ًِ

لا يغريني مدح ولا يسقطني انتقاد

[ًِ @8e88n]

اللهم اغفر لي كل صلاة، لا تليق بجلال وجهك، حضر فيها جسدي و غاب عنها خشوع قلبي.

[ًِ @8e88n]

تبصّر بقلبك كان شفت الدروب أشباه
ترى قلبك أبصر من عيونك مية مرّه "

[ًِ @8e88n]

لو اتبسم لـ السنين ام العذاب
كل ابتسامات الحزين مجامله

والله لاهقوة جات ولا جرح طاب
ولا تحقق شيّ .. ممّا آمـله

الحب والهقوات وأحلام الشباب
لحقتها .. وأفلست منها كامله

[ًِ @8e88n]

وين ايمّم شوف عيني وانا اخيلك سراب
كل ما "ضمّيت" زولك .. تلاشى من يدي

ان نسيتك فـ اعرف اني موارى فالتراب
وان تذكرتك عسى الله يسامح ويهديّ .

[ًِ @8e88n]

يامرتبط في كل جرح .. من الجروح
مثل ارتباط الحزن فالصوت الشجي

قد انتهى الحلم وقد اغتيل الطموح
وأنا ماجيت امدح .. ولاجيت آهجي

حتى لو تشوف التفاصيل بـ وضوح
لا تكبر الرجوى .. بـ عين المرتجي

من كثر ما اتعبني شعور إنك تروح
ما عاد يسعدني شعور .. إنك تجي

[ًِ @8e88n]

يا مهجة القلب مالي عن حنانك غناه
عن لوعة الفقد و صدوف الزمن خبّني

تستغرب الموت في وجهٍ مليته حياه
و استغرب انك تخاف الموت و تحبّني

[ًِ @8e88n]

لك العذر في غيبتك ولطيفك التقدير
متى ما سهيت وبان لي وجهك البدري

سرحت بخيالي فيك وأسهبت فالتفكير
وطلّعت كل اللي مخبى ورى صدري

ما تمنعني حدود المسافة عن التعبير
انا توّي مسولف معك وانت ما تدري :)

[ًِ @8e88n]

الله انه يحفظك في حلّك وترحالك
يا اوّل دروب الهوى واغلا واعز احبابي

جعل يسقى يومك انت تبرّني بوصالك
يوم عاد الدّار داري ، والرّحاب رحابي

لو جبرك الوقت للفرقى تسوق اجمالك
خابرٍ لي حاجةٍ منك تثير اعجابي

خابر إنك لو تغيّب عادني في بالك
وخابر إنك شبه يومياً تمر حسابي

[ًِ @8e88n]

إنتظاري طلّتك في دجى الليل العتيم
إنتظار الجمر للريح من تحت الرماد
ㅤ
قبل أعرفك كان قلبي من إحساسه عديم
من حوّر عينك عرفت البياض من السواد
ㅤ
ما تجاريك الغواني ولا حولك غريم
من يجاري سحر الأضداد في خطبة زياد
ㅤ
مثل ما يرسم مفاتنك نسناس النسيم
يرسم ظلالك على القاع مايغوي العباد

[ًِ @8e88n]

إنتي أحلام الفقير من الغناوي
والله أعلم بالليالي وبركتها

علّميني وش تقول أهل الفتاوي
في سبأ بلقيس ولّا مملكتها

ناظريني فالسماء نجماً سماوي
واتركيني للحياه ومعركتها

أنا في وجهك ليا طحت متساوي
والظروف أقفت بروحي وأهلكتها

ادخلي في دقلة البشت الحساوي
عن طواري لحظه عينك بكتها

[ًِ @8e88n]

ياحبيبي لا توريني طرف دمعك واحبّه
انت لك عينٍ ترد الآدمي لأول حياته

اعتبر قلبي حطب غابه وشب اللي تشبّه
لين تستانس دفاه ولين تستغرب ثباته

الوكاد اني عليك من الهيام امشي وأشبّه
يا حبيبي والسلام ورحمة الله وبركاته

[ًِ @8e88n]

