Al Marri

أحياناً مشاعر .. وأحياناً فراغ .

[Al Marri @99rt]

من عطاه الله محبه في القلوب
أشهد أن الله .. معطيه الكثير
-
جعلني لا جيت للناس محبوب
و جعلني لا غبت مذكور بـ الخير

[Al Marri @99rt]

الكلام اللي مايجهلني صوابه
يوم جرتني على البعد الحسايف

لو ترد السيل في بطن السحابه
ماترجع قيمتك في قلب عايف .

[Al Marri @99rt]

جنديٍ وقف في حرب ( ٦٧ )
قالو تضحي ؟ قال سمعاً و طاعة

باع العمر يبغى يحرر فلسطين
ما يدري ان ريّس فلسطين باعة

العز ساعة .. و النشاما مجانين
تبغى تبيع العمر .. في سعر ساعة

إن جمل الله عاشو العمر مرهين
و إن قدر الله .. ذي ضريبة شجاعة .

المرجلة تنشاف بالعقل والعين
ماهي تسمع من محاط الإذاعة

[Al Marri @99rt]

يالله اللي لا ظلال يظلنا إلا ظله
يوم الأنفس من ولايفها تفّر وتدبر

اطلبك قولٍ يقين وموقفٍ في حله
تحتميني من شماتة كل وجهٍ مغبر

وعايذك من عاقبة شر ارتكاب الزله
ودعوةٍ ما تستجاب وعثرةٍ ما تجبر .

[Al Marri @99rt]

يا مملكة عبدالعزيز السعودي
الحب مايعرف مواطن ولا شيخ

عنك وعن تاريخ الأمجاد ذودي
مافيه غيرك يكتب المجد تاريخ

وعلى مناف العز روحي وعودي
لو يزرعون ارضك شباك ومفاخيخ

عدوّك المتخفي اللا وجودي
ذكر الحرم لأمثاله اشدّ توبيخ

إذا النبي موسى من الطور نودي
انتي مهابط الانبيا ف التواريخ

ما طاولك نصراني ولا يهودي
كنتي ولا زلتي عصية شماريخ

#اليوم_الوطني_السعودي_٩٦

[ياسر التويجري @yasseraltwaijri]

يا محارشنا على الشر تهبي ✋

🇸🇦🇸🇦🇸🇦

[Al Marri @99rt]

يالله اللي لا ظلال يظلنا إلا ظله
يوم الأنفس من ولايفها تفّر وتدبر

اطلبك قولٍ يقين وموقفٍ في حله
تحتميني من شماتة كل وجهٍ مغبر

وعايذك من عاقبة شر ارتكاب الزله
ودعوةٍ ما تستجاب وعثرةٍ ما تجبر .

[Al Marri @99rt]

البارحة كنّي على يمنى بخيل
ما غير احايل في المنام محايله

راحت طموحات العمر في ظرف ليل
مراح بيتٍ ما اعرْف من قايله

جعل العوض في ماضيٍ ما له جميل
مستقبلٍ ما تنحصى جمايله .

[Al Marri @99rt]

احبّ زود الثقه واحبّ قل الظهُور
ما احبّ اطارد ورا الاضواء مطارد سراب

أطلع وانا غايب من الغايبين الحضُور
ما أطلع وأنا حاضر من الحاضريين الغّياب

لا تتهموني بفرط الكبرياء والغرور
لو ماني بذيبٍ كان اكلوا عشاي الذيّاب .

[Al Marri @99rt]

من عف كف .. ومن تألم تعلم
ومن عاش بالواقع ماتغريه الاحلام

مايندم الساكت كثر من تكلم
ولايامن العاقل صواديف الايام

[Al Marri @99rt]

مهما إنعزلت وصارت الغربه بلاد
كرامتي ماترخص وشاني رفيع

أطيع نفسي وأخذ الدنيا عناد
أحيانًا يكون العناد أفضل صنيع

وإن خيروني فالبياض وفالسواد
أصير فرد إن صارو العالم - قطيع -

عن كبريائي ما أتنازل لـ العباد
الكبرياء أبدى علي من الجميع ّ.

