᷂مـزهاب

"انا اُعشق لا أعشق "

[᷂مـزهاب @ABM153]

اللهم قبولاً في الأرض و محبة في السماء

[᷂مـزهاب @ABM153]

ياوجه المعارف لك حقوق وعليك حقوق
وهذي فواتير الحياه . . وضريبتها

اذا صابت الهقوات غنيت لك طاروق
واذا خابت الهقوات يا كبر خيبتها

لا تبدي بوجهك في لزوم الردى والبوق
حقوق الرجال تضيع من كثر طيبتها

كبار القَدَر ركبت عليها قلال الذوق
ذبحها الحيا لين فقدت نص هيبتها

[᷂مـزهاب @ABM153]

انا المغرم وانا المحرم وانا الهاوي وانا الميلاف
وانا اللي طعت نفسي فالهوى والنفس نقاده

ورى المستقبل الغامض مكاسيبي شقى واسراف
ومتاهات الطريق اللي ترد السيف لاغماده

غديت فبحر هقواتي بلا مركب ولا مجداف
وعلى كف الليالي مات حلمي قبل ميلاده

[᷂مـزهاب @ABM153]

الذكريات آمرّها بعدك بـ صمت
كنّي . . على أعتاب القبور آتوطّى

البارحة .. ذكرتك ، وما تبسّمت
يبدو علي إني " بديت " آتخطّى

[᷂مـزهاب @ABM153]

يعم الهدوء ويستثير السكون الصوت
وأنا بين صوت العقل واحساسي الجايش

ماضيعني وذوقني الموت قبل أموت
الا عقلي المتحرّص وقلبي الطايش

أشوف الحياة جنازة في بطن تابوت
لكني رغم كل الصعوبات متعايش

ترا ما أصعب من الموت واللي خلاف الموت
إلا الفترة اللي لا أنت ميّت ولا عايش

[᷂مـزهاب @ABM153]

تمرني لحظات آردد: " تالي الدنيا تزين "
وتمرّني لحظات اقول : ان الامور مولّيه

[᷂مـزهاب @ABM153]

ياوليفي كل ماجابك الطاري بكيت
أتذكر صافي الودّ منك والحنان

والله ان اقضي العمر كله مانسيت
وان غلاك بداخل القلب ضاق به المكان

[᷂مـزهاب @ABM153]

أنا أطلق شنب لو زل صعّطته البارود
أعرف الرجال وكل لحيه ومنزلها

وأنا ما اتصنعها حماياي ورث جدود
ولا أقول شيٍ في العرب لين اقابلها

[᷂مـزهاب @ABM153]

صمتك حديث وطيفك وجيه جلاس
انا افهمك لو كان ما يفهمونك

كل الكلام الي _ يقولونه الناس
احب منه الي تقوله عيونك ):

[᷂مـزهاب @ABM153]

لا عاد احد يلحق زمانه مشاريه
بيح سدود الناس كثر التشكي

"خل الحياه تسوي اللي تسويه
دامك على شداد الكرامه متكي"

من طاح من عينك لا تجلس تداريه
لو طاح منها اللي مطيحه يبكي

[᷂مـزهاب @ABM153]

تارك ٍ ذكرى قديمه وخفاق حطيم
وضيقة بين الضلوع النحاف مكوعه

حالتي حالة غريم ،، يراواله غريم
الغصون تروعه ،، والظلال يروعه ):

[᷂مـزهاب @ABM153]

قامت على الليل الادهم بالنحر والشقار
و معنقٍ جاعله ربي ربع طولها

تلتفّ به حولها من كل صوب ومدار
ماهيب حاجة مرايتها ومن حولها

لها على كل عينٍ طالعتها قرار
وشلون باللي يعزل الجمر من لولها

خلوني اروح معها من دمار لدمار
انتو لو انكم مكاني كان رحتو لها

[᷂مـزهاب @ABM153]

يطيح المطر ويصير وجه الثرى مبتلّ
وتروى جميع الناس تحته وأنا ضامي

أدوّر نهارٍ في شتات الدروب يدلّ
وليلٍ نجومه تنتشلني من أوهامي

تناسيت وأول ما ذكرتك وطيفك طلّ
تبسّمت لك كنك من الشوق قدامي :(

[᷂مـزهاب @ABM153]

على كثر الكلام اللي بصدري ما قدرت أردّ
على صوتٍ سأل، بارد ضلوعك من يدفّيها ؟

[᷂مـزهاب @ABM153]

يا سيّدة قلبي و شيخة مقرّه
لش الرضى ينقاد بالطول و العرض

ماعاد باقي لي على الناس جرّه
على مداهيلش غدت جرّتي فرض

في كل مره لا نويت أتشرّه
كن العيون تقول فضّ الزعل و إرض

أنا أستعد أطيح مليون مرّه
ولا تطيح دموع عينش على الأرض

صباح الخير🙏🏻 وقليل من التنازلات افضل من التكبر🤷🏻‍♂️

[᷂مـزهاب @ABM153]

ما زلت أحبَّك والسنين شْهود
والناس ما تدري عن الخافي!

مهما نقلت النار، والبارود
وارتاب قلبي قبل ميقافي

ما فيه مثلك يا أوَّل العنقوْد
حمامةٍ حطَّت على أكتافي

أنا -يا كلّ الجوْد والموجوْد-:
أركض على بِيْد الوَله حافي

كنّي معك ما لي وِطن وحدود
أنت الوَطن، وحدود مشرافي!

[᷂مـزهاب @ABM153]

ياحبيبي لا توريني طرف دمعك و احبّه
انت لك عينٍ ترد الآدمي لأول حياته

اعتبر قلبي حطب غابه وشب اللي تشبّه
لين تستانس دفاه ولين تستغرب ثباته

الوكاد اني عليك من الهيام امشي وأشبّه
يا حبيبي والسلام ورحمة الله وبركاته

[᷂مـزهاب @ABM153]

قديم الشعور اللي ظما من وفاي وشرب
بقى ما بقى والليلة أولآ بـ ساريها

عليك الملام إلين أشوف السنا من غرب
كثر ما هقيت بـ هقوةٍ منت راعيها

أثر ما بقى لي بعدك ألا سراب ودرب
تعيش الفقارى ما لها ألا أمانيها

أنا آخر ليال السلم وأول ليال الحرب
أنا الليلة اللي ضحكتك ماهي بـ فيها

[᷂مـزهاب @ABM153]

وش اللي سرق من صوتك الحب يا مملوح ؟
لمحت الغلا مفقود من قسوة النبره

اسولف معك ما كن لي فـ السبب مصلوح
وانا والله انها خانقه حلقي العبره

دخيلك لا ترجع لهفتي رجعة المكسوح
ابي صوتك يعوّد علي مثل ما اخبره

ما دورت غيرك يوم غيرك تجي وتروح
على القلب ما تلقى لها دربٍ تعبره

[᷂مـزهاب @ABM153]

وقت الصراحة، اسألوني عن أي موضوع! https://t.co/2ZI3GgYJ1R

[᷂مـزهاب @ABM153]

فداك الزعل والكلمه الجارحه والظن
دخيلك لا تذرف دمع عينك وتغرقنا

حنانيك ياصدرٍ عليك الضلوع تحن
لنا كم ، ، ، وهموم الليالي ترافقنا

مدام المحبه تضحيه والتعامل فن
تزور القبور اجسادنا ماتفارقنا

لو ان المنايا خيّرتنا : بتاخذ من ؟
على الموت وابواب المقابر تسابقنا