❗️🇸🇦 مجتهد الـعـوالي 🇸🇦❗️

#_يـاكــريـم_الــوجــه_يـاغــافـر_الــذنـب_العـظـيـم_ #_رد_ﻧــﻓـــﺳــﻲ_عــن_ذنــوبٍ_تــــزﯾــد_ذﻧــوبــهـا_

[❗️🇸🇦 مجتهد الـعـوالي 🇸🇦❗️ @ALOTAIBl2014]

🌙مبارك عليكم الشهر 🌙

أسأل الله أن يجعله شهر خيرٍ وبركة، وأن يكتب لكم فيه الرحمة والمغفرة والعتق من النار، وأن يتقبل منكم الصيام والقيام وصالح الأعمال.
كل عام وأنتم بخير 🤍✨

[عبدالمجيد الرشيدي @sijnhujis1]

اللي يجازينا, بالاحسان نجزاه
حتى لو انه من ،خبول الجماعه

واللي يعاندنا، بالاقدام ناطاه
ندعس على خده، ونلوي ذراعه

#مجتهد_العوالي

[💫ابو سنانه511💫 @AboSananh511]

#كل_ماشفت_الخيال_مع_العصير_مغيّم

#مجتهد_العوالي

[〰️( كاتم )〰️ @ASHKLMQ]

،

اللي يجازينا بالاحسان نـجـزاه
حتى لو انـه من خبول الجماعه
،
واللي يعاندنا بالاقـدام نـاطـاه
ندعس على خده ونلوي ذراعه
،
#مجتهد_العوالي

،

[❗️🇸🇦 مجتهد الـعـوالي 🇸🇦❗️ @ALOTAIBl2014]

عـزومـنـا مـاخـذت لـفـه وتـدويـره
عن درب الامجـاد لامـن عـود البايد
.
نتعب على الطيب مانتعب على غيره
والطيب كـايد وحـنـا نعشق الكايد
.
#ضيف_الله_الحويت

[مبارك بن رادعه @MBnradah]

كشفك الزمان الله لايكشف لنا مستور
وعلم عليك الشان ، واللازم الحاضي

وقف بيني وبينك صدى بيتي المشهور
وقفلت باب الشرهه اللي على الفاضي

تعاملت حتى مع قصورك ، بدون قصور
وتخطيتها ، مثل الحسايف على الماضي

[متعب الجلاه ، @mutab_aljlih]

اغلب شواعير الغرام مطفّق
وانا ميولي ف القصيد اجرامي

قال المثل م جمّع الا وفّق
ماابي مرام اللي يبيها رامي

شاعر على وصل القمر متشفّق
والشمس ماهي مصدرً لا الهامي

معشوقتي بدرً يلوح الافّق
حبي لها مثل المعاني سامي

ما تارد الا العيلم المتدفق
الريهجان اللي يعل الضامي

متهوّرً ف الحب ي المترفّق
رضى العرب ماهو ب شي الزامي

صح اليد الوحده ماهي ب تصفق
لكنها تعطيك كفً حامي .

[#صويلح_بن_مرجي @Abo_ahmad1713]

#حادي_العيس

ياحادي العيس لاتنبش لي جروحي
ايامي الفايته مالي نظر فيها

خلاني الوقت اعيش فــ معمعة روحي
و/ اجامل الناس قاصيها و / دانيها!!

ابواحمد✍️🏻..
#صويلح_بن_مرجي

[? @vertoas]

عاد للذكرى القديمه محلٍ فالضمير
كل ماجاء الليل جات الطواري ساريه

صورتك وأسمك وطاريك فالثلث الاخير
كيف أواجهها بصدرٍ ضلوعه عاريه ؟

[فلاح بن مانع @shadow__97]

قريحتي برّاقها في عرض غيم
ولا امطرت على وقايع نسْمها

ياللي تحرون المديح الله كريم
مالله كتب يغيثكم من وسمها

معرض عن الدنيا لو ابليس الرجيم
كل يوم يعرض لي مفاتن جسمها

والله لو يرجع بي الوقت القديم
اني مانادي طيور شلوى باسمها

[ٍ @8yuil_]

سامح الله من خذت مني هدوي وإرتياحي
لين حدتني على بعض الأمور اللي مابيها

مرحلة مدري متى تعتقني وتطلق سراحي
ما قدرت أعيشها ولا أنتقل لـ اللي يليها

لو تساعدني خطاوي رجلي بحزة مراحي
من يساعدني على روحٍ يدب الشوق فيها

[سلمان الذيـابي @S_alrooqi]

