عـزّام

يردنّي أصلي ومرباي لو زماني تردّى

[عـزّام @9il66]

أقبلت تفرض على الحُسن دستور ونظام
حاكمة كل المشاعر، وغاية مطلبي

رمشها صفّة عساكر على وضع التمام
مستعدّة للمعـارك وتـدري وش تـبـي

[عـزّام @9il66]

يا نجاتي حزّة الضيق واليوم العسير
طيفك اللي من جحيم المعارك ردّني

خبّني في رمش عينك من الوقت الخطير
لا استدارت بي رحى الحرب تكفى خبّني

[عـزّام @9il66]

كان عوّد يا هلا به وان جفا ماني بـ غاوي
عزّتي تسوى غلاه وعزّة الشاعر عظيمه

والله إنّ العزّ سيفي والكرامة ذيب عاوي
والهوى لا ذلّ راعيه، اعتبر موته غنيمه

عزام المطيري

[عـزّام @9il66]

مسيري على درب الكرامة مسير إكرام
تموت الأماني.. ما انحنى للردى قافي

أنا من ركى متنه لجور السنين وقام
نطلت الحمول.. وبيرق الصبر مشرافي

لو الوقت ما أنصفني وقّفت بي الأيام
تنصّيت من هو يعلم بسري الخافي

عزام المطيري

[عـزّام @9il66]

ما خضعنا للهوى يوم قيل الحب نال
من عزايمنا.. ونفسي حياها ردّها

الكرامة دُونـها نموت.. ونحذف العقال
نقطع اللي في ذرا العزّ.. يلمس حدّها

[عـزّام @9il66]

نهار النكايف لا غدا للجمالة.. ثار
ثبتنا ثبات "طويق".. من دون مبدانا

[عـزّام @9il66]

رماه الدهر بين النوايب بـدون سـلاح
تجـرّع غثاه .. ولا شكى للبشـر غَمّه

يكنّ الخفا والدمع من محجره ما طاح
حشيمٍ ولو ضاق الزمان ارتفع هِمّه

[عـزّام @9il66]

سلامي عدد ماهلّت دموع من عيني
على فقد من راحت حياتي الاحيها

الا ليت دمعي يوم ينزل ينسيني
وانا كل مابـنسى تجيني طواريها

عزام المطيري

[عـزّام @9il66]

لا خانتك دنياك الله اللي نبى نرجيه
ولا نرجي من الناس ضحكة و تكشيره

لاتحزن وتحزني ترا الصدر فيه وفيه
انا لو ألي قدره ب اعوضك في غيره

عزام المطيري

[عـزّام @9il66]

عزام يبغى عزم من بعد عين الهنوف
اللي تضد الجيوش بنظرة عيونها

عزام المطيري

[عـزّام @9il66]

طرالي طواري تزعل الخاطر المزّاح
ليا قام ينفض صدره الهم ويلمه

الا ليت يومه راح عزّم على المرواح
لكن البلاء عوّود وزووّد علي همه

عزام المطيري

[عـزّام @9il66]

جيت المكان الي ماوصله عساس
وقمت اتخبّط مثل خبط السكارا

اثر الهنوف اللي تمثنى بلا احساس
سوت ب قلبي حرب ماتنتجارا !

عزام المطيري

[عـزّام @9il66]

الشعر النبطي ماهو قصيد ينقال وينتهي، هو طِب الروح ونُور البصيرة.

إذا ضاقت بي الدنيا وإلا حسيت بضيقة صدر، أسمع لي بيتين ، أحس كأني طبيت في ديرة ربعي، وكأني بين أهلي. الشعر النبطي يجيك فيه صدق وعفوية، مافيه تكلّف. عشان كذا، يدخل القلب من غير تصريح، وبعدين الشعر النبطي يجيك من بيئة تعرفها وبلهجة تفهمها، عشان كذا يضرب على الوتر الحساس بسرعة. ما يحتاج تفسير ولا تعقيد، صادق وواضح.

[عـزّام @9il66]

@2ik2_ مع ان كل فرض

[عـزّام @9il66]

@2ik2_ وجودك يسّد ياظافر

[عـزّام @9il66]

@2ik2_ ماش المشكلة اللي هاك اليوم عوّدت

[عـزّام @9il66]

@2ik2_ ابجيك ابجيك مير اصبر 😂

[عـزّام @9il66]

@2ik2_ سولف عن طبقة الأوزون

[عـزّام @9il66]

@Mli_tt ما اخاف الوداع اللي بدمعة وتلويح
اخاف الوداع اللي ماجهزت له دمعه

[عـزّام @9il66]

@WahjX_ صح بدنك 🤝