كيف ماحبك واقدرك وانت إنسان غير
معك يا حلو السوالف و يا حلو السهر

انت لامرّيت بالي عرفت اني .. بخير
وامطرت فيه القنوف ونبت فيه الزهر

عادي انك تمر بالي ولكن .. مايصير
كل يوم .. تمر بالي وماتدري ؟ قهر :)

[ًِ @8e88n]

إذا إنك بخير ، أنا بعد ماعليّ خلاف
تخطيت مرحلة " الجفى الإنتقاليه "

ياحيّ الفراق وقسوة الظلم والأجحاف
ولا وصل من شاف أولّه عاف تاليه

لا تفرح بكسر الخاطر إللي عليك يخاف
ترى أحيان كسر الشي يزيده جماليّه

أنا من بديت أسمع أسمي بصوتك حاف
وأنا داري إن حبّك .. على آخر لياليه

[ًِ @8e88n]

مرحبا ياذنبي اللي ماكنّه بالذنوب
ماني بقايل لدرب الهداية ودّني

والله إن قلبك مبدّا على كل القلوب
مثل مابديت قلبك عليهم بدّني

شدني مجدولك اللي تلاعبه الهبوب
وشيٍ ثاني ماقدر أقوله لكن شدني

ماحدً قد ضدني ف المعارك والحروب
بس مدري كيف سلهام عينك ضدّني .

[ًِ @8e88n]

رح قبل ما الله يبيّن في عيونك قدري
خبّ ما باقي من أحساسك و خله ذكرى

ولا تقول أن النصيب يصيب دامك تدري
بكرة الدنيا تلهّينا .. وبكرة نبرى

أدري أن البعد ماهو بـ اختيارك و أدري
أنك أبيض وجه لكن الليالي غبْرا

[ًِ @8e88n]

"سلام الله وأنا ماعاد أبي غير السلام وبس
سلام الروح.. ماهوب السلام اللي تعرفونه

أنا طيّب، ومتسامح، ومتواضع، ومرهف حس
وكاشف خطة المحتال لو تضحك لي سنونه"

[ًِ @8e88n]

في زحمة الإعجاب و هتاف الحضور
وش مطمعي بغيرك و أنا كلي معك ؟

أحيان تاكلك المظنه بلا شعور
و أنت الذي تحكم فؤادي بإصبعك

ما أخترتك من الناس يا وجه السرور
لأجل أزعزع من ثباتك و أفزعك

لوّك تشوف آثار حبك بالصدور
كان إقتنعت إني محال أستشبعك

[ًِ @8e88n]

ارفع على القرآن لين اسمعه زين
وقصّر على صوت المعاناة لاهنت
.
ما ودي ان الحزن يظهر على العين
استر جروحي كني استر على بنت
.
كبرت عشر سنين في ظرف عامين
يا وجد روحي يوم راحت وعاينت
.
كنت أحلم بحاجات واجد وهالحين
ماعاد ابي غير اني ارجع كما كنت

[ًِ @8e88n]

الوداع اللي .. مغيّر حالتي من تالي
حطني فـ الليله اللي واهني راقدها

يا نديمً غيبتك مره ووصلك حالي
الليالي دون وجهك فالحزن عاقدها

لاتلفت في حكي ( عذالك وعذالي )
المحبه ما يزعزعها حكي ناقدها

ماقدرت انساك واعيش الحياه لحالي
فاقدك والضحكه اللي فالقى فاقدها

[ًِ @8e88n]

تهزّع على ماشفت من عِرق يا محلوّ
ترى كل مرّه تسرق القلب واطوّف

تخيلك عيون الناس كنها تخيل النوّ
ولكن عيوني تختصر كل متشوّف

تعاريج صوتك تعطي البال زينة جوّ
لا غابت تقول انّه من العالم امعوّف

لأن ما بقى في الوقت شيً مثل ما هو
انا اللي معك من كل الاشياء متخوّف .

[ًِ @8e88n]

سادك الحزن يا وجهٍ من أول ضحوك
رحت محدٍ درى عن روحك المُنهكه

شاحبة بسمتك وش فيك لافض فوك
بسمتك بسمة المهزوم في معركة

المشاعر لها في كل موقف سلوك
غالباً كل لحظات القلق مُربكة

للهُدى درب ما حوله تدور الشكوك
أعْرف أنه هُدى لكن عجزت أسلكه