عبد العزيز الشمري

الحمدلله

[الشاعر/فاضل بن حميّد @fhs91]

اليوم صادفت الركايب مراويح
ع مغيب الشمس والطرش ناحي

وأخذتلي قبل أكهفتها تـراويح
وعلى نــوازيها رميت الجناحي

وتذكرت عيني رسوم المفاليح
أهل التواضع والعلوم الملاحي

تنشد ولو أنك قريب المشاويح
لاغبت قالو وين ذيبان راحــي

أقفت بهم سود اليال المنازيح
أقفت براعين القلوب الصحاحي

ولاني زبون أهل الوجيه المكاليح
ماليبهم علم وسـلام وصلاحي

قل الصبر وأقفيت من دون تلويح
وأشوف لي شيبٍ بالأزلاف لاحي

والله لايخلي بالعرب هاب الريح
الي كمى غيثٍ ع الأرض طاحي

لولاه دنيانا سموم وصلافيح
لا أنس ليل ولاصباحٍ ربــاحي

#فاضل_بن_حميد

[الشاعر/فاضل بن حميّد @fhs91]

#بركات_الشمري
ياالشمري وضعك يمثل شعوري
لازادات الدنيا بالأحمال غنيت

وواجه العدوان وأظهر سروري
ويجيبها ربي على ماتـــمنيت
#فاضل_بن_حميد

[الشاعر/فاضل بن حميّد @fhs91]

أتعبت من كثر التفاكير هامتك
وطغت على نفسك كثير الظنوني

لاتشغلك في داخل الناس صورتك
في عين نفسك صورتك وش تكوني ؟

لاتستمع للي يهبط عـــزيمتك
وجه الحسود الي يغمز العيوني

ومن غير ذا ماعندي الا سلامتك
خذها من الـي بارعٍ باالفنوني

#فاضل_بن_حميد

[الشاعر/فاضل بن حميّد @fhs91]

بعض العرب حكيه يجيب الصداعي
حتى عن المعده يسد الشهيه

الله على شوفت كريم الطباعي
مرتب المنطق عزيز البهيه

وان غبت شغل عنك دفعٍ رباعي
لاذمك النمام يلعن ثويه

#فاضل_بن_حميد

[الشاعر/فاضل بن حميّد @fhs91]

العابرين الي مع السكة كثير
لكن قليل الي يشدون الرباط

بعض العرب غالي وهو عبر الأثير
وبعض العرب جنبك وهو مثل الشناط

#فاضل_بن_حميد

[الشاعر/فاضل بن حميّد @fhs91]

انا ماخذ الدنيا على الصبر والتخفيف
على شان ماتثقل علي وأكسر أذراعي

طبيعي تشوف أن اكثر الناس به تجويف
تجنب تصادمها ترى مـالها داعي

وانا متبع الي بالمشاعر سحابة صيف
شبيه السراب الي خدع هقوة الراعي

#فاضل_بن_حميد

[الشاعر/فاضل بن حميّد @fhs91]

المعاريف الكبيرات ماعنها مصد
عن وجيهن ماقدرنا نجاري طيبها

وأشهد أن وقفات الأجواد تبغاله سدد
عند من يحفظ جنبها ويدرى عيبها

#فاضل_بن_حميد

[الشاعر/فاضل بن حميّد @fhs91]

من لايعزك حي لامات مرحوم
اليا تخلخل بالجماجم ترابه

والي نفل حطه على راس مزموم
علاج تسبدك لاتبين صوابه

لاتلحق الي صده الوقت باللوم
هفت مقيط الي هفى والرشابه

#فاضل_بن_حميد

[الشاعر/فاضل بن حميّد @fhs91]

اليا أكتفى الإنسان في حسن ذاته
ماهو مدور للمحاسن مع الناس

والناس مابه كاملٍ في صفاته
الكامل الله والبشر ماس ونحاس

#فاضل_بن_حميد

[الشاعر/فاضل بن حميّد @fhs91]

