اشوفك سحابٍ في مجيّه حيا وامطار
وأشوفك مجي القوم والحرب والسلة
واشوفك نهارٍ .. ما توارى عن الأنظار
ياعنك إنّي افضل شموسه على ظلّه
تعال إن بدا لك في دروبي ضحى وديار
هذا الصدر مرتع .. وأنت خابره وتدله
وخذ اول شبابي عمر لا شحت الأعمار
وإذا كان ما يكفي ؟ فداك العمر كله
❣️
تطمني والبسي لـ العز جلباب
واستبشري والعبي من باب طربة
حبات رملك ثمنها روس و أرقاب
والكل منّا .. دفاع وراس حربة
كل الاراضي ما غير تراب في تراب
الا أرضك أنتي ذهب ما هيـب تربة
💚