‏﮼الشمري ‏﮼عبدالله ☪︎

متذوق للشعر ...تجدوني بالمفضله #الخفجي

[‏﮼الشمري ‏﮼عبدالله ☪︎ @ALNDAOI202]

ثلاث وصفهُم الله بالجمال ،
صبرٌ جميل وهجرٌ جميل وصفحٌ جميل،
فاصبر بلا شكوى واهجُر بلا أذى وإصفح بِلا عتاب !

[‏﮼الشمري ‏﮼عبدالله ☪︎ @ALNDAOI202]

اليانخيــــتْ الرجـــل مــرّه وثنتـــين
الثــالثــــه ، لاتنــتــخـــي فيــــه لله

ماهو غصب يطــلع رفيقك حمر عين
ويصعب عليه الوضع دقـــه وجـــلّه

#عقيل_المديسيس

[Don’t @donttq8]

الله يا كثر النميمة ، مع الناس
راحت مع الاجواد / خذها وجبها

حتى لو ان السالفة ، مالها راس
يجي لها / اللي يلتوي في ذنبها )؛

[Don’t @donttq8]

يالاجودي ، والله ما افكر فيك
انا ماحب الردح /واهل الردح

والا ، ليا مني بغيت أهجيك
قدرت أسبك في / قصيدة مدح )؛

[جرّاح العتيبي @AL___9999]

صدقني ان الزمن ماعاد فكرت فيه
ولا عااد افكّر بـ حظي جاد ولا بخل

لو كل ما فاتني سقت الحسايف عليه
طلع بـ راسي من التفكير شلقة نخل

يوم اتعب النفس وافكّر لـ بعدين ليه ؟
والموت شغال يشخل فالنشاما شخل

ان زانت ايامنا هذا هو اللي نبيه
وأن كان مازانت الايام مالي دخل :)

[جرّاح العتيبي @AL___9999]

يالله بـ صبر ٍ مثل صبر المهادي
شطر ٍ لي اكثر من اسبوعين اغنّيه

الـوقـت له مـدّه علي متماادي
ورفيقي المحسوب ضاع الرجاء فيه

قلت احتزم ؟ قال احتزم لـ الثنادي
والظااهر حزامه نشب في ثناديه

رحت ورجعت ولا تحقق مرادي
والاقشر انااديه كنّي ماا انااديه :)

[Don’t @donttq8]

رأيي ، ومالك فرأيي خص
لي وجهةٍ / وانت لك وجهه

اللي يسمّي القصيده ، نص
تلقى قصيده / مثل وجهه )؛

[جرّاح العتيبي @AL___9999]

لي ايام وانا كل ماكتب ثلاث ابيات
يجيني بلا وارجع عليها واكنسلها

واعود على قديمي اللي فالاعجابات
وانسخ كم تغريده قديمه ولا ارسلها

اعاني من التفكير واشعر بـجلد الذات
وحاجات واجد بس ماني بـ قايلها

لا مات الشغف فالادمي كل شي ٍ مات
حتى اغلاء طموحاته مع الوقت يهملها :)

[‏﮼الشمري ‏﮼عبدالله ☪︎ @ALNDAOI202]

كل ماقالوا على شمر كبيره
استعنا الله وكبرنا وبنا

ننبري للمستحيله والعسيره
والشبب هو فالنا يوم استعنا

نتكاتف لين ماتصبح صغيره
مابنا الي دون ماجوبه تونا

من قديم ولابتي هاذا مسيره
مع مسير اجدادنا درهم ضعنا

#عتق_رقبة_عبدالله_حمد_العساف_الشمري
@abdallah_1h

[جرّاح العتيبي @AL___9999]

ليل الشتاء طال ولحقنا منه اذى
و ثنتين في ليل الشتااء ما دونها

الاوله ناار وحطب سمر و كذا
والثانيه عااد انتم تعرفوونها :)

[Don’t @donttq8]

