منيف الحميداني

الثامريه

[محمد الدهيمي @aldohaimi]

زينة الدنيا القلوب اللي وفاها عاده
والعيون اللي ليا اخطينا تغاضت عنا
محمد الدهيمي

[سداح العتيبي @saddahalotaibi]

ويـن انت يا اللي تبيع المسك والكادي
نــفــاخـة الــكـيـر والله مـا نـدانـيـهـا

[نجم بن ناصر @najem_1437]

عط الرجال الوجه الابيض والمحيا والقبال
والكلمه اللي تاخذ عيون ، الكلام عيونها

ولا يغرّك شي وتعرّض .. متونك لـ الرجال
عشان بكره ما تعرّضك ، الرجال متونها .

[سعود بن مبارك @Saud_almshly_]

بما إني وارد على الوايت في ذا القيض لذلك أعلل نفسي بنفسي :

الشهادة مرجلة عند المقام السامي
والرجل شهادتة طيبه وحُسن أخلاقة

والله انه مانكب مستقبلي و أحلامي
غير كلمة ورّد الوايت وردّ الناقة

[نادي النصر السعودي @AlNassrFC]

ليلـة من الليـالي الخالـدة 💛
نقـدم لكم كافـة كواليسهـا 🤩

غـرف الملابـس .. أجواء الجماهيـر
أحـداث المباراة .. احتفالات البطولة

40 دقيقة من الفرح.. شاهدها الآن 🎧
https://t.co/t9ZzrSEvrD
مشاهـدة ممتعة .. ونعتذر عن التأخيـر 😄

[نادي النصر السعودي @AlNassrFC]

هـدف إعـلان التتويـج رسميًا 🤩

احتفـالٌ يليـق بالليلـة 🐐
صخـبٌ يُسمـع في كل أنحـاء الرياض 🔥
ومشاعـر حبٌ فاضت من القائد 💛

[ضيدان المريخي @dhmuraikhi]

من علّم الكوره تزيّن للعريس
تلبس له الزّي المذهب من عصر

ومن علّم الكاس يتخيّر له جليس
ويمد من حبل المودة ماقصر

وأثر القلوب احيان بالعشق الحبيس
بضلوعها تبني لغاليها قصر

كل القلوب من الوله يوم الخميس
دقاتها فرحة تغني (للنصر )

بالساحه الخضراء بعد حمي الوطيس
شيٍ من فنون النصر لا للحصر

الفال طيّب والخميس أمسى ونيس
والكاس يحتاج النصر بالمختصر

حتى ولو ان الذهب سعره نفيس
يزيد سعرة كل مافاز النصر

#النصر_بطل_دوري_روشن_ لعام 2026

[واحد/محترم @1_mohtrm]

راح عمري ما تريّحت يالله المستعان
و الأمل في مقبلات السنين أربها

كل يوم اسجها من مكان اليا مكان
الدروب ادلها والرجوم اذبها

من غلا الي شانها في سويدا القلب شان
جادل سبة جروح ا��ضمير وطبها

غاب عني بعد دارت دواليب الز��ان
وذكرياته كل نسمة هبوب تهبها

جامعً صوته مابين التغنّج والحنان
ودي امسك كلمته لاهرج واحبها

[فيصل بن تركي @faisalbinturki1]

معـصي 💛💙

[فيصل بن تركي @faisalbinturki1]

من لايدوس الراي من قبل ماديس
عليه داسوه العيال القرومي

تركي بن حميد

[فيصل بن تركي @faisalbinturki1]

تبي الدوري ؟ معـصي
الدوري للنصر كبير العاصمة البطل اللي خذاها من الملعب .💙💛

[واحد/محترم @1_mohtrm]

