بحب الناس اللي بتسهلها وبتحسسك إن كل حاجة بسيطة، مش عشان هم مغفلين ولا بيتهاونوا بصعوبة الحياة المعروفة، لكن من باب الرفق في التعامل مع النفس وإنزال الأمور منازلها. رغم إن القسوة وتعقيد الأمور وتهاويلها أسهل!
"إِن الله رفيق يحب الرفق، ويعطي على الرفق ما لا يعطي على العنف"
من مظاهر الدهشة في هذا الكون العجيب إنك لما تتصرف نفس التصرفات اللي الناس بتتصرفها معاك وتعاملهم بنفس الطريقة اللي بيعاملوك بيها Somehow الموضوع بالنسبالهم بيبقى مُهين جداً.. حاجة من نوعية "إنت إزاى تجرؤ تعمل معانا زي ماحنا بنعمل معاك؟؟ إنت إتجننت؟!
الحقيقة إن مهما فضلنا ندور ونجرب هيفضل أجمل إحساس في العالم إن الإنسان يكون مطمن، مش خايف، مش قلقان من حاجة، ما بيخوضش معارك مع عقله كل ليلة، يكون مطمن وبس.