حمدان العتيبي.

من وصايا بندر بن سرور : " تجنب الليّ تقلب عشرته مع مزاجه "

[حمدان العتيبي. @AIotabl]

و شلون اعلّمك .. بأني مانسيتك أبـد ؟
وشلون أوصف لك الحزن بشعور اشتياق

بعدك وانا الساكت اللي مايسولف لاحد
بعدك وانا المندمج مع كل دمعة فراق

اعطيك عمري فدا بس انت عطني وعد
ان طول الله عمرك . . لا يطول الفراق !

[حمدان العتيبي. @AIotabl]

ترى بعض المفارق زين ماهو شين
ليا صار المواصل سيء استخدام
بتفقدني مع الأيام ماهو ألحين
أنا ذاك اللي تفتقده مع الأيام

لـ سعد علوش

[حمدان العتيبي. @AIotabl]

ضايق ومستانس وراضي وزعلان
مدري وش الي جمع الكل فيني.
ِ
احيان أجر الصوت مغرم وطربان
واحيان أجر الصوت وتدمع عيني

[حمدان العتيبي. @AIotabl]

اخاف تسرقني يدين الموت وامي لـ الحين
ما ناظرت ضحكة سميَّتها ولا طيب ولدي :(

[حمدان العتيبي. @AIotabl]

بدا يعيش الخوف في قلب الشجاع
وبديت امل مّن الحياة الفانيه

والمشكله مدري متى يوم الوداع
ومدري متى يوم القطوف الدانيه

لكن على طاري ضياع و ماضياع
انا بديت اضيع . . مره ثانيه

[حمدان العتيبي. @AIotabl]

غيرك ، يبي لبيه مني واعتمد مالك لوى
لبيه من دونك ليا غبتي تموت جذورها 🤍.

[حمدان العتيبي. @AIotabl]

جيتك ولو اني معك ماتوفقت
ولا قضيت الحاجه اللي تبيها

اعذرني ان قصرت واعذرني ان ضقت
علومي من تالي مايشره عليها

حتى الصلاه اللي ماهي ماخذه وقت
قبل لا اقصر فيك قصرت فيها

[حمدان العتيبي. @AIotabl]

يالمترف الي بين خوف وبين امان
الله يزيدك شوق ويزيدك ترف

بين الضلوع العوج لك قدر ومكان
وسيرة غلا بـ اسرارها محد ٍ عرف

حنا غلانا ثابت ٍ طول الزمان
ولا تقدر اهل الهرج تاطى له طرف

لا تابو اهل اللهو في شهر رمضان
ما تابو الي حبهم على شرف ):

[حمدان العتيبي. @AIotabl]

ماكنت أقصر فيك من كثر الإعجاب
يومك تساوي عندي الكون كله

كنت القريب وكلهم كانوا أغراب
حتى القمر لاغاب شفتك محلّه

خلاص لا ترجع ترا خاطري طاب
الخاطر اللي كنت عايش بظله

رح واعتبرني واحد أذنب وتاب
ماني بثوب تلبسه ثم…. تملّه 👋

[حمدان العتيبي. @AIotabl]

الناس وااجد والمحبة لها ديره وابواب
مير الغلا واقف على ابوابه ودياره .! 🤍

[حمدان العتيبي. @AIotabl]

الله يديم المحبه ( والفراق يفارق )
ومن يساعد فالوصال الله ينصر دينه

جعلني مـ اتوب من قلب ( العيوف السارق )
الوحيد اللي بعد سرقته ' اموري زينه '

استحل الاندلس بـ السيف الاملح ' طارق
واستحل القلب معشوقي بـ نظرة عينه 🤍

[حمدان العتيبي. @AIotabl]

أصير الأمان بـ وجه حزنك وخوفك
وكل دربٍ يودي لـ ضحكتك أدله .

[حمدان العتيبي. @AIotabl]

مالي انا غيرك من الناس يفهمني
وانا عشانك تركت الخلق واخترتك

يا زين .. طبعك عليك الله متعبني
مشكلتك البعد تكفى حل مشكلتك🤍

[حمدان العتيبي. @AIotabl]

ماغبت عن قلبي ولا هان طاريك
و مافيه احد يقدر يكون بمكانك 🤍

[حمدان العتيبي. @AIotabl]

جعل زولك عن عيوني ما يغيّب
يا بعد شُوف العرب و أزوالها ". 🤍

[عبدالله الهضيبان @aiiqqz]

يـ الله بـ وبلً عقب دار الحول
على السما ( ترادم قنووووووفه )

وبرقً ليا شفنا سناااه نقول :
ليت العجيري حي ويشووفه !

[حمدان العتيبي. @AIotabl]

انا ماكنت خاين العهد وناوي الوداع
لا والذي خلقني ناوي اختم فيك امنياتي

ظلمتني بالخيانه وانا كنت احسبك شجاع!
ومارضيت تسمع الصدق في ظل مأساتي

كنت أشوفك من بينهم الحب المتاع
ولازلت اشوفك بين همي وضحكاتي

ماراح تلقى مثل حبي والقلوب وساع
انا الصادق وانا الثابت رغم متاهاتي .

[حمدان العتيبي. @AIotabl]

غريب ماله من ورا الناس غاية
وبينه وبين الواقعيَّة عوازل

راحت حياته ينتظر والنهاية؟
يوم أقترب من كل حاجة تنازل .

[حمدان العتيبي. @AIotabl]

تراك انتي مثل باقي صورّي يوم كنت صغير
اطالعها ولا اداني احد غيري .. يطالعها. 🤍

[حمدان العتيبي. @AIotabl]

خذاني عليك الليل واتعبني التفكير
لياليك من بدّ الليالي لها وحشه 🤍