الهنوف الي خذت تاج الحلا راسه وساسه
زينها الغض الطبيعي والنعومه تكتسيها

ناعمه ..لو كان في يدينها .حطيت ..كاسه
من نعومتها تطيح الكاسه اللي في يديها

من صفاوة خدها اللي فيه لمعه وانعكاسه
تقدر تعدل شماغك لا لمحت العين فيها

[عشق بدوي @Fars511q]

ياللي تخط الكحل وتزين العيون
عيونك الكحلا ترى رباني حلاها

من شفتهن وأنا بهواهن مغرم ومجنون
عينك سبحان ربي بزينة كساها

من ترمش أحس كل العالم يموتون
يا كيف لو تحزن وتذرف العين ماها

والله إني أخاف بخبر كأنه يولون
يا بنت ارحمي قلبًا تعلق في هواها

[عشق بدوي @Fars511q]

يالقطوع المواصل يالقريب البعيد
من هو اللي مصرح لك تسلط علي

أنشدك وانتظر منك الجواب الأكيد
قبل تحطيمي وتدمير مستقبلي

هل معك قوة السلطان عبدالحميد
او معك صولجان الحاكم الفيصلي

كيف خليتني عقب الجماعه وحيد
كيف نزحتني عن ربعي وعن هلي ؟

[عشق بدوي @Fars511q]

ما يعيش القلب والعرق يسقيه الهوا
والمعاليق ادهرت والهوى مافيه دم

اه لو راع الهوى لا نوا الفرقى قوا
كان يمدي من توفى من الفرقى سلم

لو مازبّن دخيلٍ على قلبي ضوا
ويش عذري فالوفاء والشجاعة والكرم

كلمتينٍ كايده من يحصلها ارتوى
قولة أحبك وقول النشامى والنعم

[عشق بدوي @Fars511q]

وانت ياللي كن جسمك ساعة رمليه
لاتبين عاتقك والشامه المالوفه

اعفنيّ من نسج ثغرك واعطني حريه
لاتقلطني على موتي بدون مروفه

مابعد هبت الرجال مناطحين الهيه
مير اهاب اللي رموشه عسكره وسيوفه

انت مطغيك الترف والعيشه الفوقيه
وش تبي بلي لواهيب السموم تلوفه

[عشق بدوي @Fars511q]

خلوني اسج في جو الخلا الخالي
ارتاح والنفس تلقى مايسليها

[عشق بدوي @Fars511q]

إنَّ اللَّهَ وَملَائِكتَهُ يُصَلُّونَ عَلَى النَّبِيّ ۚ يَاأَيُّهَا الّذِينَ آمَنُوا صَلُّوا عَلَيْه وَسَلِّمُوا تَسْلِيما﴾

اللهم صل وسلم على محمد وعلى آل محمد.

[عشق بدوي @Fars511q]

شعرك الطويل يثيرني .. طالبك خلّه
حلو قذلتك , لاحوّلت وإنت تفهقها

عن الغرّة اللي كنّها البـدر في حلّه
والليلة الغدرى اليا .. لاح بارقـها

جمالك .. زهى عودك .. وكنّه مفصّل له
ووجنتك شمسٍ شعشعت من مشارقها

عن البيض فارق حسن وأسلوب والملّة
ياسبحان من سوى الخلايق وفرقها ! "

[عشق بدوي @Fars511q]

يا ملاقيف السوالف لا تجونه
انشدوني وإخذو العلم الوكادي

الحبيّب يستحي لا تحرجونه
ارفقو بصويحبي غاية مرادي

يدري انه مالك القلب وركونه
ويدري اني هايمٍ ف كل وادي

بالخوافي يا عرب لا تبحثونه
من بحث زين الوصايف قال عادي

العذارى كلهم فدوة عيونه
من بلادي او من خارج بلادي

[عشق بدوي @Fars511q]

أرحم محبٍ في غرامك تبلّش
شاف العيون وشاف شقر العكاريش

شاف الجمال إللي مع الناس يدهش
يسبا العقول ومن صعيب المناويش

أدعج غنج منه المعاليق تنحش
لامن تبسم بالثمان المباهيش

والموت في لحظة عيونه لَّيا أرمش
لولا الرجاء فيهن فلا ظني اعيش

[عشق بدوي @Fars511q]

عن غيرها تفرق بالاسلوب والمنطوق
مع زين خد وخشم وشفيّتن ذبله

شعرها على الردفين متثنيٍ من فوق
طويلٍ معنقها ومع زينها قببّله

عين اشقرٍ شاف الحباري وقام يتوق
لمحها هريب مقفياتٍ مع العبله

هو اللي غرامه ساقني بالموده سوق
و ترا من يلوم مولع القلب ياهبله. :)

[عشق بدوي @Fars511q]

ياصاحبي حبك لقلبي عواقيب
ارفق علي شوي قبل استلجي

يا اللي عليك عيون الامه مراقيب
تقول بين شفاك درٍ يمجي

والخد براق المزون المهاضيب
اللي رعوده رجت القاع رجي

يامنوتي مافيه شك ولاريب
منساك كود انسى صيامي وحجي

يابو نهودٍ شلعن مقدم الجيب
كمشمشٍ عرقه من الماء ينجي

[عشق بدوي @Fars511q]

الجادل اللي عنقها حول شبرين
وفي خدها شامه وفالعنق شامه

فنجالها ماهوب باوسع من العين
والجيد كنه طخاف الغمامه

من بد ترفات البنات المزايين
ما فيه مثل الفارقه بالعلامه

طرقا تهزع فالجراهيد وتزين
حتى لو ان القاع ثاير عسامه

قامت علاها الغيد مثل الشياطين
وهي قامت تطوح لهن باللثامه

[عشق بدوي @Fars511q]

أقبلي يا طبّ قلبي وإرتياعي
أقبلي عقب المسافات الطويله

وأحضنيني يا جميلة من ضياعي
الضياع اللي ما خلّا لي وسيله

مرحبا بك من ذراعي لـ ذراعي
جابك الله علم وانتي حلم ليله

يا ثمرة قلبي وشوقي وإندفاعي
يا غناتي فـ السنين المستحيله

مدّعين الحب والشوق الصناعي
كل أبوهم فدوةٍ لك يا جميله

[عشق بدوي @Fars511q]

في الحُب صدماتٍ وتلويعّ
مهما صفى الجْو وتحلوى

فيها الطرب يعطيك توديع
والحِزن يأتي دون ملوى

عوق الهوى ماهو بأسابيع
القلبَّ يبطي منه يلوى

راااع الهوى ضمَن المواقيع
مهما بهقواته .. تعلوى

مضرته فوق المنافيع
والحال عافيته تجلوى

ماهو بعيب ولا مطاميع
شيٍ به القلب يتسلوى