صيّاف

الأماني في رجا الله ماتخيّب

[صيّاف @9_3jmi]

صلو على من قال :
و إني مُباهي بكم الأمم يوم القيامة
"اللهم صلِّ وسلم على نبينا محمد"

[صيّاف @9_3jmi]

تباهى بي على ركب الحياة و جرّة المنقود
تباهى و الصباح يبّث نوره من تلفّاتك

حبيبي لا تقول إن الرضا و الجود ف الماجود
و أنا ثلثين عمري ضيعته من بسمة شفاتك

أنا ظلّك و أنا كلّك و أنا مشوارك المعهود
من أضغاث الحياة القاسية لـ أحضان ضحكاتك !

[صيّاف @9_3jmi]

@babwjeop 7

[صيّاف @9_3jmi]

سلام الله على وجهٍ تمادى و استوى بالبال
سرابه يبتسم بسمه غدير و عاشقه يظمى .

[صيّاف @9_3jmi]

صباح الخير ، أما بعد :

" تشرق الشمس و تجلّا و أنا أحس بـ ظلام
كن شمسي غير عن شمس سكان بلدي

أحتري صبحٍ ليا طل من خلف اللثام
إنطلق شوفي و عوّد بـ روحي لـ جسدي "

[صيّاف @9_3jmi]

كل خطواتي طواريك .. أنا مالي مكان
ذكرياتك فوق قلبي تغني و اتعزف

ما نبت في الجفن رفّه ولا فالقلب أمان
لين صرت أدوّر الشوف تدوير الصدف

صرت أنا والضحك عقبك على طول الزمان
الفقير اللي ليا جاته المدّه .. حَلف

[صيّاف @9_3jmi]

اثر من عشق له سيدة كبرياء وطيخ
بيبطي وهو يشكي من الويل ويعاني

خصوصاً لاقدها بنت شيخ وحفيدة شيخ
تعيّشك في عزله وفي عالمً ثاني

لاقلت انتي اجمل نسوة الارض والمريخ
تقول بغرورً صادم وغير عقلاني

انا من جمالي تمتلي صفحة التاريخ
مثل ماملوها بالبطولات .. جداني !

[صيّاف @9_3jmi]

توضّوا اهل الريا الفاحش ولا صلّوا
والآدمي لا نقص عقله نقص دينه

ماني مولّي عيوني .. حيث ما ولّوا
لـ الدبره الضايعه والمنّه الشينه

وان كانهم فالدعا ضاعوا ولا دلّوا
بيني وبين الله .. اللي بيني وبينه

انا على كثر .. ما زادوا و ما قلّوا
اقلّهم حَظ .. واكثرهم طمانينه

[صيّاف @9_3jmi]

عداك الملام وشرهة الولف يا نزّاح
عن دياري اللي منت بأول خسايرها

تبعت السراب الين سلمك للمرواح
ولديت .. وعيوني تزوّر عبايرها

قنعت وتركتك للزمن والزمن فضّاح
على مهله اسرار المخاليق يظهرها

بقى لك معي ذكرى ليا غمّض المرتاح
تمشط بقايا كبدي بروس أظافرها

[صيّاف @9_3jmi]

أسامر طيوفك كل ما غابوا السمّار
مع إني وحيد شلون ما أحس بالوحدة

ورى كل بسمة فاتنة تلفت الأنظار
عليها المشاعر فـ آخر الليل متحدة

حبيبي لا تخشى ضيعتي والحياة أقدار
ضياعي حقيقة عمر ماهيب منجحدة

تبيها وصل ولا تبيها فراق اختار
أنا ما قدرت أختار منها ولا وحدة

[صيّاف @9_3jmi]

معي من الذكريات .. اللي يخلّيني
أعيش طول الحياة مغمّض عيوني . .

[صيّاف @9_3jmi]

@bashar__asad هذا مامات ؟

[صيّاف @9_3jmi]

يا ملاذ الشاعر اللي يخاف من الفراق
مثل ما ألهمتيه شعرٍ من الصبر ألهميه

واذكري له بيت من جُملة بيوتٍ رقاق
يوم قاله لك و خدّك مثل خد الجنيه

أنتي أول حب و آخر محطات العناق
وأنتي أختٍ للنشاما و بيضان الوجيه

لا تقولين الحزن .. حاجةٍ ماهي تطاق
فـ الفرح و الحزن والله ما مثلك شبيه :)

[صيّاف @9_3jmi]

تحرّاك المشاعر وأنت في وجهي متى ماجيت
ما تسمع من عتابي غير قولة مالها داعي

- سعود مبارك

[صيّاف @9_3jmi]

عليك ياللي مامعي منك ، سوا ردّ السلام
من خيبة الهقوه وعذر الراحله وأسبابها

يا أول شقى وأخر لقى وأكذب عذر وأصدق ملام
لاترتضي لي حاجةً .. قلبك ماهو يرضى بها !

[صيّاف @9_3jmi]

الليله البرد لـ الماضي يدور الرحى
وطواري الفقد فك البعد بيبانها

من يردع الذكريات وسيلها لا انتحى
على مرابي لياليها وعربانها

عاد المحبه مقيمه والغلا ما انمحى
وهي سيدة فكرة الابيات واوزانها

مشتاق لـ عيونها اللي لا دخلها السحى
كن الرموش الطوال تقبل اوجانها .

[صيّاف @9_3jmi]

جعل ريحٍ من القبله تقود السحايب
مثل قود المهار الصافنات العسيفه

تاخذ اللي تبقّى من جروحٍ عطايب
لين ماعاد يبقى مْن الهوا الّا وحيفه

ياحبيبي كلامك يودع الظن خايب
ليلة موادعك كانت جروحك كليفه

يوم اعرّض وجيه الذكريات الهبايب
خايف اشتاق .. ولّا البُعد مامنْه خيفه

[صيّاف @9_3jmi]

من تعلّق في الحياة وفي ترفها واهم
الحياة الفانيه ياهون ما عكّرها

ذكريات الراحلين اشدّ من فرقاهم
من فتح له خانةٍ في القلب ما سكرها

- علي الدعيه

[صيّاف @9_3jmi]

عندي وقار المحتسب يستر براكيّن الجموح
وعندي هدوء الشايب اللي كل من حبه بكاه
..
يهتز لا من شاهد ، طيوفٍ من الماضي تلوح
ولا هاجت يعقّد ردونه دون من صاح ونخاه
..
ماني ، صلاح الدين لكنّي ، على عزّي لحوح
لو كان ما عندي صبر موسى ولا قوّة عصاه .