_

ظروفنا ماتستحي وأيامنا ، ماهيب ريف

[_ @8rrf_]

«تراك السيف الأملح وراس المال
ودرعي من ظروف الحياة وبلاويها»

[_ @8rrf_]

« يفداه
من يمشي على الأرض
من فوق
واللي يشوفون القمر ، والثريا »

[_ @8rrf_]

أتلّ خطاي في عرقٍ من الصحرا وأنا ما أدلّ
طريقٍ لو تعلّق فوق جفني.. طوّل سهادي

تمثنيت الحنين وضاع صوتي فالسهل والتلّ
هنا ماهبّت أنسام الهوى مع مفرق الوادي

ياربّ الآدمي، والليل، والبيداء، وربّ الكل
أنا لولاك أضيّع صيدتي وأكسّر شدادي

-مشاري الديحاني

[_ @8rrf_]

"عسى سبايل لحيته للعراقيب
الي قصر عنا وحن ما قصرنا

واليوم قد الأوراق تحتاج ترتيب
عقب العلاقات الكثير اختصرنا

بذر الوفاء فالنذل ينبت عذاريب
لا ياخسارة بذرنا اللي بذرنا "

-مهذل الصقور

[_ @8rrf_]

@r7ff_2 والله إنك طرف للفرح والمسرات و الليالي الهنيّه ❤️

[_ @8rrf_]

«على وضح النقا جيتك بياضٍ يفهق المستور
مُحال أمشي على دربٍ يميل لخطوة رجوعي»

[_ @8rrf_]

«أتذرّى في ذرى اللي من وصل له مايضام
واحدٍ من دون كل الناس .. قلبه حبّني

و أنتثر في وسط صدرٍ كل ما جيته حِطام
يجمع شْتاتي دفاه وفي ضلوعه موطني

يوم عاثت بي حـروبي كان كله لي سلام
ما تردّى بي ولا في يوم جيته ردّني »

[_ @8rrf_]

" كنت أحسبك في ليل عيني مناره / وأثرك وهم من يتبعك بات غرقان "

[_ @8rrf_]

أدوّر بعدك المنفى وأطيح بغيبتك وأقوم
وأدوّر راحتي دونك .. وأبي منك تناساني

تبي تفقد، تبي تنسى، تبي تشتاق، صح النوم
أنا مثل العمر لا رحت ما بعد العمر ثاني"

[_ @8rrf_]

مساء يتسيده هالبيتين :

"والله لأوردها على كيف مشهاي
وسفينتي تمشى على كيفي و مشهاها

ماني من الي دون الأهداف شكايّ
بوصل لها ثم اتبجح واتعداها "

[_ @8rrf_]

"مثل ما للخصومة شان يبقى للفضيلة شان
مانيب اللي تخونه شيمته لامنّ نقص وده "
- عويد النجود

[_ @8rrf_]

تزاحمت سود الهموم اللي عليها ما قويت
و أنا بنيّه من بنات الغيم بيض اطباعها

واصّد عيني لجل ما تدري بخافي اوجاعها
وشلون اعلمها و أنا اللي في حياتي ما شكيت

و أنا اللي تطيع القدر لو القدر ما طاعها
اني كثر ما أودع أحبابي من الوحشة غديت

"بنتٍ ليا عانقتها تسمع صرير أضلاعها"

[_ @8rrf_]

كل ما هبّت على قلبي نسانيس الليالي
قمت احسّب ماكسبت من الحياه وماخسرته

وأتذكر مكسبي واللي غدا من راس مالي
وأتذكر كل حلم ما هدمته لا عمرته

وأتذكر كم غدالي من صديق وكم بقالي
وكم صديق حافظ بـ كرّته وصد وضاع كرته

[_ @8rrf_]

يجوز اسرفت فآمانك وفي حبِّي وفي هقواي
ولكن خيبتي اكبر من اللي قد تصورته

يفرِّط بي عزيز اصحابي وْواحد من هلي،وعْداي
ولكن قلبك اللي حبَّني ؟ ماقد توقعته

[_ @8rrf_]

«ما كنت اظن إني على الفرقى وهجرانك شجاع
إلا بعد ما مرت الذكرى مرور الأكرمين

ومن يومها وأنا عرفت إني تركتك بأقتناع
وإن الزمن قادر على طيّ المحبة والحنين»

[_ @8rrf_]

و على هالطاري تذكرت بيت
"لاحقٍ نفسي حسافة ويا صعب الرجوع
الدروب كثار .. لكن ما عاد تردّني"

[_ @8rrf_]

"فيك الرجا ما خاب يا رب الفلق والناس
و منك الأمل ما مات .. لا لحظة ولا ليلة"

[_ @8rrf_]

"اقفيت وانا الصبور الساكت الداري
ان سود الأيام وانتم مالكم ذمّه"

[_ @8rrf_]

"عقب ماكنت أصتفق مثل البحر في جده
قمت أعيش أقوى ركود ٍماعرفت أعيشه"

[_ @8rrf_]

"علامة المُتَّهم كثر التصاريح
وعلامة المكتفي قِلّ إهتمامه

وعلامة إنّي ضعفت ويمكن أطيح
علامةٍ .. من علامات القيامه"
صالح النشيرا يرفض الإستسلام في وجه الحياة،
كذلك أنا