'

[' @974ro]

﴿لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ﴾

[' @974ro]

جميع ما سبق :

تبي تعرف غلاتك يا وطن عمري ؟
غلاك أكبر من الوصِف ورسالاته

تعال اسال وحط إيدك على صدري
ولَك مني وعد ترضيك نبضاته .

[' @974ro]

جميع ماسبق :

لا يزعلك .. من ممتلي قلبه سواد
أنتي جمالك يعتبر !.. طب ومرض

تحفة خياليه !.. ونفحه من براد
بـ أسبابها عاد الجمال المنقرض

ياقبلة اللّٰه معك ( يا شين الحياد )
تبختري .. و الغي وجود المعترض

لو حاربوك إللي لهم جيش وعتاد
عيونك الثنتين " توفي بـ الغرض "

[' @974ro]

منب ساج :

وانا اسعد انسان حبك في الوجود ودله

[' @974ro]

جميع ما سبق :

كان المسا محتاجلك والحاجه ام الاختراع
كن الليالي تحتري شمسٍ تسابق ظلّها

شوفي مشاويري معك لا دمع عين ولا وداع
ابتسمي انتي والقلوب الميّته تفطنلها

وعيونك اكبر مشكلة بين انتمائي والضياع
ان جيت كيف احلّها وان رحت كيف احلّها ؟

ما يلوي ذراع الشجاع الّاك يا قلب الشجاع
لا بح صوت وسال دمع ومال خصر وملّها

انا فدا ذاك الجمر والعنق والحور الوساع
والورد وانغام الفجر لولاك مدري من لها

انتي من اللي ينتمي للريح والما والشراع
وانا تبعتك خطوتين ان ضيّعتك ادلها

لا مالت كفوفك ترف واخفيت حسن وحسن ذاع
تتساقط اوراق الشعر مابين ليت وعلّها

اختاري الفكره وانا برضيك قدر المستطاع
شاعر ولكن صورتك فوق المشاعر كلها .

[' @974ro]

جميع ما سبق :

سلامي على اللي كل مالاذ بالي له
تبارت عليه احلى الطواريق وانعشته .

[' @974ro]

جميع ما سبق :

حسنك المتفرّد المتكبّر المتعالي
ما انخلق فالارض هذي شيٍ احلى منّه

[' @974ro]

جميع ما سبق :

الطله اللي منك " يا صافي الجبين "
لو دونها الموت اقدر الموت أحضنه

انت الكلام اللي من عيونك .. يقين
خل الكلام .. إللي تقول ألالسنه

الحب ؟.. مثل الطيب عند الطيبين
و انت الحبيب اللي ما نستغني عنه

الصده اللي منك طلقت !.. مارتين
تخلي العاشق !.. " بـ حاله محزنه "

مجيك .. ينسيني ( آوجاع السنين )
و ان غبت يوم تقول غايب لك سنه

تخجل : و في وجهك تبين الوردتين
غير الورود اللي معك " مستوطنه "

من كثر ما اخاف البشر تعطيك عين
ودي لو ان القلب بيت ؟.. و تسكنه

اللي ماهيب تزين .. لـ عيونك تزين
اخلي اللي مستحيله ؟.. " ممكنه "

احنك من الحزن .. لا شفتك حزين
ليت الحزن يطعن على شان أطعنه

انا ما آشوف ان مثلك اشباه اربعين
حتى القمر في ذمتي انك احلى منه

[' @974ro]

جميع ما سبق:

اخذني ولاتفكر حتى ب استئذاني
طق في قلبي طبول الحب واضرب زيره
ً
جاني وانا من اللي يزبنون الجاني
ازبن بصدري وعده لك مقر وديره .

[' @974ro]

جميع ما سبق :

أحبك لو يموت الحبّ ، و تصير القلوب قبور
و أنا مهما منحتك من غلاي .. أشعر بتقصيري

أحبك من هنا ، حتى طلوع الفجر ، حتى النور
صحيح انك قدر محتوم .. بس أجمل مقاديري

[' @974ro]

جميع ما سبق :

إن بغيت أقول أحبك قلت : انت وينك
والله إني انت وينك من صميم فْوادي

بتصرف وهم يتصرفون ..

[' @974ro]

جميع ماسبق :

كل حاجه ودّها تاخذ طرف
يوم مالت لـ الهوا غنى لها

ناعمه تلبس من ثياب الشرف
" مايذوّب خافقك لـ وصالها "

بنت تتساقط من النعمه ترف
من ترفهـا ضمها سلسالهّـا

أتقهواها وانا قلبـي يرفّ
وتلقط الصوُره على جوالها

لا تقهوت هي من زود الترفّ
ذابت الحُمره على فِنجالهاا .

