Abdullah Almeshal

يارب لا تحرم عيوني من النور
اللي يشعشع كل ما تضحك أُمي

[Abdullah Almeshal @AbdullahAlmes11]

حبّوك يوم المشكله مالها حل
وذموك يوم أمست معاك محلوله

جنايزٍ منها السوالف خذ وخل
مدفونةٍ لكن ماهيب مغسوله

مانيب قايل ليه صار الغلا غل ؟
الحسد ماغيّب عن الأرض زوله

محرقهم إنك صاير الكل بالكل
وإنك قدرت تسوي اللي تقوله

[Abdullah Almeshal @AbdullahAlmes11]

إذا ماقدرت تجلس مع لكبار وتناطحهم في افعالهم نصيحه جمع الصغار وخلك كبير عليهم 😉

[Abdullah Almeshal @AbdullahAlmes11]

ماحد له فضل وجمايل علينا غير ( أبوي ) فقط
تعرف ليش .

أنا كل ماجيت الرجاجيل في موضوع
معاريف أبوي وذكره الزين يخدمني .

[Abdullah Almeshal @AbdullahAlmes11]

شعور المقتدر لا من بغى حاجةٍ ماهي للبيع
تراه ألعن من شعور الفقير اللي يبي حاجه .!

[Abdullah Almeshal @AbdullahAlmes11]

خلّك اصمّ إن زاد هرج الملاقيف
وابكم ليا أَكلوا لحوم الخلايق

وان كنت تبغى قمّةٍ فالمشاريف
احذر من المنقود وابد الحقايق

[Abdullah Almeshal @AbdullahAlmes11]

ديوون المال تسدد لكن ديون المواقف
تبقى خالده للأبد 🤚

[Abdullah Almeshal @AbdullahAlmes11]

ماهي : فوبيا الأجواد
الي يقول بينه وبين نفسة ( ليكون ثقلت عليه )
عسى مايلقون لها علاج وتصير عدوى

[Abdullah Almeshal @AbdullahAlmes11]

رسمنا قلوبنا بيضاء لأن الفقر أسود وجه
عسى الله كل مانحلم على النيّات يرزقنا …!!

[Abdullah Almeshal @AbdullahAlmes11]

لا تذل النفس دايم وترضى بالنزول
ولا يجي منّك رخامه و تحريض وريا

مستحيل تحصل العز وتنال القبول
وانت ما عندك كرامه ولا عندك حيا !

[Abdullah Almeshal @AbdullahAlmes11]

يرضيني إني عشت وافي ولابرت
وأعلنت بالهرج الصحيح إنطباعي

زاد النفاق الإجتماعي وأنا صرت
ماعاد أحب أصير شخص إجتماعي

[Abdullah Almeshal @AbdullahAlmes11]

ما ضيّق صدور المجالس باختصار
إلا صغار القدر وكبار البطون

مظاهرٍ تشحذ مكانة واعتبار
وأيمانهم ما طالت إلا للصّحون

لولا الحياء ما أسلم إلا باليسار
على وجيهن لا تصان ولا تصون .

[Abdullah Almeshal @AbdullahAlmes11]

سبحان الله ليلة القدر الكل يذكرك ويرسل لك سامحني حللني بيحني و اذكرني بدعوة وباقي الايام !!

تحط بالحالة « أحاديث وأذكار »
وأنت انجس من الفار طبعك لعيّن

كانك تخاف الله وتخشى من النار 
خل الحكي بالناس والدين بيّن .

[Abdullah Almeshal @AbdullahAlmes11]

الشوارب اللي تحكمها نسوان مالنا عتب على صاحبها . 🫵

[Abdullah Almeshal @AbdullahAlmes11]

يمنى تمد ولا تهاب التكاليف
ويمنى خذاها الشح لين المذله

الطيّب الطيّب عليه التحاسيف
والا ردي الساس محدن فطن له

ياوجد قلبي وجد من جاله الضيف
يبغى يدسم شاربه وماحصل له

المال لابو المال ماهو على الكيف
كمٍ من كريم قيده في محله

[Abdullah Almeshal @AbdullahAlmes11]

يازارع في أرض غيرك قطنه
لا ألك عقل ولا فطنه.

[Abdullah Almeshal @AbdullahAlmes11]

وجهي لربعي من بغاه استعاره
ماني بمن يرقد وربعه جويعين

مالٍ ورى الأصحاب ماهو خساره
سجل علي حسابهم والله يعين .

[Abdullah Almeshal @AbdullahAlmes11]

الجهاد الحقيقي هو ان تعيش بالحلال وسط كل هذا الحرام المنتشر 🤚

[Abdullah Almeshal @AbdullahAlmes11]

أنا اي وواحد هالفتره يكلمني او يوقف معاي وفالنهاية يسألني هاه تبغى شيء ناقصنك شيء ما بجامل على طول بقول له الآيفون الجديد والذاكرة ١ تيرا بعد 😉🤚

[Abdullah Almeshal @AbdullahAlmes11]

اعمارنا مثل الحطب في طرف نار
شي احترق واللي بقى جايه الدور .
وارزاقنا مثل السحايب والامطار
اللي مهو مقسوم ما هو بممطور.

[Abdullah Almeshal @AbdullahAlmes11]

ناخذ ونعطي والزمن كفه بخيل
و أهم شي إنّا نروم المعالي

سود الليالي طلعتنا رجاجيل
الله يبيض وجه سود الليالي.