F'🦌 .

لا إله الأ أنت سبحانگ إني كنتُ من الظالمين

[F'🦌 . @8v822]

"تلد فيك العيون وتستهيم الضلوع
يا اللي وصالك شبيه الغيمه الماطره

أنت العطى المبتغى وأنا يدين القنوع
اللي معك الابتسامه تجبر بخاطره".

[F'🦌 . @8v822]

تقوّي ترى الخاطر لـ هالحين باقي فيه
تعابير وجهك " قاطعتني " و أنا توّي

تزبر ( دموعك ) في محاجر عيونك ليه ؟!!
أوآسيك ؟ والا أجرحك ؟ والا وش أسوي

- عبدالرحمن بن جزا

[᷂حبْكَة @1wkil]

على طاري غرامك ياحبيبي هاك ما ينقال
على البحر الطويل يسوقها موجي ومجدافي

حبيبي لا تضايق من عتبنا لك على الجوال
هذا حبك وهذا منزلك في قلبي الوافي

يعيش الحب بين اللي محبتهم وفاء و وصال
ويموت الحب من فرقاء القلوب ومن جفى الجافي

امانه ياحبيبي كل ما تشعر بـ ضيقة بال
تعال اضم حزنك في زوايا صدري الدافي

وانا مافي نظامي حب يومين وجفى واهمال
وجاك من المحبه و المعزه و الغلا الكافي

هذا نبض الشعور اللي كتبته لك على استعجال
فديت اسمك ولبى معدنك المعدن الصافي

علي الدعيه

[F'🦌 . @8v822]

عسى سنين العمر ما مرّت سدى
في بال منهو عاشها ولا أتعظ:

مْن الوجيه اللي تجي على حِدا
ومْن الجروح اللي تجي ورا بعض.

[F'🦌 . @8v822]

من إللي غدا ذكْره علي مثل ذكْر الدَيْن
أنويه القضاء ويكــثـر الله سواميحـه

سعد بن جدلان.

[F'🦌 . @8v822]

عن كل نزوة شعور .. وكل زلّة لسان
تعوّذوا من غيا أنفسكم ومن جهلها

حياة الانسان .. بين الطيش والاتزان
أحيان يا صعبها وأحيان !.. يا سهلها

ما يتّجه موجها العالي .. لـ بر الأمان
لين يتعلّم " فتاها " من ندم ، كهلها

تغانموا ما يوصّلكم لـ خضر الجنان
ليالي العمر ! ما تمشي ، على مهلها

[F'🦌 . @8v822]

أنت الحبيب الي مبدّى عن الغير
و كل الكلام الي يجيبك .. مبدّى

مسمي طيفك خوي المشاوير
والله ماهوب اللي ليا مر عدّى

قلبي عليك أرق من ريشه الطير
ياليتني لـ قلت له هد .. هدّى

كانك هديه من يدين المقادير
ف أنا مدين للمقادير .. جـداً

[F'🦌 . @8v822]

ياجارة الوادي ؟ انا جار الاسى والذكريات !
اشكو من امراض الوله واعاني امراض الحنين

ما عاد في صوتي مساحة كافيه لـ الاغنيات
في نبرتي قبيلة احباط وقوافل من انين "

وشلون اعبّر والكتابة ؟ فتح جرح وجلد ذات
وجروحي اكبر واعمق بواجد من الشعر الحزين .،'

[F'🦌 . @8v822]

تدري اني تناسيت السنين الجميله
لين ما عاد مرت تيك الايام بالي

ذكرياتك وطن قلبً تمادا رحيله
كيف يدله من دياره ومرباه جالي ؟

مركب الذكريات اللي حموله ثقيله
قام يرمي سوالف لجنبي والموالي

كل ما طاح من رزنامة العمر ليله
طاح معها من الذكرى تفاصيل غالي

[F'🦌 . @8v822]

تحرّر ياقلبي من شعورك شويّ شويّ
يشبّ الدهر في العرق لو غصنه مشاجر

يمرّك من الدنيا تجارب و حسْن وسيّ
وعلى كل ما يطرق على بابك مواجر

[F'🦌 . @8v822]

"إستأذن العصر وانقّادت خيوط الظلام
والليل تو ما أستوى بشته على منكبه

الليل ستر الفضاء، والطيب ستر النظام
والصمت ستر الشعور الّا على المنتبه"

[⁹² @ii_92_ii]

الله خلقك و ميّزك بأربع حروف
و خذتي من اسمك لين قلب و لين إسم ❣️.

[F'🦌 . @8v822]

@iilife4 خلي الحسايف ماعلى الدنيا حسوف
أنتي أصدق وأنتي أجمل وأنتي أهــم 🤍

[F'🦌 . @8v822]

« اخطيت وانت اخطيت وش داعي الجفيا والبعاد
وحده بوحده ياحبيبي — والخواطر صافيه »
- مشعل بن فطور ؛.

[F'🦌 . @8v822]

عن الصراع الداخلي وانتهاء
الشغف :-

"كم واحدٍ يطرد ورا الدنيا وعيّت تزين
ما زانت إلا عقب ما ملّ الطراد وعافها "

[F'🦌 . @8v822]

«يا كثر صورّك .. اللي ما نساها بالي النسّاي
لو أن عمري معك مرت سنينه مثل أسابيعه»

[F'🦌 . @8v822]

بين السوالف كنت تجرح وتقتص
من غير لا تدري عن اللي تمثل

مثل مشاهد مُحزنه داخل النص
كانت حقيقة في حياة الممثل

[F'🦌 . @8v822]

قصر بال، وشح وصل، وقل دبره
والسؤال أجاوبه بـ "أدري" و "مدري"

والله إني حاسدٍ مثقاب الابره
يومه أوسع للهواء من ضيق صدري

[F'🦌 . @8v822]

"

انا ادري ماعلى قلبي من صْدوف الفراق خْلاف
لو ان نوبات حزن الذكريات تضيّق ضلوعي

ومثلك ما تردّيه الليالي ومنه ما ينخاف
لو انك كاشف اسراري وعارف وش هي طبوعي

لَكِنْ ليه الحياة الجايرة ما تعرف الانصاف !
ياكيف احلى الليالي معْك تَسقى بمالح دْموعي؟

[F'🦌 . @8v822]

عيون المحبة ما تشوف الخطا المقصود
تشوفه ولكنً المحبة تغمضها

وعين الكره تلقى خطاً ماهو بموجود
والى جاتها بيض المعاريف ترفضها

تطيب القلوب البيض رغم الليال السود
لكن القلوب السود ( منهو يبيضها ؟)

عبدالله بن لفيجح .

[F'🦌 . @8v822]

يا كم مرّ سبت من التحرّي و عوّد سبت
لكن الوعد لا من عتق مشرقه دارك

أنا اللي سقيتك من بياض الوجيه و غبت
ولا جيت ليل ولا إقتطفتك من أسوارك

متى ما إعتراك الشكّ في ما مضى و إرتبت
أنا أقرب من مزوحك و ضحكات زوّارك

- صالح بن حمد