ND

(ربِّ اغفِرْ لي خطيئتي يومَ الدِّينَ)

[ND @9l_1t]

وإن كان قدرك كبير تأكد عزتي اكبر

[ND @9l_1t]

بعض المواقف مالها أي تبرير
تراكمت وأنا عدوي عتابي

أعاتبك مره على شأن تقدير
عنواني يمكن ماوضح من كتابي

وأعاتبك مره كأسلوب تحذير
إما اعتدل ولا خصيمك غيابي

والثالثة لو توقع النفس وتطير
لي عزة تفرض عليّه صوابي

اللي يحب رضاه برضاه بيصير
إلا الكرامة جرحها من عذابي .

[ND @9l_1t]

سبحان من حط وصلك في عيوني : حلال
وان شفت غيرك من الخشيه اغض البصر
ٰ
لو فرّقتنا " الظـروف " الظالمة . . و الليال
انت الغلا . . طال عمر " الحب " ولّا قصر !!

[ND @9l_1t]

ساقتني الذكرى لك وجيـت منساق
ليتك تذكرني مثل ماذكرتك

وشلون بنسى وانت في وسط الاعماق
ماغبت عن بالي لوني فقدتك

حكم علينا الوقت بصدود وفراق
غايب وانا في وسط قلبي حفظتك

اسمر معا ذكراك لاوقت الاشراق
وليا غفت عيني بالاحلام شفتك

[ND @9l_1t]

تحاصرني الدنيا واموري مثل ما هي
الازعاج يملى مجرياتي وأنا هادي

أحس إني أملك كل حاجة مابين يدي
وأحس اني الخسران من كثرة عنادي

[محمد المجدور @M_almjdor]

-

على النقا تعرفين اللي يحبك نقي
اذا نصيتيه هلاااّ وان تركتيه شام

[ND @9l_1t]

يكذب المجروح : لو قال لك جرحه بري
الجروح أحيان تبقى على شكل : أمنيات

و البنادم لا تضرّا على الحزن ! .. و ضري
إعرف إنه حي لكن على " قيد الممات "

_ سعود بن مبارك

[ND @9l_1t]

تقدّيت بـ كلامي ما تقدّيت .. بـ كلام الناس
خسارات الدروب آهمّ عندي من مكاسبها

أنا مانيب ناقص معرفة .. ولا بليد إحساس
عشان آحط ( نفسي ) في مكانٍ ما يناسبها

عبدالله السراهيد

[ND @9l_1t]

ترفّق علي وارفق على قلبي الموجوع
بعد ما خذتني لهفتي لك وودّتني

تحرر من الصمت وتكلّم عن الموضوع
وهات الضحكة اللي فالبدايات جرّتني

وذا كان عندك شي مزعج ومن هالنوع
تكلّم، ترى الضيقة من الجلسة أخذتني

لمّح لي قبل يوم المفارق ولو بأسبوع
أمانة.. بـ يوم مفارقي لا تباغتني

محسن بن مترك

[ND @9l_1t]

من أيامنا وش عاد باقي من الأعمار
إذا منت بمداوي جروحي لا تجرّحني

أظني سمحت من المواعيد والأعذار
مع إني ماهوب أدناة حاجه تسمّحني .

[ND @9l_1t]

أقفيت وأنا اكبر من التبرير والعذر السمين
حتى لو إن خاطري ماكل شي يصبره

القلب يكسره اللسان ولاتجبره اليدين
مهب عظم كل يوم تكسره وتجبره

ماعاد عندي فرصة تهدر من العمر الثمين
واللي بينشده من أسباب الفراق يخبره

[ND @9l_1t]

على الزعل ، والضيق : حنا كبرنا
ما عاد في اشياء تستاهل الضيق

واذا اعتزلنا : الكلّ ..محدٍ جبرنا !
العزله أصدق من وجيه المخاليق

حتّى على صدّ الحبايب : صبرنا !
الحلم لولا الصبر .. مافيه تحقيق

من كثر خيبات الحياه .. اعتبرنا !
العمر :لحظة ، واليالي : توافيق

[ND @9l_1t]

@Dos11r « انا ما توقّعت الليالي تجيب اقصاك
الين اتضح لي بأن الابيات ما شدّتك !

كثر ما توقعت افقدك ما قدرت انساك
و كثر ما عطيت ايّامي الهام ما خلّتك »

[ND @9l_1t]

إليا كسرت الغصن لا عاد تسقيه
ما عاد ينبت لو ترده محلّه

ما يأمن قلب خابت هقاويه
لو تسقيه كل السعادة بعد المذلّه

ما يصلح كسر القلب ثم ترجع تداويه
رح بأمان الله .. وقلبي خلّه محلّه :)

[ND @9l_1t]

@Dos11r « انا ما توقّعت الليالي تجيب اقصاك
الين اتضح لي بأن الابيات ما شدّتك !

كثر ما توقعت افقدك ما قدرت انساك
و كثر ما عطيت ايّامي الهام ما خلّتك »

[ND @9l_1t]

معك عشت إنتصار ومنك ذقت انهزام
وفيك صغت الحروف وعنك ردّيتها

كل طعنة بصدري مثل طعن الحسام
كنت خايف تسوّيها ، وسوّيتها

وكل فرصة عذر مرّت مرور الكرام
كنت اظنّك تغانمها ــــ وخلّيتها

[ND @9l_1t]

على النقا نبقى ولو عاقنا عوق
و يبقى الوفـا . . منّا وفينا و إلينا

و وجيهنا بيضه و هاماتنا فـوق
وإن ضاقت الدنيا ما ضاقت علينا

[ND @9l_1t]

يا مرحبا ياقصى مطاليب شفّي
من ماضي الدنيا لعصر الحداثه

انا لو احبك عمر . . ما يكفّي
احتاج لي عمرين . . ولا ثلاثه

[ND @9l_1t]

«بانت وضوح الشيب ماهوب من كبري
بلاي الخفايا اللي ورا الصدر .. مقهوره»
— سعد بن جدلان

[ND @9l_1t]

«أحبّه وأحب الِّلي يجيبون لي طاريه
وله مخلص مانيب .. للعهد بوّاقي»
— عامر بن نوطان

[ND @9l_1t]

" صوتٍ سمعته تلّ قلبي من أقصاه
لولا ضلوعي راح قلبي مع الصـوت "