فيصل مطلق العتيبي

وَاذْكُرْ رَبَّكَ إِذَا نَسِيتَ

[فيصل مطلق العتيبي @a5o_o]

ماني على رجوى المقفين لحاح
الراسّ شامخ والمبادي عظيمـه .

[فيصل مطلق العتيبي @a5o_o]

@MM0tb سلااامي عليك يمحمدد صح لسانك 👏

[محمد معضد @MM0tb]

كل ما اقفى النهار وراح يشعب ذلوله
يرسل الليل لـ طبول العشاشيق قارع

عقلي يقول : لا تطمع ب دور البطوله
و قلبي يقول كمل في طريقك وصارع

ليه يا اللي تعرف العلم قدام اقوله
ما تضيق الصدور الا تضيق الشوارع

يوم خطوتك كانت ف المفارق عجوله
ما رضيت اجرح احساسك واقول متسارع

ويوم احبك القصايد فالعيون الخجوله
بارعه ، ساترك ف احساسه العذب بارع

هاجسه مثل راسه ممتلي بالرجوله
ان مدح له صميدع و ان تغزل بفارع

[عبدالعزيز العبلان @azizalablan]

اللي بقى من فصول الذاكره فصل اخير
مع خالص الود .. لأيام الغلا الاولي

ماودي اصارحك ، لكن خسرت الكثير
حتى أنت ماعاد فيك أشوف مستقبلي

ماني بمثلك حزين من الفراق وكسير
نفسي تناست هوى الماضي وقلبي خلي

لا تحسب اني عقب فرقاك ماني بخير
بخير ابشرك .. والله لا يغيّر علي

[فيصل مطلق العتيبي @a5o_o]

﴿وَبالأسْحَارِ هُم يستغفِرُونَ﴾

استغفر الله العظيم وأتوب إليه.

[فيصل مطلق العتيبي @a5o_o]

تجيبك في ربـوع الذاكـره يا صفوة الخطار
مقاديرٍ رمت بك في طريقي وأنت ما تدري

سعد بن جدلان

[ناصر بن شايع @Na9r_2i]

معك الدروب وروود لو كانت امواس
فيك الغلا مثل الحصون الحصينه

انا استعد ابيع نفسي ( وانا راس )
كله ولا اعاين عيونك حزينه

اذا حبيبك جاك لاباس لا / باس
على الفواد اللي غشته السكينه

يتفقدك من كل عتمه ونسناس
ويسلمك نفسه بـ نفسه ( رهينه )

مايجرحك بالقول ولا بالاحساس
لو ان كل لحضه معه تجرحينه

من يجعل السلوى على حد الإفلاس
ياخذ من انسام الليالي غبينه

انا قريبّ حيل من حبس الانفاس
ولا الفرح مفقود ويني ويينه

ماينسجم بالي ولا يبعد الياس
الا ابتعادي عن حدود المدينه

تعبت اداري خطّر الناس والناس
اتفرق المرتاح من راحتينه

[فيصل مطلق العتيبي @a5o_o]

@asbei3 الله يطول عمرك مبددع يبوعبدالله 🙏

[فيصل مطلق العتيبي @a5o_o]

بقى لي من صدوف الليالي بقايا روح
وبقايا الشعور اللي مضى بينك و بيني …
👏👏

[عمر الهيت @3alheet]

في ليلةٍ غدرا .. قبل ربي دعاي
وزانت عناقيد السماء بالثريّا

قلبي عجل والليل ماهو بسرّاي
" لا تندهيلي واصلٍ لك بليّا "

عليك انا علقت من عمري الجاي
احلامٍ اكبر من قصور العليّا

من التغنّج .. خطوتينك نغم ناي
ومن المظاليل الطوال انتفيّا

فاقد حنانك يضرب الراي بالراي
عقله يقول الهجر .. والقلب عيّا

ذكرت طعناتك لوّ البال نسّاي
وحلو الوصال استطعمه بالجفيّا

حضرت ولّا غبت ماعدت سلواي
يبدو بلَغت من المشاعر عتيّا

كسرني الخذلان في عزّ رجواي
وسمحت من نفسي وسمح المحيّا

[فيصل مطلق العتيبي @a5o_o]

عزيت نفسي بالسكوت وكان في نفسي يقين
إن السكوت أفضل وسيّله للنجاة من الكلام

يالله من كثر الكلام اكون ضمن السالمينّ
وما بين أهل الثرثره طالبك يالله السلام

وأعوذ بك من مجلس اللي فالخلايق شامتين
وأعوذ بك من صحبة الحساد ونفوس الخصام

وأعوذ بك من لمة اللي فالنوايا عايثين
وأعوذ بك من اللي كلامه مثل تصويب السهام

يالله ترزقني على النيات قرب المخلصين
اللي طواريهم عزيزة من خوال وعمام

للصمت صوت وللكلام أصوات والذهينّ
اللي يمحور ما يقوله بين دال وبين لام

اللي يثمن كلمته عز الله إنه هو الثمين
واللي يسولف بالرخص معروف قدره لا يلام

[عبدالعزيز العبلان @azizalablan]

"الغصن القديم"

انا اول من معك خاض المعارك ، وآخر الناجين
كثر ماتندلع للحزن ثوره .. وتخمد ثوره

[محمد العتيبي @m7md_alotiby]

النصر حلم الكل .. والكل حالم
والياس في كل المواقف هزيمه

اهل المكارم يزرعون المكارم
واهل الشتايم يحصدون الشتيمه

والعدل ما ياتي على يد ظالم
وكل ظالم له نهايه وخيمه

ولا غنى دايم ولا فقر دايم
والعز عنوان الحياه الكريمه

والمعرفه سلطان والعقل حاكم
والصبر ميزان العقول الحكيمه

[عبدالعزيز العبلان @azizalablan]

مابعد شمس الصداقه معك غابت
لا تعذر لي .. بشيٍ ماطرالي

المعزه ثابته ، والقدر ثابت
والوفا .. تبطي تبدّله الليالي

حاجةٍ فيها سعيت ولا إستجابت
ابشر انك ابيض وجه فـ اول وتالي

لا تحسب ان الهقاوي فيك خابت
انت عندي جات وان ماجات غالي

[فيصل مطلق العتيبي @a5o_o]

@MM0tb يسلااام يبومعضد صح لسانك

[فيصل مطلق العتيبي @a5o_o]

عيدكم مبارك
وتقبل الله طاعتكم

[فيصل مطلق العتيبي @a5o_o]

@u42i_ يسلاااام يبوابداح 👏

[عبدالعزيز العبلان @azizalablan]

يامشرّف بي على روس الطوايل