المدح يزهى طيبين الطبوعي
ماهو بيزهى الخايبين الرديين

#فاضل_بن_حميد

[الشاعر/فاضل بن حميّد @fhs91]

#شكراً_أبطال_الدفاع_الجوي
يستاهلون الشكر ذربين الأيمان
درع الوطن جوٍ وبر وبحرها

والمشكلةماهي على هجمة أيران
أيران راحة ملح وأظلم سفرها

المشكلة من نحسبه عز الأخوان
يحفر وربك طيحه في حفرها

نفطر على غاربه من قبل الأذان
الين نفسه تنقطع من قهرها
#فاضل_بن_حميد

[الشاعر/فاضل بن حميّد @fhs91]

#الزلفي
برد وسـلام الله لايـسلم أيران
آحفاد كسرى جعلهم للزوالي

في دارهم تمطر سمادٍ ودخان
والأرض ضاعت ماعلى الارض والي

ماذكرفيهم خيرمع طول الإزمان
لابأول الدنيا ولا قيل تـــالي

يالله تحفظ الدار وتحفظ سلمان
ومحمد الي يرتقي للمعالي
#فاضل_بن_حميد

[الشاعر/فاضل بن حميّد @fhs91]

نجاهد الدنيا والأيام صلفات
والي مضى لايمكن انا نعيده

راسٍ عزيز وراس من ظمن الأموات
يدٍ هزل عظمه ويدٍ شديده

ولاودنا الطيب يذوق المعاناة
نريد والله يفعل الي يريده

#فاضل_بن_حميد

[الشاعر/فاضل بن حميّد @fhs91]

أعتزل مايُؤذيك من خـايب الناس
لوكان فيه يشابكن العــــروقي

صعبٍ تحط لميت الحس حساس
بينه وبين أهل المحسه فروقي

أبحث عن الراحه ولو بين الأطعاس
أن مالقيت لمثل طبعك يلوقي

مالك ومال مسببت ضيق الأنفاس
دغم الوجيه مضيعين الحقوقي

#فاضل_بن_حميد

[الشاعر/فاضل بن حميّد @fhs91]

تفاصيله عن العين ماغادرت لـحظات
هي أسوار قلبي هي سراجه وبيبانه

هي الحب الأول وأطيب العمر واللذات
هـي الكون كـله مايجي ثلث ميزانه

صحيح أنها ماتت لـكن حبها مـامات
علـيها السـلام ورحمة الله وغـفرانه

#فاضل_بن_حميد

[الشاعر/فاضل بن حميّد @fhs91]

#فاضل_بن_حميد

[الشاعر/فاضل بن حميّد @fhs91]

القصايد ماتفيدك وماضيك مــــعروف
وأنت خـرٍ لذيابه ولا أنت بذيبها

شاعر سليماني الكلب مذموم الوصوف
جعل ماصابه يصيبك سنع تصويبها

وأنت داشر عن بلادك مثل راس الخروف
والعلوم الي تنومسك ماتحريبها

#فاضل_بن_حميد

[الشاعر/فاضل بن حميّد @fhs91]

نمد كف الود مدٍ بلا حد
مار النتايج ماتسر الصديقي

ومن لايقدر صاحبٍ يطلب الود
يجيه من يقطع عليه الطريقي

ماهي تدوم الا على طيب الجد
يصهل وفاء ماهو براعي نهيقي

#فاضل_بن_حميد

[الشاعر/فاضل بن حميّد @fhs91]

ما احب اعاتب واتشره على الناس
وأعرف شــــــــاريني ومن بايعيني

وأعرف بأن كثر الحكي يوجع الراس
وأعرف ضعيف هروجها والسميني

وأن قلتلي حساس اقول ايه حساس
ماني بجلمود الجـــــبال المتيني

قلبي لحم لاشك يمشي على ساس
تـقدر تصنفني مــــــــع الطيبيني

#فاضل_بن_حميد

[الشاعر/فاضل بن حميّد @fhs91]

دور على الي لاتعورت قال آخ !
الجلد جلدك مار الأحساس عنده

#فاضل_بن_حميد