ياخلي اليا ضقت جيتك على طول
لا خـرّبو نفـسـيتي و افـحصـوها

مانيب من قوم الكافيهات والمول
الي ليا ضاقت عليهم نصوها

حتى لو اني عشت ضايق ومعزول
وأخلاقي العذال بعدك قصوها

طبع العواذل دايم تقول وتقول
ولا زودو حاجه ولا نقصوها

الوصل خله طول الايام موصول
اهل المحبة عمرهم ما ارخصوها

حتى لو ان ظروفك تصول و تجول
خلك من الي لاعصتهم عصوها

مابي ليا واعدتك تقول مشغول
ماتو هل الاشغال ما خلصوها

[ناصر بن مفلح . @nassre_]

"

الكبد مما تشوف العين ؟.. مندبله
من حقي أصد بعض أحيان و أغيّب

مافيه ( مخلوق ) لا بعده : ولا قبله
و الكفو لا مات .. يبقى ذكره الطيّب

عسى الدعاء كل ما وجّهت لـ القبله
ألقى الإجابة سواة " الوابل الصيّب "

النيّه : الخايبه ؟.. و الكلمه : الخبله
ما توجع إلا ليا صارت من ( قريّب )

[واحد/محترم @1_mohtrm]

ياصاحبي لا تعلمني وش اللي حداك
ضروري لـ كل فعل يصير ردّة فعل

عادي تهمّش معاريفك ويذكر خطاك
وقت ٍ غبر و النوايا البيض صارت شعل

اصبر لو ان الزمان الشين يبحث خفاك
و زيّن مع العالم اخلاقك ولا تنفعل

الناس هاذي ماعاد تداني ازحف وراك
رفيقي اليوم قلت ازحف وراك و زعل:)

جراح العتيبي

[جرّاح العتيبي @AL___9999]

البارحه وانا انتظر طلعت النور
كني سجينٍ ينتظر يوم عفوه

ماغير اسج الرجل والف و أدور
في عبلة ٍ بين الينوفي و سفوه

النوم سرقه لي حوال ِ أربع شهور
الظهر غفوه و آخر الليل غفوه

مهوجس وعندي من أموري أمور
ما وقّفت على مواصل و جفوه

حاولت اصفي صفوة الجيل بالدور
ولا لقيت لـ صفوة الجيل صفوه

اليوم حتى الشيخ ما غير ديكور
حطه على وسق الشداد و تحفوه

اصبح حكيم الشور ما يملك الشور
و الهقوه اصبر وقت وتصير هفوه

والكفو قام يدرّج العمي و العور
عوّد يسوّي شي ماهو بـ كفوه

لا جيت تشكي له من الوقت والجور
وجهه برد حتى لـو الجـو دفـوه

لا تطلب من الناس تاجر و مشهور
اطلب رضى ربك و لطفه و عفوه :)

[خالد المريخي @KhalidAlmorikhy]

لو كان دنقنا على كل ساقط
كان انحنت هاماتنا مارقينا

[بندر الدويش @bdweesh]

لاتجادل عالمٍ منطوقها يكشف جهلها
كل ماكان الفعل كافي يكون الصمت كافي

صاحبك يقدر يرد بمثلها ولادبلها
وقادر انه مايرد بحرف والدعوى عوافي

السنافي شافها عوجا وخلاها قبلها
لو نشب فيها وطولها ماعاد اصبح سنافي

[بندر الدويش @bdweesh]

كيف ابنسى الجديل وطول عنقك ولونك
انا حاولت.. لكن ماقدرت اتخطى

غطي الحسن هذا كله.. الا عيونك
في عيونك جمال.. اكبر من انه يغطى

[، @j_j2k2]

رجعي لي شغف قلبي معك وأندفاعه
وأخذي أكثر شعور القلب وأخذي قليله

أكبر الضايعين المقتنع في ضياعه
وأنتي بعينك النجلا يضيع دليله
- بندر الدويش

[خالد المريخي @KhalidAlmorikhy]

""
اليا نخيته على الحاجه ووصيته
ي��شي بحاجتك كنه راعي الحاجه

#خالد_المريخي