ليه تطعني وانا ميّت بليّا
ماكفاك اللي حصل لي قبل ساعة
كن بين همومي وبينك حميّا
جيتكم واحد وجيتوني جماعة
انت منا والمصايب من هنيّا
كلكم ضدي ترى ماهي شجاعة
ما ابشع من جروح طعنات القفيّا
غير سكينٍ تصيب بهالبشاعة
لاتتوب ولاتذوب ولا تريّا
جرحها جرح وفظاعتها فظاعة
عودت قلبي على صوتك وضح��اتك
اسهر عليها لين النوم يدركني
مافيه احد في البشر سوا بي سواتك
اسمك إذا مر بين الناس يربكني
اوله على نظرة عيونك ولفتاتك
واغار من ناس في صوتك تشاركني
خذني على وين ماتلقي بنظراتك
اللّٰه يا ذا الشعور التي تملكني
مشتاق لكن شوقي الليلة غريب
ما اشتقتلك اشتقت اقول اشتقتلك
ناديتك بصوتي وصوتي مايجيب
الصوت هو اللي خذلني و خذلك
انت الاماكن كلها و اقرب قريب
وانا البعيد اللي شعوره يوصلك
ودي اغيب وكل مافيني يغيب
واتخيل اني يوم ما اتخيلك
واليوم هذا لا صديق ولا حبيب
انا بفلك والناس هذي بفلك
معك واشتاق لك وشلون وانا بعيد
والمشاعر ضوامي غصب تنساق لك
كل ما ابطت بك الأيام شوقي يزيد
شف جنون الغلا عقبك وأنا عاقلك
فيني شعور أحسّه نابع من الوريد
من يلوم الخفوق إن صار خفّاق لك
اللهم إنا نستودعك الكويت ، برّها وبحرها ، أرضها وسمائها، اللهم احفظ عليها أمنها وأمانها وإيمان أهلها وارزقنا جميعاً اليقين والمعافاة في الدنيا والآخرة 🇰🇼