[Al Marri @99rt]

الظالمين الله اكبر عليهم
اخطر فئه من ربنا ما يخافون "

صليت فالمسجد بدعي عليهم
لقيتهم في الصف الاول يصلون . .

[Al Marri @99rt]

راس مالي في الحياه الطيبّين
اللي على وضح النقا دستورها

النهج واضح لا يسار و لا يمين
و الوجه واحد لو تشين أمورها .

[Al Marri @99rt]

تحمل ياصدري أدري إن الصبر طال
وإن الدنيا زوّدت علي .. بلاويها

لكن دام العبد على جزا صبره ينال
اصبر ياصدري ونشوف وش تاليها

اما تزين ويغدي حظي عالي العال
ولا العوض في جنه وعدنا الله فيها .

[Al Marri @99rt]

والله اني ما أتردى ولا أحب القصور
وأتجاهل كل من هو ضعيف ومبتلي
َ
رافعتني عزة النفس .. لـ حد الغرور
والثقه بالنفس لـ أعلى مكانٍ معتلي
َ
لا دعولي والديني .. بـ تيسير الأمور
ما علي من باقي الناس لو تدعي علي .

[Al Marri @99rt]

فلا ينفع الهاتف ليا صار بدون إرسال
و ثوبٍ ملاه القار ما تنفعه نيلة

ولولا المجنّن ما عرفنا منهم العقّال
ولا كُل عينٍ تعرف البرق و تخيله

ياكم عارٍ جابه لابس البشت و الدسمال
وياكم نالت من المجد لبّاسة الشيلة

[Al Marri @99rt]

اما خذ المسواك والا الزقاره
اهم شي يكون لك سلم وطبوع

تدري من اللي ضاع عمره خساره
من ضاع عمره لا دشاره ولا طوع .

[Al Marri @99rt]

وإن أشغلوك اللي لهم عدة وجيه
أضحك لهم ضحكة وسيع البنايد

ولا تقنع العالم بشيء مسويه
قد قيل من قبلك.. رضى الناس كايد

الناقصين يكبرون المشاريه
والواثقين ..يكبرون الوسايد

[Al Marri @99rt]

لو ان الخيال يشابه .. ( الواقع الملموس )
ماشفت الطموح يموت . . ماياصل مراده

تعلمت من كثر التجارب ( واخذت دروس )
الانسان طالب علم . . " من يوم ميلاده " .

[Al Marri @99rt]

في زحام المغريات، وليلها المتمادي
من ترك لله شيٍ عاضه أبرك منّه

يالله أعصم من محابيل الحرام فوادي
عصمةٍ تاخذني بيمناي لين الجنّه

ياعظيم الملك وأنت المستعان الهادي
باب جودك جعل مانيب محجوبٍ عنّه

كل ظنٍ في سواك من الخلايق غادي
وانت عبدك عند ظنّه لاحسن بك ظنّه .

[Al Marri @99rt]

لو قدر وجه الخصيم يرد حقه من خصيمه
نقدر انقول ( الرعود امدندنه والمزن نشّى )

ان زعلنا ما نحشم الي من اول له حشيمه
وان رضينا نستطيع .. انمشّي الي ما تمشّى

نعلم ان كثر السكوت ايحط لـ الافعال ، قيمه
نعلم ان طول الحكي مثل الهوى لو طال ، عشّى

العزاز اتموت ما تطرد ورى اصحون الوليمه
يوم ( سودان الوجيه ) من الحيا عيّت تغشّى

نكرم الحانا … ولا نقلط بلا سابق عزيمه
بس لا شفنا ( سنام المجد ) نقلط وانتعشى

يالله انّا في حجاك من المخاليق السقيمه
الردى مثل الوبـا .. ماله علاج الا تفشّى