"
تدري وش أصدق ماتردد بـ الامثال
اللي يقول إن كل ~ ناجح محارب

على وصية شايبـي ~ يا ولدي قال
ترى الرجال تبين عند > التجارب

ياكثرهم بالهرج وإن جات الافعال
تاضح معادنهم ~ على كل شارب

وياكثرهم عند السوالف على جال
هرج الرخا وقت الشدايد تضارب
#سلمان_الذيابي

[Augustthoughts @u7inii]

"إي والله إني تايبٍ عنك وخلاص
وإني خرجت من الضلالة للهدى

وإني جريحٍ منك وجروحي قصاص
وغفرت ما أبي منك طيب ولا ردى"

[❗️🇸🇦 مجتهد الـعـوالي 🇸🇦❗️ @ALOTAIBl2014]

ياخالق الخلق ياكاشف خفايا الصـدور
بامرك ملايـكتـك اتسجل مكاتيبها

جيتك وانا ارجيك قبل احط وسط القبور
رحمتك من ساعتن ماينعرف غيبها

عبدك ومذنب ولا غـيـرك ياربي غفور
نفسي عـلى الغي جـرتني ملاعيبها

يارب وانته عـليم بما كتب فالسطـور
اغفر لنفسي بعد قـلـت مكاسيبها

#نواف_العضياني

[❗️🇸🇦 مجتهد الـعـوالي 🇸🇦❗️ @ALOTAIBl2014]

من يـبـي درب السلامه لايشد حزامه
ثـم يورّدها مـواريـد الندم والحسره

ومن تسمّع فـي ملامة نفسه اللوّامه
ساقها بـ اربع صحاح و ردّها منكسره

الكفو لو طاح حظه ما تطيح عظامه
مادخل في شوط رابعته عشان يخسره

يتهقوى فـي مقامه و السعد قـدامه
الشقى فالطيب واجد والمراجل عسره

#فارس_السميري

[❗️🇸🇦 مجتهد الـعـوالي 🇸🇦❗️ @ALOTAIBl2014]

ماعـلى الأجواد من مدحي وسـبي
العرب تخطي ولاهيب معصـومه
.
طـالبك لاتـشـتـكيـني عـنـد ربـي
ان ظلمتك فاشكني عند الحكومه
.
المبدع #عشق_بن_مسفر

[❗️🇸🇦 مجتهد الـعـوالي 🇸🇦❗️ @ALOTAIBl2014]

لو معِك عِـرفٍ عن العوجا يـردك
كان أخـذنا معك بالهرج و عطينا

قـد درسنا خارطة مزحك وجدك
والتزمنا الصمت عقب اللي لقينا

إن تساهلنا معك جـاوزت حدك
وإن هرجنا صارت الشرهه علينا

عطر الله قبـر ابـوك وقبر جـدك
اعتبر نفسك مـا قـلت ولا درينا

#تركي_الغنامي ⤵️ التكمله

[Augustthoughts @u7inii]

تجي اسف تجي كلك ندم ماني عنك راضي
محطّات الرضا يا اولي فاتت قطاراته

حسافه عمري الي فات في حبّك على الفاضي
الين اليوم والله عاجز اتخطّى معاناته

عطيتك ثلج وانت اعطيتني من جمرك اللاضي
وعلى شانك تحمّلت الجمر و احرّ كوياته

خلاص ارجوك لا تحاول ترجّع وقتنا الماضى
هذاك الوقت ولى حاول تقفل ملفاته

[نواف العضياني @511nawaf6]

ياصفحة الماضي لو انك نضيفه
بستاذنك واشيل منك اربع ابنود

1/الطيب فالرديان ماله وظيفه
مهما فعلنا دايم الدوم مجحود

2/والمدح في روس العقول الخفيفه
بلشه ومنها ينفتح باب مسدود

3/والحشمه لناس لخصمك حليفه
مهونةٍ يفرحبها كل مقرود
#نواف_العضياني

[نواف العضياني @511nawaf6]

الجولة العاشرة من مسابقة #شاعر_الإبداع
وتعليق لجنة التحكيم
.
محمد الحبردي 🎤 نواف العضياني
.
https://t.co/M0xJOW6Kot…
.
مرحلة الـ 48 من النسخة الثانية
.
يوم الأربعاء الموافق 1446/10/11هـ
مركز الملك فهد الحضاري في عنيزة
@creativity_poet @alnukhba_ksa
.
تغطية البيرق المميز