فذ

الشعر شيخ الكلام , و سلوة الطيّبين

[فذ @9__eer]

الرجل مبدأ وإلى منه تهاون خَرَب
وإن خَرْب ضحّى بأمورٍ ما يضحّابها !

- محمد بن علوش

[فذ @9__eer]

قلّة النفع .. مدري قلّة الدبره
كل راسٍ على ما عاش به شيّب
/
مثل ما المرجله على الردي عسّره
والله ان الردا عسرٍ على الطيّب

[فذ @9__eer]

« وربك ما بقى في مجرياتك للغياب اعذار
أنا وااااجد بحثت .. ولا لقيت الي يكفيني ! »

- نايف عبدالرحمن

[فذ @9__eer]

رجعت من الغياب المرّ لكن مارجعت أيّاي
يا ليت اللي يردّ الغايبين يردّني يمّي

- عويّد النجود

[فذ @9__eer]

حمدتك على خير وحمدتك على مكروه
وسبحانك اللي لا ألتجى عبـدك انصفته

اجي لك بوجـهٍ سـاير الناس ما شـافوه
على شـان وجـهٍ سـاير الناس عـــارفته

صالح بن حمد

[فذ @9__eer]

حبيبي، وش مصير الشعر لولا طلَّة محيَّاك؟
دخيل الله لا تقتل هواي، وتجرَح مزوحي!

تخيّرتك وأنا ماني بـ جاهل وجهك، ومبداك
أشوفك ديرةٍ ضمَّت مداي، ونصف من روحي.

/ محمد السلطان

[فذ @9__eer]

كشفك الزمان الله لايكشف لنا مستور
وعلم عليك الشان ، واللازم الحاضي

وقف بيني وبينك صدى بيتي المشهور
وقفلت باب الشرهه اللي على الفاضي

تعاملت حتى مع قصورك، بدون قصور
وتخطيتها ، مثل الحسايف على الماضي

_ مبارك بن رادعه

[فذ @9__eer]

ما انت حاسدني على ما اعطاني الله ،
لو عرفت اللي خذاه الله مني ..

محمد جارالله

[فذ @9__eer]

زهابي الايمان وسلاحي على الوصف الدقيق :
عقليّة المثقف وفراسة ابن الباديه

كم من محبه صادقه تبدّلت كرهٍ عميق
باسباب مزحٍ ما هو بوقته وكلمه غاديه !

محمد جارالله

[فذ @9__eer]

أنتي محطة عمر مانتي محطة عبور
تأقف عليك الحيـاة .. وتبنـي أمالهـا

[فذ @9__eer]

غشوا بعضكم يكرمون العواريف
اللي على خطّر بعضها تحاما

الله ليا حط الضعافا مواليف
حط النشاما في طريق النشاما

ناصر مناحي

[فذ @9__eer]

خواطر الناس — فيها ما يكفيها
كفايه من الكلام الجارح السلبي

لا طابت النفس من حاجه تخليها
حتى لو الحاجه اللي عفتها قلبي !

- فهد بن بجاد .

[فذ @9__eer]

لذّة إعجاب المحبّة لاشفته شوف عين
لذّة الفنجال الاشقر عقب فردة تمر

- صالح النشيرا .

[فذ @9__eer]

اعتقّتها في ذمة،،،،،، الايام
لحظات في ذهني لها واقع

ليه الطموح ابعد من الاحلام
وليه الخيال اجمل من الواقع

حمد الجودان

[فذ @9__eer]

يوم شدّيت الرحال الى الغياب .. وقلت هيّا
صار كوكب الارض بعد مفارقك سجن انفرادي

- فهد بن شويمي

[فذ @9__eer]

تجيبك في ربوع الذاكره يا صفوة الخطّار
مقاديرٍ رمت بك في طريقي وانت ما تدري

على ربعة خفوقٍ " مرحباه " يعيدها تكرار
لاجيت تقوم من كثر الحفاوه قال لك بدري :)

[فذ @9__eer]

الصمت ملجاي لامن شان وجه الكلام
خل عنك الشرهه اللي ماتحملتها

الكلمه اللي مثل وقع الكسر فالعظام
والله لو انْك تعرفني زين .. ماقلتها .

[فذ @9__eer]

الظروف تفر راسي وانا بالي طويل
ما ذبلت عزوم نفسي ولا . . ذليتها

الليالي ما عطتني سوى الشي القليل
بس روحي من قليل العطا أغنيتها ")

[فذ @9__eer]

من همهمات الوداع لـ صوت ترحيبك
راحت مع الوقت و النسيان همّشها

نسوك حتى الطواري عيّت اتجيبك
" والذاكره ما تعرفك لين اغشّشها "

[فذ @9__eer]

قديم الوِدّ.. وأيَّام الصبا والحِلَّ والترحال
أعرفك مثل نظرَات الوَله في عيْن متجَاهل..

تمهَّل لا تغافلك اللّيَالي، والسنين طوال
أنا للحين أغنّي في عيونك.. وأنت تستاهل!

محمد السلطان