والله اني ما نسيتك ي فقيدي ولا سهيت
كيف ابنسى حرقة فراقك وانا بعدك كسير
من بعد موتك مريض وكل ما تطري بكيت
ماحسبت حساب فقد وما هقيت انه يصير
كل ما حاولت ابسلى من همومي ما سليت
عودت بي ذكرياتك تطحن الضلع القصير
هوّد الليل وطرت لي قديمات الليال
وان بغيت النوم عيّت عيوني تستطيع
طاريٍ غالي رحل تاركٍ لي دنيا الزوال
بس منّي ما رحل باقي وفقده شنيع
الشعور اللي ليا من ذكرته له مثال
والله اني لا ذكرته تقل طفلٍ رضيع
يوم لوّح لي كفوفه هقيت ان به وصال
اثرها كفوف الموداع عسى قبره وسيع
'' سقى الله بلادٍ فيه لطيبين اقراب
و سقى الله مكاناً فيه لرسومهم تالي
احب التّراب الي مشوا به لونه تراب
و امر المكان اللي لهم فيه مدهالي
عليهم عيوني دمعها دايماً صبّاب
و انا ما خبرت العين تبكي على الخالي ''
غديت أودّع المقفي ولا أحب أسمع التبرير
أشوف إن التفاصيل الكثيرة ما لها داعي
فأنا يا اللي تظن إني بدونك ما أحسن التدبير؟
هجرتك واشتعل نور الحياة وزانت أوضاعي
فلا شكرًا على وقتك ولا اعذرني على التقصير
أنا من يوم فارقتك تلاشت معظم أوجاعي
« تزول الأرواح لكن طيبها ما يزول
يخلّد الطيب لو إن راعي الطيب راح »
فقيد عمري رحمك الله
يا راحلاً طابّ ذكره وحسن اثره
يا أكثر الناس بُعدا عن مكاني وأقربهم من دعائي وفؤادي
غفر اللّٰه لك وطيّب قبرك ورفع مقامك وجعلك في الفردُوس الأعلى يارب.
يا موت تاخذ غالي العمر بسكات
من دون لا تومي ب كف الإشاره
تاخذ من قلوب الأوادم مسرات
تاخذ طموح العمر وتهد داره
عزي لقلب ذاق طعم المرارات
يبكي فقيدٍ غاب و أقفت دياره
الحزن غيّم في سما الروح ليلات
كنه يطالب في ضلوعي ب ثاره
أضحك مجامل والخفا فيه لوعات
جرحِ دفين صعب يبرى مراره