أغنيه مناسبه لحالتي الصباحيه ولشدة ما القاني فيها أظن إنها ما أن��تبت في زمنها إلا صدفه وإن موعدها الحقيقي هذا الصباح، خلنا مني طمني عليك؟ما أنام الليل من خوفي عليك! أنت طيب؟هذا هو اللي يهم، أنت طيب؟غير هذا ما يهم، ثم قالت نوال، لو بساعد كنت أساعدني أنا، لو بيدي أنت محبوبي أنا.
تطول حولي الأذرع وج��مي يستقبل هذا القرب ويرضخ ظاهريًا، على إن الروح بالروح إلا إن يتخلل هذا الحضن مسافات مخفيّه وكأن يفصلنا ألف كيلو متر، لكن أحن قفصي الصدري له مده يتضور جوع لأنه ما تلاقى مع اللي يوالفه. أنا والقفص الصدري جواعه أبغى أتربع عرش الراحه من دهر نهب مني وسلب. حضن بس
من كثر ما يأمنوني وأأمن على خباياهم، أعتقدت إن الأمانه فضيله مطلقه إلى أن عقلي ورث هالأمانه ويمارسها بشكل يخوني أنا، عقلي اللي خان ألاف التفاصيل ما قدر يخون شكل خوفي اللي تلبسني صبح وعشيّه، ومخدتي اللي صارت أرشيف للشهقات، فزعتي من رنة الإتصال. عقلي يتقن التناسي متى ما أشتهى
��غريني وأشتهي الغناء لكن مو من جهة الشهره من جهة الحريّه، فكرة إني أبعد عن لواهيب دنيّاي وأسج وأسمر وأدندن وأخاوي أحاسيسي والعود وأغني أغنيه تليق بمثل هالليل الطويل " الشوق يحرقني ولا أنتم بدارين هاتولي القرطاس بكتب وصاتي " يا ليت ربي وهبني عذوبة الصوت
@عبدالعزيزالمعنى هو من دواعي سهري لهذا الوقت ما خلى لعيني قرار إنها تغفى وعاقبتني الهواجيس الله يعاقبها بعد ما قال "متى بعدين يا بعدين متى هذا المتى مدري تواعدني ومشت بس ��نين وخايف ينقضي عمري"
ينتابني خوف من إن يمر عمري وأنا أترقب البعدين على مطلع الغيب ، متى بعدين يا بعدين؟ أيُعقل إني صرت أستفهم وأتسائل من بعدين أدرك إنه ما يسمع ولا يتجاوب مع ندائي! أقلها يسايسني مسايسة الأطفال إذا أزعلو
تجيبك لي الأحلام وأحضنك لين أفيق
تروح وتغيب أيام وأحلامي تجيبك
اماريبك الأحباب وأدعي لك التوفيق
شف شكثر غلطاتك بحقي واماريبك
عذاريبك الواجد بعيني عليك تليق
أنا اشوف من ضمن المزايا عذاريبك
شسويبك إن جيت أتناساك جاني ضيق
وأنا كل ما ضاقت ذكرتك شسويبك
لما تعرض عليكم كل الأصناف إلا صنف واحد ومع الوقت تكتشفون إن هذا الصنف هو اللي صايرين تفتقدونه ، هو إني أشتقت أسولف وأسهب في الكلام مع عقليه فيها الوسامه طاغيه. شي فيه من اللذّه وقو خرمه
حسيت بغربة لو وزعتها على المبتعثين كفتهم ما أحتجت أسافر ، ولا أحتجت اركب الطياره ، ولا أودع أحد على باب المطار ، الشي الوحيد اللي ودعته لا هو جسدي ولا ظلي ولا أحب عباد الله .. هي نفسي راحت ذهاب بدون إياب
عسى لي لقى معها وأردد من طول الغيبات جاب الغنايم