[' @974ro]

ما يقرطب بالمحاني ويقفي بالقلوب
غير حبٍ صادق وبنت عود مزلبه

[' @974ro]

جميع ما سبق :

رفّ الهدب وإنحنى راس القصيد وطمن ْ
وجتني : حَوَرها مدار ووجنتيها سنا

بنتٍ .. تزيد القلايد في نحرها ثمنْ
وشلون ترخص ملامح وجهها للعنا .؟

كانت بعيد أمنياتي .. لين قالت تمن ْ
وتقرّب الحلم من كفّ السنين ودنا

قلت أصبري لين أخلّد طلّتك بالزمن ْ
وجهك خِلق للقصايد ماخِلق للفنا

[' @974ro]

جميع ما سبق:

ملامحك حلوه وجسمك يجنن
هذا الشّموخ الإنثوي و الاناقه

خليني أحكي بالغزل وأتفنن
ياحبني لذيك العلوم الدقاقه

خلي سوالف ربعي ربعي مجنن
شريت لي ناقه و ببيع لي ناقه

مع أن وقتي معك جدااَ مـقنن
لازلتي أجمل بنت وأجمل علاقه

أبي من أحساسك كلامٍ يجنن
وإبي من الخمر المعتق ذواقه

[' @974ro]

تحبني ؟

طاحت الدنيا و أهلها من عيوني
يوم أقول تحبّني ؟ و تقول أحبّك

[' @974ro]

جميع ما سبق :

تعودت أحبك فوق طاقة حياتي لين
تعلمت أعيش أيام عمري على حبّك

تمر و عيوني تتسع .. ترتجف ، مابين
صبابة تهلي بك ، و فتنة ترحب بك
ِ
و أنادي مثل من لاعه الفقد : رايح وين ؟
وتضحك وتهمس : ليه خايف وأنا أحبك

[' @974ro]

جميع ماسبق :

مكانك بقلبي ما وصل له ولا انسان
قنعت ورضيت بـ ميزتك وبعذاريبك
َ
كثر ما يسلهم رمشك الساطي الكسلان
احبك واحب الفرصه اللي تجيني بك

[' @974ro]

جميع ما سبق :

تهادي بالحرير المخملي يا ناعم الخدّين
وميلي لين يرجع كل غايب حرف لاوطانه

على منتوقك اللي فاهق حدود الغيَا شبرين
يصير صغيّر حروف القصيد اكبر من اخوانه

قصيدٍ ما سرق بالك رضى واحساس قلبك لِين
طواريقه مع "السبع الفرايد" مالها خانه

على طلّة محيّاك الخجل وانا عليّه دين
لاخَطف من البحر لرضاه لولوّه ومرجانه

فتات المسك يزهى كل مدعوجة وحورا عين
ولا يزهاه غير عروقٍ من المجد رويانه

سليلة من يردون البرا ، حمّاية التالين
مخضّبة الهنادي في نهارٍ ذل شجعانه

عيونك موطني عن كل تغريبة ولوعة بين
وصوتك مرفأ حطام الشعور وساحل أمانه

حبيبك مثل ماهو .. ما يزعزعْه .. الزمان الشين
ليا شحّت هماليل السحايب جادت أغصانه

يحبك كثر ما كنتِ فـ “أحبك” منّه تشكّين
وكثر ما صوته ان جا لك يبرر كلمته خانه

وقف لك ينتظر.. في ليلةٍ كانو بها ماشين
اذا ماهو على شانك -وقوفه- من على شانه؟

[' @974ro]

جميع ما سبق :

تنقيتك ؟ ابد والله ، عَبرت و شفت قلبي طاح
بغيت أشيله و طاحت تنادي باسمك عظامي

أنا صحراي جفت من زمان الين برقك لاح
و صارت جنةً خضرا بوادي صدري الضامي

اكذب صوت عقلي كل ما قال الحظوظ شحاح
و أصدق صوت قلبي " رُبَّ رميه مالها رامي "

مشيت لباب قلبك ما بيديني للوصل مفتاح
ما شالت هالكفوف الا أربعه خامسهم بهامي

و لكن جيت اجازم في سبيلك بأخر الافراح
لعل الله يبيض في وجودك وجه الايامي

و إذا حبّك غدا همي ياجعلك هم ما ينزاح
انا قلبي عصاني لك ؟ شلون اطيع لوّامي

أضيّع ربكتي حولك بـ دور الضاحك المزّاح
اخاف تلاحظ عيوني ، شغلتك في تبسامي

تفاصيلك الاحظها شلون بـ فطنةّ اللمّاح
و أنا اللي فاهيً وعيه يعيش بقلب متعامي

من المشية تصدق صرت أعرفك ضايق أو مرتاح
من النظرة من الكلمة من الخطوات قدامي

غريب الحُب و الأغرب إذا عشته مثل الاشباح
غريب الحُب كيف إنه يميت و يحيي أنسامي

يعز اللي عروقه من خسارة ما يعرف ارباح
ويضيم اللي مواخيذة مافيهم شخص منضامي

ياحلو الصمت لو أنه تحت صمت الشعور نواح
أخاف تجف صُحفي لا حكيت وترفع اقلامي

يروحون و يجيب الله على دربي كثر ما راح
و لكن ما خذا غيرك بـ عمري نزعة هَيامي

كأنك منخلق من ضلع قلبي " أندماج أرواح "
ما بيني و بينك أحساسً غريب اغرب من اوهامي

أنا جيت أسكنك "موطن لحد " ماجيت لك سواح
" لقيتك منشأ الحب الأخير و ريحة أحلامي "

[' @974ro]

جميع ماسبق :

انتي فقققققط لا تزعلين وترحلين
احبّك الزعلاننننه . . المتغاضيه
ㅤ
جيتي . . وخلّيتيني احب السنين
وانقد على بعض السنين الماضيه

والليله اللي في مجيها تضحكين
يا حلوها حلواه . . وانتي راضيه
ㅤ
منها . . لو تمرييييني بدقيقتين
اشوف فيها الناس جداً فاضيه .