عسى الفاتن ، اللي حبها يخلف الهقوات
عساها ما تفقدني / وقلبي ما يفقدها

حفيده شجاعً ينعرف ، حزة الصملات
ومن سربةٍ / تاريخها اللي ممجدها

صحيح اللقى للعاشقين ، أجمل اللحظات
وأنا علتي فـ/ شعوري أن جيت اواعدها

شعوري ، سوات اللي سرق له ٣ أبيات
ورتوت له / اللي كان قبله مغردها )؛

دونت

[أحمد بن فنيخ @5elat]

القاعه ( اللي بْلا حضور )
- احساس روحي مااااليه

احس بي خوف و سرور
- " محتاج فُرصه ثانيه "

متردد .! و كاتم شعور
- لحضات اعيشه قاسيه

طبعي كذا ماني جسور !
- لو .. الاماكن .. خاليه

#احمد_فنيخ

[‏﮼الشمري ‏﮼عبدالله ☪︎ @ALNDAOI202]

صحيح الأصحاب واجد ، ماني بجاحد
و أنا و الأصحاب ، ما ضاعت مبادينا

و إن قالو اختار بين اللي معك ، واحد
اخترت قرمٍ ، ليا أذّن قال : صلّينا ؟

#لشاعرها

[‏﮼الشمري ‏﮼عبدالله ☪︎ @ALNDAOI202]

حتى مفاهيم الكرم صابها ميل
الكيمره قبل الكرامه تولّم !!

أمّا يصوّر ضيفته : لـ الرياجيل
وألا ليا منه عطى شي علم !!

#لشاعرها

[ناصر مناحي @Nmnaa7y]

ياصوتي تسل ودلّه الليل بالمنكوس
وقل للعطاشا الهالكين ابشرو بالما

وقل للوجيه اللي تشوف الرجال فلوس
ليا اختلفت الاشكال مااختلفت الاسما

انا اعرف غني لاواجه الفقري المنحوس
تجي فيه حاله كنّها حالة الإغما

وانا اعرف فقيرٍ يضرب الارض بالناموس
يماري بجاهه كنّه النور في الظلما

[جرّاح العتيبي @AL___9999]

يالشاعر اللي تشتكي جور الايام
وعلى ما فاتك من حياتك توجّد

ريّح ملايكة القريحه و الالهام
وخل القصيد وسيرته واسمع الجد

باقي من اياااام الشهر تسعه ايام
حااااااول تقضيها قيام وتهجّد

وبعد رمضان ارسل على الخاص والعام
و اكتب و غن و مجّد اللي تمجّد :)

[ابـو فــهــيــد @f7a11d]

يومياً آجاهده يا مرّه .. أو مرتين
الين راحت جميع محاولاتي شتات

ذخرت لي لـ الظروف المقبله دمعتين
وهلّيتها كلها ذا الليل قبل المبات

ودي أفضفض .. لكن شيباني الأولين
وصّوا على الصمت وأنا ملتزم بالوصاة

عز الله إني على نفسي كسير وحزين
ما كنت هاقي بها تنساق لـ المغريات!
@ra3i_alawlh

[‏﮼الشمري ‏﮼عبدالله ☪︎ @ALNDAOI202]

السكوت لايعني القبول دائماً

أحياناً يعني اننا تعبنا التفسير لأشخاص
لاتفهم ولاتُقدر …!

[سلطان الثابتي الشمري @Salsh3er]

وجهت وجهي للكريم وعطاني
ما لا عطاه ملوك الارض الأعزه
-
احساسي ان الله معي لو ثواني
يسوى الحياة ويملي الروح عزه
-
ألقاه اذا احتجته وانا في مكاني
معاي في كل ارض وبكل حزه
-
ومن لا يرزه خالقه يا زماني
ترى الخلايق كلها ما ترزه
-
سلطان الثابتي

[‏﮼الشمري ‏﮼عبدالله ☪︎ @ALNDAOI202]

@5elat تقبل الله طاعتك
تروح وتجي بالسلامه 🌹