‏𝐉𝐙𝐋

[‏𝐉𝐙𝐋 @ALJZL89]

الوقت لآ من حدنا قبلنا حد
خال الملوك اللي على الرجم عدا

[عبـدّالله @i9l91]

لقريحه من ثلاث شهور تنصاني واجنب
قافلً باب القصيد وفاتحً باب التناسي

يزدحم صدري ضجيج مايهدي لو اطنب
بالصياح اللي يقطع حلقي ويدفن حماسي

لليت للماضي رحولٍ من قناها ما يجنب
صوب رجلٍ عقب موته كارهٍ نفسي وناسي

خابره لاشافني ضايق وهمي هم مذنب
مايروح الا وجالي همي وقاضي عماسي . .

[عبـدّالله @i9l91]

«كنت اسهر الليل كله واتحاشى الرقاد
واعيش معّ كل حلمً يتضح ويغبي

حاوطني الضيق وانا خّالي من العتاد
واسرف بي الين ذقت المر وانا صبي

لابد للحظ كبوه مثل كبو الجواد
عاد الليالي بتاتيني على مطلبي »

- عبـدّالله

[وهّاج @_3jim]

أنا البارحة بغيت أعبر و لا الله راد
يا كثررر الكلام اللي كتبته و لا أرسلته

_ صالح النشيرا

[واحد/محترم @1_mohtrm]

تبادل الرتويت بين الحسابات
لانيب لا احبه ولانيب اذمه

احرص على المبدع والابداع بالذات
واجنب الي كل شي يخمه

مليانه الساحه حراك وحركات
كل على يشوف انه كبير معمه

احد يشيل هموم تركيب الابيات
واحد تشيل بيوته هموم الامه

بعض القصايد كلبوها فلاشات
وبعض القصايد حيدة وسط جمه

خلو هل الموضات واهل الدعايات
وخلو المهم يدور الي يهمه

لحدً يشوه سمعة اهل القروبات
اصحابنا غالين واصحاب ذمه

[جابر آل دجران @dajranj]

انا الغايب اللي تسمع اسمه مع الحضار
لو اغيب .. عن الانظار واطول الغيبه

[مودمي . @hjili11]

صوب درب البعد قدني ذا مروّح
وماتقرّب بيننا سرحة مطيه

يوم انا لش مثل قيس ابن الملوّح
ماغديتي مثل ليلى العامريه ):

[‏𝐉𝐙𝐋 @ALJZL89]

كم حاجة ارخصتها لجل " مبداي "
راحت وانا بطيح كبدي عليها

[مغوار . @m7tmm]

على البال لك طاري ولك فالحشاشه بيت
على مستوى ماهوب مهجور و مهمّل

- مطحس بن حمد

[زوومـّان @wj__4g]

اداريه مثل الصاحب الطيب الكذاب
يقلل حلاه الكذب و الطيب يشفع له

مدغم ابو شيبه

[‏علوش . . @Q500x]

لا انا تمسكت فيك وشفت عافيتي
ولا تخلصت منك وشفت مصلحتي

__عبدالله السراهيد

[جابر النشيرا @jaber_nshera]

اسلحتنا ( مفرّقة الخطر ) لاتلايم
لاصدر لـ امر من راسٍ عليه البريهه

تلقط الطاير اللي في سما العرش حايم
مثل مايلقط المعنى سريع البديهه

[صالح النشيرا @saleh_neshaira]

ترى .. الخيال ابداع والواقع جْهاد
واللي يصحيني من الحلم ( ظالم )
.
اجزمتوا ان ذا وجه ( سلوم حداد )
وانا لازلت اشوفه .. ( الزير سالم )

[‏𝐉𝐙𝐋 @ALJZL89]

@khladmbark505

حاب اشكرك على هاذا البيت من هاذا المنبر

الله معك والقلب لونه رجال
ماعاد عرض بي على باب بيتك

ياسلااام ياسلاااااام 👏🏻👏🏻👏🏻

[محسن بن مترك @aprvip]

يكفيك يا شاعر الاحداث بيت يتيم
من موهبة دوسري ٍ فالزوم اخطل

من ذاق شربة قراح الغيم في يوم غيم
مالد فـ الي مبرد قربته في سطل

لاعاد اشوفك تطرق مجد قوم ٍ مقيم
ولا عاد اشوفك معى ريع التشره تطل

ماودي اذكرك _ وقع الزمان القديم
يوم الاصايل ترادا _ والجماجم نطل ):

[وهّاج @_3jim]

حتى هداياها " هدايا رياجيل "
ماتعرف الا العود الأزرق هديه

_ محمد فلاح القرقاح

[الشاعر سالم محمد المرواني @salm900737]

البارح الغيض ما خلا بصدري مجال

#سالم_محمد_المرواني

[‏𝐉𝐙𝐋 @ALJZL89]

كيف مانلتاع من زين الصبايا
وحن نحب الزين حتى ف البهايم

[قرينيس @qrenees]

من خلقتي والنادره مطلبٍ لي
واهل النوادر يا سلامي عليهم

انا ما يستهويني الهيّن . . اللي
متوفرٍ عند العرب . . كل ابيهم

[ردآد @__radad]

مل قـلبً فـيــه بـياعً وشاري
وفيه سوقً مثل سوق القيصريه

مل قلب من هوى المجمول باري
كلّ ضلع من ضلوعي فيه كيه

ياعيون مقرنسً شاف الحباري
طير شيخ القوم ويشيله خويّه

والله اني خابرً كل المواري
غير طراد الهوى نفسه شقيه

والله انـــي داريً والـرب داري
والعـرب يـدرون غـيـر مجامليه