نبض^🇰🇼

تنبيه : "لا يوجد مقصود في اشعاري (: " - قراءه مُمتعه للجميع .

[نبض^🇰🇼 @AMR20230]

الحب للشجعان فقط .

مثل الشجاع اللي قال :

" لو دونها تاقف لي الانس والجان
لاجيهم مجيّ من راح للموت برجوله

ولو زبّنوها عن عيوني بقصر دسمان
علي الحرام لاقلب الحكم على الدوله ".

صباحو ☀️

[نبض^🇰🇼 @AMR20230]

وتحاول تقنع نفسك إن عنده عذر، وإنه أكيد مو ناسيك. وبالنهاية؟ تطفي الشاشة، وتحط راسك على المخدة، وتنام مو لأنك شبعت انتظار…
تنام لأن كرامتك تعبت وهي تبرر الغياب.

[نبض^🇰🇼 @AMR20230]

أسوأ شعور مو إن محد يكلّمك
الأسوأ إنك تعيش يومك كله على أمل كل إشعار يخليك تلتفت، وكل رنة تتوهم إنها منه، وكل دقيقة تمر تقول يمكن الحين يمكن بعد شوي. تسكت عن ناس كثير بس عشان شخص واحد يجي، وتأجل نومك، وتقاوم تعبك،

[نبض^🇰🇼 @AMR20230]

دام الحبّ والشوق ما هزّك ولا رجّع خطاويك
وش حيلتي لا صار قلبك ما يلين ولا يحنّ؟

أنا تعبت أجرّ أيامي على دربٍ يودّيك
وأردّد اسمك بدعوةٍ ما بين ضلوعي وأحن

[نبض^🇰🇼 @AMR20230]

لا عيد بدون صوتك ولا تكمل أفراحي
الناس تحتفل وأنا بغيابك حزين

يمرّني العيد مثل العابر بلا معنى
لا ضحكةٍ تشرح الخاطر ولا قلبٍ يلين

أدور صوتك بين الزحمة ولا ألقاه
وأرجع أعاتب زمانٍ فرّق اثنين

[نبض^🇰🇼 @AMR20230]

اللهم حببني إلى قلبه،يارب رده لي رداً جميل.

[نبض^🇰🇼 @AMR20230]

طلة مساء الخير من دونك بلا معنى
أنت ابتسامة مساي وبهجة انواره

[نبض^🇰🇼 @AMR20230]

محبتي لك ماهي بحاجة اثبات
ولاحدٍ يجي مثلك ولا له معشّا
ㅤ
رغم ان عليك اشياء واجد وزلات
إلا انك لحالك بقلبي اتمشّى : )
ㅤ

[نبض^🇰🇼 @AMR20230]

اللهم صباحاً يزهر بالخير
اللهم لُطفك أينما سارت بنا الحياة
اللهم صباحاً فيه سكون النفس
وطمأنينة القلب وراحة البال
وجميل البشائر وكمال العافية

[نبض^🇰🇼 @AMR20230]

عز الله اني وصلت لمرحله صعبه
ما كل واحد من الناس يتحملّها

لكن ورب السماء والارض والكعبه
« اني لها لين ما ربي يسهلها » .

[نبض^🇰🇼 @AMR20230]

رح للسعة.. وش دخلك بالنوايا
مالك بسر صدورنا / لك علنها !

الله تكفّل فـي حساب الخطايا
والله يحاسبها على ما ائتمنها

كانك من اللي يبحثون الخفايا
حنا من اللي لا لقاها.. دفنها

[نبض^🇰🇼 @AMR20230]

ما عاد فوق البسيطة شي يعنيني
من شدة الفقد صرت أحس بـ الغربه

من كثر ما حن قلبي و ذرفت عيني
حتى أقرب الناس صرت أخاف من قربه

[نبض^🇰🇼 @AMR20230]

انا عجوز ومــطلقه وام ورعـان
وايضا مدام وبنت وانسه وعانس

انا بدوية وعايشه عند حضران
وبنت البحر وابوي زارع وغارس

اميه ماتـعرف حروف والوان
وتلميذه دشت جميع المدارس

ظفره وخبله وعاقله في نقصان
شرود وانطح لي ثمانين فارس

خلوني اعيش العابره دون عنوان
طيف يمر بلا رقابه وحـارس🤪

[نبض^🇰🇼 @AMR20230]

العقل نعمه .. والقناعات تجديد
وافكارنا ما هي بـ دايم .. حكيمه

بعض الوضوح احيان يحتاج تعقيد
لأن الحياة اصلاً ما هي مستقيمه .

[نبض^🇰🇼 @AMR20230]

تزرعين الورد .. من وين اتجهتي
من تبسامك خذا ، الورد اتجاه

للمسا والصبح في خدك جمعتي
ماخذه للشمس والقمرا اشتباه

اعجز اني اوصفك لكن ترى انتي
من عرف وجهك عرف طعم الحياه ..

مساكم ورد

[طيش 🇰🇼 @ah95_Q8]

والله لا أوردها على كيف مشهاي :

الرجوع الى علاقه قديمه نفس اللي
يتسبح ويرد يلبس ملابسه الوصخه

[نبض^🇰🇼 @AMR20230]

@ah95_Q8 صح عليك

[نبض^🇰🇼 @AMR20230]

« أمر بيتك من بعيد ولا أجيه
وأنا لو أنه في يدي ما اتعدّاه . »

[نبض^🇰🇼 @AMR20230]

طالعه من الدوام يوعانه رشحو لي مطعم

[نبض^🇰🇼 @AMR20230]

@7aijm سلامتك ماتشوف الشر

[نبض^🇰🇼 @AMR20230]

انا القاسي اللي ماغفر ذنبك
انا المكابر اللي يحبك ولا جاك .