شامان🍂.

[شامان🍂. @AL_shaman707]

#ننخاك_ياسرحان_العفو
اسأل الله العظيم رب العرش العظيم ان يفرحنا ب العفو والعتق عن سعيد ويعجل ب الفرج ولاهي ب صعبه على سرحان وعلى سبيع الغلبا قال تعالى: ﴿فَمَنْ عَفَا وَأَصْلَحَ فَأَجْرُهُ عَلَى اللَّهِ﴾ 
نخوة ونداء إلى أهل الشيمة والكرم، تكفون يا سبيع، أملنا بالله ثم فيكم

[مبشر بن مهدي الغامدي @mobasher_mahdi]

سعيد بن شدا شاب ابتلاه الله وتحمل عبيد بدون سابق عداوة أو ميعاد.
قضى في السجن أكثر من ١٨ سنة شاف الموت وعاش ألمه ميئات المرات.
ننخى كل من له جاه من قبائل سبيع أو غيرهم من قبائل المملكة بالشفاعة عند أولياء الدم وهم اهل للعفو وقريبين من الخير

#تكفا_ياسرحان_العفو_عن_سعيد

[شامان🍂. @AL_shaman707]

#تكفا_ياسرحان_العفو_عن_سعيد
الله يفك عوقه ويفرحنا ب العفو عنه🤲🏻.

[شامان🍂. @AL_shaman707]

@v80r_1 اي بالله وسيم وتنجرح من سموم القيض
وانا اسمر ولالي معجبات اول وتاالي

ان كانك تفاخر في عجاب البنات البيض
انا معجبين اطوال الاشناب … بفعالي

لافي الغيداني

[شامان🍂. @AL_shaman707]

@v80r_1 سعد علوش يقول👇🏼.

والله اني اعرفه زعلان ولا راضي
من تلفّاته علي ومن طريقة مشيه

[محمد ابن سفر بن مقبل🇸🇦 @mohammedsafer1]

#العفو_ياسرحان_وسبيع_لسعيد
تكفى يا سرحان

[مهّتوي @mhtwe88]

الهقاوي ما تعلّق على منكب زهيد
العرب تعرف من تعلّمه بـ ظروفها

[فـــذ @F0_qt]

المحبه غاليه بس المشاعر ماتثمّن
والتهوّرفي دروب الحب يبغيله جراوه

يَحبيبي ودي اسأل لاتخاف ابغى اتطمّن
هو غلا والاكلامك بس من باب الفضاوه

خايفٍ اسخي شعوري في دروب الحب ثمّن
يطلع الناتج من الاحداث خذلان وقساوه

كلمة احبك كذا من غيرفعلٍ ماتسمّن
كنّها ارحب من بخيلٍ ما يلحقها حفاوه

[شامان🍂. @AL_shaman707]

كثر ماسترت أسمك لا تدري به العذال
يطرّيك صمتي والجوارح تهذري بك

قد أصعب سؤال يمر الاسماع كيف الحال ؟
وقد أغلى الوسايل عندي اللي جمعني بك

ولا هوب محزني سوا أن شاشة الجوال
تجيب إتصالك بس ماتقدر تجيبك".

[شامان🍂. @AL_shaman707]

لولا اختلاف الراي مابان الجميل من القبيح
تعلم اسلوب الكلام الراقي ، بـ اخذ وعطا

أكثر مشاكل مجتمعّنا .. لا رجعنا للصحيح
كلٍ يشوف إنه هو اللي صح والعالم خطا

[شامان🍂. @AL_shaman707]

مع المساكين تلقوني رؤوف و رحوم
و مع الملاعين تلقوني ادوس الخطر

احب كل ارتفاع ، الا ارتفاع الخشوم
و اعـاف كـل النزول ، الا نزول المطر

[قصايد @hnoof_x]

عدل اسلوبك مع العالم وعذرك خله
تكبر الزله ليا قدمت عذرٍ .. بايت
'
مـن تعذر عذر ما يسوى عشان الزله ؟!
مثل من يطلب دبل برقر و يشرب دايت

[شامان🍂. @AL_shaman707]

يالله استرني بلطفك دام سترك ثوبي
واغفر لعبدٍ كساه الذنب واصفح عنه

ما لنفسي غير نورك في ضلال دروبي
والمُنى عفوّك وحسن الخاتمه و الجنّه

مذنب ولاجيت اقارن رحمتك بذنوبي
اذكر ان ذنبي عظيم وعفوّك اعظم منه

[شامان🍂. @AL_shaman707]

أنا مع الضحك ، عندي نقص فالاكسجين
من يوم راحوا حبايب خاطري ورحلو

وش يردع القلب عن كثر السهر والحنين
ليا وصل فالهوى لا أخر حدود الغلو

من بد كل الكلام .. أنا أنتظر كلمتين
لبيه وأشتقت لك ماهوب وينك والو

دفاتر الصمت ماليها ، الكلام الحزين
لو رفها فيه عطر وفيه وجهٍ حلو :(

[شامان🍂. @AL_shaman707]

لك الله يَ أحن المخاليق وش قساك
وش اللي نزع ضحكة لقانا وكفنها ؟

وش اللي تغير واخر ايامنا وش جاك
وش اللي حداك لكلمه ما تثمنها ؟

على الروح ياقطعة من الروح من قواك؟
وهي روح ادنى ماتسويه يطعنها ..

[شامان🍂. @AL_shaman707]

مادام حبّتنا قلوب الطيبين
مانبغي قلوب الرخوم تحبّنا .

[شامان🍂. @AL_shaman707]

سرا ألليل وعيون ألمولع على ألجوال
يراقب ظهــور ألصاحب أللي على باله
يخاطب نجوم ألليل .. لا من ليله طال
لعل ألنجوم تطمن ألقلب ..عن حاله

.

[شامان🍂. @AL_shaman707]

عذرته وسامحته عل كل ماسواه
ومديت له يمنى المفارق وودعته

احبه ولكن خاطري جاه ماكفاه
يكفيني اني لاجرحته ولا اوجعته

[شامان🍂. @AL_shaman707]

كن ازدحام الطواري في زوايا الضمير
مثل ازدحام الحجيج اللي تزور الحرم

- علي الدعيه

[شامان🍂. @AL_shaman707]

شعار المرحلة: " ما عاد الخطا وارد ولا فيه احد مسموح / تراني على ادنى شي .. بزعل واخرّبها"