ّ

[ّ @8eiim]

- الهوى غلاب والبنت طرقا وطخما .

[ّ @8eiim]

يافاتنه معي لايمكن تفتنين
انا من اللي م افتنوه الفاتنات

ان جاوني من يسار ولا من يمين
بيرجعون الدرب من نفس الجهات

جميع مايسهل وصوله لليدين
والله ان يبقى هامشي طول الحياة

الدين فيني دين وف قلبي حنين
ل بنت ماقد جاء مثلها فالبنات

عفيفةً ماتبّعوها الدايجين
وحسابها ماينعرف ف سناب شات

بالعقل عقل وكانها بالزين زين
اغراءها يسوى جميع المغريات

المبسم مورّد وفيها وسع عين
كانه يقول ان ضاق صدرك هات هات

والعود ليّن لا ضعيف ولا متين
مفاتنه تحتاج ل اكثر من عباة

والعطر من عنبر وورد وياسمين
مأخوذ من حيوان مدري من نبات

وغمازةً وحده ماهي ب غمازتين
الشي لا منه كثر ماله طراة

الكنز بيّن ماهو ب كنزً دفين
لكن دونه به حياه وبه ممات

حتى الصغار ان كانوا اناث او بنين
لا جاتهم قالوا ترى جات جات

على كثر ماشفت زين وشفت شين
لا شفتها كنك ماشفت الا الفُتات

" هي الغلا الثابت على مر السنين
على غلاها اسأل الله الثبات "

[ّ @8eiim]

ياحسين كانك شابقٍ بالغنادير
انا لقلبى في بعضهن هوايه

اللي يشادن البكار المغاتير
عزل العقيد اللي يحب العشايه

سجيت معهن لين شفت التعازير
واقفى الزمان وفاتني مستوايه

بين الرجاء والياس والشر والخير
ولاني بداري وش تصير النهايه

مالي جدى الا اطلب محاكم وتقرير
وارفع لديوان المظالم شكايه

في واحد ضيّق علي المعابير
بمخالفة ظنه وشين اعتنايه

اللي ذبحني بالعيون الخوادير
آليا تذكرته تزايد عنايه

عوده ليان وغض مجهول وصغير
توه على اول زمته واستوايه

كن النهد ياحسين بين الأزارير
ليمونةٍ جاها من الماء كفايه

🍔

[ّ @8eiim]

ارب عادك الى ذالحين متذكر
ان انت وانا مانستغني عن الثاني

ان كان به فرصه لمواصلي بكر
ولاني بقايل على الميعاد ممداني

حتى لو اني بعيد وجوي معكر
اوعدك لاجيت قبل الوقت تلقاني

متقهوي مواصلك شلون باشكر
والشوق في غيبتك عنه يتقهواني

اطري الي مضى للقلب واذكر
واحس به شي قبل اليوم ما جاني

احبك و ماني بجاحد و متنكر
نزيه والي لك بقلبي على لساني

من امس واليوم والليله وانا افكر
يا نصفي الاولي من نصفي الثاني

- حمدان المري

[ّ @8eiim]

تكاثر علي الله يجازيه كيف الحال
وانا يوم أسوق العمر له ما تكاثرته

[ّ @8eiim]

والله إني ماهقيت اللي حصل لي منك
وإنك اخر واحد اخاافه يخيب ظني

جعل يسقى وقتنا اللي فيه كنت اظنك
عادك اغلا من يشاف وغاية المتمني .

[ّ @8eiim]

من لايحس بقيمتك وانت موجود
ماهو بناشد عنك لاصرت غايب

حاول تفرق بيض الأيام والسود
ياقلب ما كل الحبايب حبايب

واللي يبيك يجيك لو دونك قيود
يكسر على شانك خشوم الصعايب

واللي يبي فرقاك لو دربك ورود
ماجاك لو انك من ادنى القرايب .

[ّ @8eiim]

-

[ّ @8eiim]

لا تهملني بمزاجك وترجع لي بمزاج
أنا لاعفت وصلك ترا ما أعجبك

[ّ @8eiim]

ابطيت يا وجهٍ عليّ كنك سهيل
من رحت وهمومي علي اتلافى

[ّ @8eiim]

ما الله كتب لي على اللي صار صبرٍ جميل
ولا كتب لك عذر واللي مايكتب عسر

ماودي ارحل لكنك اجبرتني بالرحيل
سوالفك ما تسر وخاطرك ما يسر

ضايقتني يوم جيتك بـالكلام القليل
وخسرتني إياك لكنك بعد بتخسر

غديت ضيفٍ حشادٍ في ضيافة بخيل
كلامه يقول اسر وعيونه تقول اسر

- خالد بن مبارك

[ّ @8eiim]

إذا خذاك الزمان لـ سكة الفرقا ،
تعذر بـ الوصل في يوم ميلادي

[ّ @8eiim]

لي صاحبن قل اتصاله
ماكن له عهد وميثاق

حي اسمه وحي الرساله
الي على ميعاد الأشواق 🎶

[ّ @8eiim]

- رح عساها خيرة والدرب لك عرضه وطوله .

[ّ @8eiim]

جامل العالم مادام ان به مجال تجامل
المجامل فالحياه يزيد عمر الخوّه

ان كسبنا ماكسبنا الا الرفيق الصامل
وان خسرنا ماخسرنا الا قليل مروّه

-

[ّ @8eiim]

ما خلقنا الله نداري في بشرها
وما تربينا نبادلها الملامه

من بغانا ياخذ العين ونظرها
ومن تركنا جعل تصحبه السلامه

[ّ @8eiim]

أوحيت لي كلاب ٍ تنابح من بعيد
صديت وانا خابر النبح يمي

[ّ @8eiim]

علّم الي كل يومً ، يقابلنا ، بثوب
مايخدرنا كلامه معى من خدره

التجارب علمتنا الصدوق امن الكذوب
والردي لا عين الي يهينه قدره

أن بغينا اللعب , نزحف معا الجو اللعوب
و أن هبطنا سوق طيبٍ , خذينا ندّره
ㅤ
فالمقابل تنفتح له دواليب القلوب
و المقفّي قلعة الوادرين تودّره

-سعد بن جدلان

[ّ @8eiim]

ما يطاوعني سكاتي من جنون شعافي
وسط صدري عقدة في كل يوم تلوى

مطحس بن حمس

[ّ @8eiim]

عاد عيد عيونك ورمشك وعيد اوجانك
كل عام ، وكل شهر ، وكل يوم ، وساعه

جالس انتظرك وواقف لك على بيبانك
وفاتحٍ لك باب معلوقي على مصراعه

ودي اغفى من كثر شوقي لك بْـ بستانك
بين رمانك ، وخوخك ، والعنب بـ انواعه

عيدك مبارك تراها احلى وهي بلسانك
لو ما غير تقولها وتسكر السماعه

واكتبك واقراك واجاذب عزوف الحانك
واخطف بيوت القصيد المخملي وابداعه

ماني مغني بنفنوفك ولا فستانك
وانت حلو احلى من الفستان والدراعه

[ّ @8eiim]

لا تقول دارك وينها من داري
اجيك لو إن الوضع به شده

كلمني وخلك تعرف اخباري
الوصل خير من الجفى و الصده